АҚШ “Сурия демократик кучлари”га қурол аслаҳа юборишни бошлади
АҚШ ўзининг энг яқин стротегик ҳамкори бўлган Туркия тарафидан террорчилар рўйхатига киритилган “Сурия демократик кучлари”га қурол-аслаҳа юборишни бошлади. Бу ҳақида АҚШ мудофаа вазирлиги (Пентагон) хабар тарқатди. Пентагоннинг эълон қилишича, Раққа амалиётига иштирок этиши режалаштирилган Суриядаги Курт кучларга қурол аслаҳалар ва ҳарбий техникалар юбориш амалиёти кеча бошланган.
Пентагон матбуот котиби майор Адриан Галлавай Сурия демократик кучларининг курт унсурларига енгил қуроллар ва ҳарбий техникалар юбора бошланганини тасдиқлади. Бироқ Галлавай қуролларнинг турлари ва ҳарбий техникаларнинг сони ҳақида маълумот беришни истамади. Бундан аввал Пентагон тарафидан берилган баёнотда енгил қуроллар, бомба юкланган зирхли техникалар ва алоқа воситалари юборилиши айтилган эди.
АҚШнинг ИШИДга қарши кураш бўйича махсус вакили Бретт Макгерк Сурияда Раққа амалиёти яқин кунларда бошланишини ва АҚШ кучлари ҳам Сурия демократик кучлари билан биргаликда жангга киришини билдирди.
“Биз бу ерда ҳам Сурия демократик кучлари билан биргаликда ҳаракат олиб боряпмиз. Раққа билан орамизда 2км масофа бор. Яқин кунларда ҳарбий амалиётни бошлаймиз. Аниқ бир кунни айта олмайман, бироқ жуда яқин кунда бошлаймиз”, деди Макгерк.
АҚШ Сурия демократик кучларини ИШИДга қарши жангда иштирок этишини рўкач қилиб, уларга ҳарбий ёрдам кўрсатаётганлигини оқлашга уринмоқда. Бу борада якин ҳамкори деб қаралган Туркиянинг эътирозларини инобатга олмади. Туркия президенти Ражаб Тоййиб Эрдуғон Сурия демократик кучларини террорчи кучлар деб сифатлаб, АҚШнинг мазкур кучларни қурол-аслаҳа билан таъминлаши Туркия-Америка алоқаларига тўғри келмаслигини билдирган эди.
