Матбуот баёноти
«Сайловларни масхара қилиш» айблови билан қамоққа олишлар
Ҳизб ут-Таҳрир – Тунис вилояти матбуот бўлими «Ғарб доираларининг макрига ва парламент сайловининг масхарабозлигига қарамай, Уммат Исломий Халифаликни барпо этиш қўзғолонини давом эттиради» сарлавҳаси остида матбуот баёноти нашр қилди. Ҳизб баёнотда 2010 йил 17 декабрда тунисликларнинг қўзғолонига учраган режимнинг Ғарбга тобе илмоний режим бўлганини таъкидлаб, ўша пайтдаги парламент сайловларини «масхарабозлик», деб атади ва уни Тунис халқига қарши навбатдаги фитна эканини очиқлади. Шунингдек, бугунги президент Қайс Саиднинг кетаётган хавфли йўлидан огоҳликка чақириб, унинг Франция сиёсатига итоат қилиб, юртимиз устидан бўлган ҳукмронлигига рози бўлаётганини ҳамда илмоний тузумини ҳимоя қилиб, Исломни бошқарув ва қонунчиликдан узиб қўйганини баён қилди.
Ҳизб ут-Таҳрирнинг Тунис вилоятидаги аъзолари бир ҳафтадан буён мазкур матбуот баёнотини тарқатиш кампаниясини олиб бораётган эдилар. Баёнотни тарқатиш асносида 15 декабр пайшанба куни Манзил-Тамим шаҳри адлия полицияси гуруҳи Муҳаммадамин Дабибийни қамоққа олиб, ҳалигача ҳибсда сақлаб келмоқда. Шу пайтга қадар ҳибсга олинганлиги тўғрисида маълумот берилмаяпти. Кейин унинг ишини «Республика президентини ҳақорат қилиш» айблови билан судга оширди!
Ўша куни (15 декабр пайшанба) полиция ходимлари Ҳизб аъзоларидан Юсуф Мансурнинг пойтахт Тунисдаги дўконига бостириб кириб, матбуот баёноти варақаларини мусодара қилишди ва ўша куннинг ўзида Юсуф Мансурни «сайлов тинчлигини бузди», дея судга тортишди! Кейинроқ айблов исботланмагани учун қўйиб юборишди!
Эртасига 16 декабр жума куни қўзғолон бешиги бўлмиш Сиди Бузид шаҳрида Ҳизб ут-Таҳрир аъзоси Заҳир Абдуллоҳ «варақа тарқатиш ва ғаразли маъруза қилиш» айблови билан қамоққа олинди! Биродаримиз Заҳир ҳалигача ҳибсда қолмоқда, ҳибсга олинганлиги тўғрисида маълумот берилмаяпти.
Биз Ҳизб ут-Таҳрир – Тунис вилояти матбуот бўлими аъзолари ушбу қамоққа олишларга нисбатан қуйидагиларни таъкидлаймиз:
- Давлат президентига эслатиб қўяйлик, Тунис қўзғолонининг шиори режимни ағдариш бўлган, бас, ушбу шиорни кўтариб чиқиб, халққа Ислом ақидаси асосида туб ўзгариш қилишни талаб қилишга чақирган инсонларни қамоққа олиш қўзғолонга хиёнатдир.
- Йигитларни сиёсий бир баёнотни тарқатганлари учун қамоққа олиш давлат учун шармандаликдир. Бу раҳбарларнинг бебошлигини ҳамда ўз қўллари билан тузган қонун ва дастур устуворлигига амал қилиш ҳақидаги даъволарининг ёлғонлигини очиб бермоқда.
Бироқ, афтидан, Ҳизб чиқарган мазкур баёнот хорижий элчихоналарнинг ҳаловатини бузган кўринади. Шунинг учун мансаб учун бир-бирларига қарши курашиб ётган ҳукмрон синфга Ҳизбнинг овозини ўчириш ёки пасайтириш мақсадида йигитларини қамоққа олишни буюришган… Демакки, президентнинг «фикр билдирган инсонларни ҳеч қачон қамоққа олмаслик» тўғрисида тинимсиз қилган даъволари ғирт ёлғондир!
- Ушбу қатор қамоққа олишлардан шу нарса яна бир бир тасдиқланмоқдаки, «25 июл ҳокимияти» ҳам Ҳизб ут-Таҳрирга нисбатан ўзидан олдинги ҳокимият каби муомала қилмоқда. Чунки у ҳужжатга қарши ҳужжат билан, мафкурага қарши мафкура билан кураша олмайди. Билъакс, биз бу ҳокимиятнинг таҳдид қилиш, хонадонларга бостириб кириш ва адоват қилишда ўзига полиция давлатидан нусха кўчираётганига гувоҳ бўляпмиз. Гўё у диктаторликни қайта бошлаш учун замон билан мусобақалашаётгандек. Зеро, одамларга ушбу бузуқ тизимнинг ҳақиқатини кўрсатиб бериш учун фикрий кураш олиб бораётган йигитлар зулм таёқларига айланган хавфсизлик кучлари томонидан нишонга олинмоқда. Режим кризисни ҳокимият ўриндиқлари учун олиб борилаётган беҳуда курашдан иборат қилиб кўрсатаётган экан, аслида кризис анча мураккаб бўлиб, асосан, ҳозирги бузуқ тизимда гавдаланади. Зеро, бу тизим мустамлакачилик ва унинг малайларига мослашиш учун ишлаб чиқилган ҳамда ҳокимият, қонунчилик ва инсонлар алоқаларини тартибга солишдан Исломни четлатган тизимдир.
Хулоса сифатида шуни таъкидлаймизки, Ҳизб ут-Таҳрир – Тунис вилояти аъзолари илгари Бурқиба ва Ибн Али режимларини ҳам кўрганлар, аммо уларнинг ҳибсга ва қамоққа олишлари ғояларидан қайтара олмаган. Бас, бугунги кунда уларнинг юртдаги Ғарб ҳамда унинг қонунчилик тизимлари ва маҳаллий малайларининг ҳукмронлигига чек қўйишга ва Ислом асосидаги рошид бошқарувни барпо этишга бўлган аҳд-паймонлари аввалгидан ҳам қатъий ва мустаҳкамдир. Шу боис, золимлар қамоқлари уларга ҳаргиз таъсир ўтказолмайди.
Аллоҳ Таоло бундай деган.
﴿يُرِيدُونَ أَنْ يُطْفِئُوا نُورَ اللَّهِ بِأَفْوَاهِهِمْ وَيَأْبَى اللَّهُ إِلاَّ أَنْ يُتِمَّ نُورَهُ وَلَوْ كَرِهَ الْكَافِرُونَ﴾
«Улар Аллоҳнинг нурини оғизлари билан ўчирмоқчи бўладилар. Аллоҳ эса, гарчи (кофирлар) хоҳламасалар-да, фақат Ўз нурини тўла (яъни, ҳар тарафга) ёйишни истайди» [Тавба 32]
Ҳизб ут-Таҳрирнинг Тунисдаги
матбуот бўлими
