Жогорку Кенеш депутатлари Аида Салянова (Ата Мекен) томонидан ишлаб чиқилган балоғат ёшига етмаганларга никоҳ ўқиган имомларни жиноий жавобгарликка тортиш тўғрисидаги қонун лойиҳасини тасдиқлашди.
Икки ҳафта аввал ортга қайтарилган қонун лойиҳаси Аида Салянованинг сўровига биноан яна қайта овозга қўйилди.9 июн куни бўлиб ўтган парламент йиғилишида тўртинчи уринишдан сўнг, 69 депутат қонун лойиҳасини маъқуллаб овоз берган бўлса, 30 депутат қарши бўлди.
Икки ҳафта аввал мазкур қонун лойиҳаси “айрим камчиликлар” сабаб ортга қайтарилган эди. Лойиҳа ташаббусчиси Салянова “Жиноят кодекси”га никоҳга розилик берган ота-оналар, никоҳ ўқиган имом ва турмуш қуришга рози бўлган ёшлар, агар балоғат ёшига етмаган бўлса 3 йилдан 5 йилгача озодликдан маҳрум этилишлари тўғрисида ўзгартириш киритиш таклифи билан чиққан эди. Қирғизистон “Оила кодекси”га мувофиқ никоҳ ёши 18 ёш қилиб белгилаб қўйилган.
Туркистон:
Бу қонун муслима қизларимизга зулм қилиш асосидан келиб чиққан куфр гумашталарининг лоиҳаси асосида ишлаб чиқилди. Деярли бутун Қирғизистон мусулмонлари қарши чиққанларида ҳам, бу қонун депутатлар томонидан қўллав топди. Чунки қирғиз депутатлари Ғарб дунёқарашини таъсири остидаги демократ кучларнинг босимларидан қўрқишаяпти.
Бу қонун биринчи сафар депутатлар томонидан қўллов топмаган пайтда бутун нодавлат ташкилотлар саросимага тушиб қолишганига гувоҳ бўлдик. Улар “бундай бўлиши мумкин эмас, бу қонун албатта парламентдан ўтиши шарт” деган маънодаги фикрлари билан ТВ орқали кўп чиқишлар қилишди.
Бу қонунга призидент қўл қўйгудек бўлса, яъни қонун кучга кирадиган бўлса, бузуқчиликка кенг йўл очиқ бўйича қолаверади. Лекин Иймон билан никоҳ орқали бўладиган алоқаларга чеклов қўйилади.
Саломатлик вазирлигининг бераётган статистик маълумотига таянадиган бўлсак, 17 ёшгача бўлган қизларнинг мингтадан 5 таси беникоҳ туғяпти. Бу ҳар йили 200 та 13 дан 17 ёшга тўлмаган қизларимиз ҳаромдан кўзи ёрияпти дегани.
“Статистикага кўра, Қирғизистондаги аборт орқали қоринларидан бола олдириш бўйича ҳам, 17 ёшга етмаган қизлар 0.7 % ни ташкил қилади. Бу тақрибан бир йида 180 та аборт қилинишини билдиради”, деди соғликни сақлаш бўйича етакчи мутахассис Айгул Бообекова.
Бу расмий статистик маълумот. Лекин бизларнинг минталитетимиздан келиб чиқиб, қўрққанларидан ёки номус қилганларидан, бундан бир неча баробар кўпроқ қизларимиз чет элларда аборт қилдиришади ёки туғиб бериб юборишади. Баъзилари расмий рўйхатдан ўтмаган ҳолда, яширинча ёки уйларида аборт қилдиришади. Бу ҳолатларни қўшадиган бўлсак рақамлар бир неча баробар ортиб кетади.
Саляновани бу жирканч мақсаддаги лоиҳасини қўллаётган депутат ёки шахслар билиб қўйишсин, улар аллақачон балоғатга етиб бўлган қизларимизни йўлларини тўсишаяпти. Уларнинг ўзларининг қизлари кўчаларда юриб номаҳрамлар билан беъмалол нафсларини тўйғазиб олишади. Лекин мусулмонларнинг муслима қизларимизчи. Энди у бечораларни ҳалол киёвга бериб юбориш имкониятларимизни ҳам тўсиб чеклаб қўйишмоқчи. Мақсадлари, кечаги Бишкекда уюштирган ёпишиб рақсга тушиш маросимлари сингари ўйинлар ривожланиши учун, бузуқ ҳирсли одамларни кўпайтиришдир.
Муслима қизларимиз инша Аллоҳ сабрда маҳкам туришади. Лекин уларга бир неча йиллар зулм қилишимизга тўғри келади. Йўқса энди орган ҳодимлари тўйлар ва туғуруқхоналар олдида пойлоқчилик қилишади. Бу қонун улар учун тирикчилик манбаларидан яна бирига айланади. Илгарироқ, яна шу ўспирим болаларни қисиб борадиган, 14 ёшдан бошлаб жиноий жавобгарчиликка тортиш ҳақидаги қонун ҳам Жогору кенешдан ўтиб призидент столига олиб кириб берилган эди. Бу иккала қонун ҳам, ўспирин фарзанларимиз учун жуда катта зулмлар олиб келади. Улар орасида ўз жонларига қасд қилиш кучаяди.
Сиёсий томонини оладиган бўлсак: қандайдик кучлар бу қонунни призидент ва унинг командасини обруйсизлантириш учун атайин шу ҳолатга олиб келди. Ҳозир, бу қонунни қабул қилиш билан унинг оқибатларига жавобгар шахс призидент бўлиб қолди. Призидентнинг мусулмонлар билан алоқалари узоқлашиб бораяпти. Бу қонуннинг имзолаши билан ўртада жарликлар пайдо бўлади. Кимдир шу лоиҳа асосида ўта айёрлик билан призидентни ва унинг атрофидагиларни сайлов олдида қийин аҳволга солиб қўйди. Имзоламаса, Ғарб олами гумашталари босим беришади ёки улар билан алоқалари ёмонлашади.
Шунинг учун призидент муфтиётни ўз қўлига олиб, вазиятга таъсир кўрсатишга ҳаракат бошлади. Бу эса, диний қатлам етакчиларини ҳам сайлов олдида бир неча бўлакларга бўлиниб кетишига сабаб бўлади. Чунки жамиятимиз жуда шиддат билан исломийлашиб бораяпти. призидент сайловида исломий муҳитнинг таъсири жуда кучли бўлади. Сиёсий мафиявий бўлаклар эса, ҳозирдан диний уламолар ва жамоаларни ўз томонларига торта бошлашаяпти. Бу ёмон оқибатларга олиб келиши мумкин эканлиги уларни ҳатто қизиқтирмайди ҳам.
