Покистон ҳукумати мустамлакачи давлатлар билан тилбириктириш орқали ўз халқи ва мусулмонларга нисбатан амалга ошираётган жиноятларни далил исботлар билан очиб ташлаган шахслар ўз-ўзидан дом дараксиз йўқолиб қолиши одат тусига айланиб бормоқда. Бундан тўрт ой муқаддам Покистон хавфсизлик хизмати тарафидан Ҳизб ут-Таҳрир уюшмасининг яна уч нафар фаол аъзоси ўғирлаб кетилди. Бу йигитлар ҳам, булардан аввалги ўғирлаб кетилганлар ҳам ҳали ҳануз топилгани йўқ. Уларнинг тирик ёки ўлик эканлиги ҳам маълум эмас.
Шу боис ўғирлаб кетилган уч йигитнинг оила аъзолари Покистоннинг энг катта шаҳри ҳисобланган Карачи шаҳрида матбуот анжумани ташкил қилишди. Ушбу оилаларнинг адвокатлари ҳам анжуманда иштирок этишди. Уч оила вакиллари анжуман чоғида “миллий ҳаракат” лойиҳаси АҚШ тарафидан тузиб берилган лойиҳа эканлигини ёритиб бердилар. Уларга кўра, Покистон режими бу лойиҳадан Ислом ва мусулмонларга қарши кураш учун ниқоб сифатида фойдаланмоқда.
Пайғамбарлик минҳожи асосидаги Халифаликка даъват қилган Сайидмуҳаммад Фаҳд ва Алиасад Муҳсин исмли уч йигит Покистон миллий хавфсизлик кучлари тарафидан 2015 йил 6 апрелда ўғирлаб кетилган эди. Йигитлар оила аъзоларининг даъволарига кўра, тўрт ойдан буён миллий хавфсизлик хизмати йигитларни қаерда ҳибсда сақлашаётганини яшириб келади. Ҳолбуки, Покистон маҳкамаси уларни озод қилиниши учун қарор чиқарган.
