“Пайғамбаримизни яхши кўраман”, “жоним, ота-онам сизга фидо бўлсин ё Росулуллоҳ” каби шиорларнинг изоҳи
Охирги ўн йилликда Пайғамбаримиз мустафа соллоллоҳу алайҳи вассалламни кофирлар ҳар турли ифлос услублар билан мазах қилиб, беҳаё суратлар чизиш ҳатто филмлар чиқариб таҳқирлашни одат қилиб олишди! Ҳар сафар бу хунрезликка қарши умматнинг бир бўлаги қаттиқ жумбушга келса, бошқа бир қисми уларнинг шижоатлиларини тўхтатишга ва мавжуд куфр қонунларига риоя қилишга чақиради ёки мажбурлайди! Ваҳоланки шижоатлилар ҳам, уларни тўсаётганлар ҳам, Пайғамбаримизни яхши кўришни даъво қилади.
Муҳаммад соллоллоҳу алайҳи вассалламни жонимиздан, ота-онамиз ва оила-фарзандларимиздан ҳам яхшироқ кўриш билан мўъминнинг иймони комил бўлади. Лекин уни амалда кўриниши қандай бўлади?
“Ота-онамни яхши кўраман” деган одамнинг гапи амалда уларга моддий ва манавий яхшилик қилиш билан ўз тасдиғини топади. “Оилам ва фарзандларимни яхши кўраман” деганда ҳам, уларнинг олдидаги бурч вазифаларини адо этиш назарда тутилади. Акс ҳолда бу гапларнинг ҳеч қандай қиймати йўқ, шунчаки баландпарвоз ҳайқириқлар бўлиб, уни айтаётган одамлар жамоатчилик олдида маломатга қолишади.
Бирдарлар, Пайғамбаримиз соллоллоҳу алайҳи вассалламни жонимиздан, энг яқинларимиздан кўра яхшироқ кўриш ибодати қуруқ гап бўлиб қолса, биз ҳам ҳар иккала дунёда маломатда қолишимиз аниқ.
Кофирлар, бизни хорлаб, таҳқирлаб, хонавайрон қилиб муқаддасиётларимизни оёғ-ости қилишда давом этиб келишаяпти. Биз уларга қарши ҳар хил йўллар билан, гоҳида бошқа куфр қувватларига шикоят қилиш билан қаршилик қилиб келамиз. Лекин ҳаётда Пайғамбаримиз соллоллоҳу алайҳи вассалламнинг йўли, суннатларига, у киши босиб ўтган тариқатларига эътибор бериб риоя қилишга бепарво бўляпмиз. Натижада бизни куфр билан бошқариб келаётган оламий етакчи давлатлар Пайғамбаримиз соллоллоҳу алайҳи вассалламни оддий одамлар қаторида мазхара қилиниши керак деб маҳкам туриб олишди. Бизни ва Пайғамбаримиз соллоллоҳу алайҳи вассалламнинг шаънини ҳимоя қилувчи давлатимиз йўқ бўлгани учун тарқоқ ҳолда дунёнинг ҳар четидан дод-фарёд солиб, намоишлар қилиб, тор имкониятларимиздан фойдаланиш билан фақат туйғуларимизни вақтинча қондириб келяпмиз! Зулм эскириб энди ёдимиздан кўтарилаётганида, улар ўзларининг бирор сиёсий мақсадига мувофиқ яна муқаддасиётларимизни таҳқирлаб, бизни қўзғата бошлашади. Куфр олами бизнинг жамоий ҳаракатларимиздан хавотирланишмайди. Чунки биз бутун ғазабимизни Макрон сингари шахсларга қаратамиз. Бизнинг қўлимизда шу ишлари учун уларнинг устига тортишимиз вожиб бўлган қўшинларимиз йўқ!
Демократияга асосланган капиталистик бошқарув системаси, ўз ақида ва қадриятларига мувофиқ, Пайғамбаримиз соллоллоҳу алайҳи вассалламни таҳқирлаган фуқороларини ҳимоя қилишмоқда. Улар ҳар бир фуқоросининг эркинлигини кафолати учун бутун давлат қуввати билан ҳимояга киришади. Бизнинг давлат раҳбарларимиз эса, куфр қонунларига риоя қилиб, жуда бўлса оламий куфр ташкилотларига шикоят ёки мурожаат қилишдан нарига ўтмайди. Давлат раҳбарлари оддий одамлар сингари оммавий тинчлик намоишлари уюштиришаяпти. Бу найранглари билан ўз заифликларини яширишга ва фуқороларини алдаб куфрга қарши ўзининг зиммасидаги шаръий вазифасини бажара олмаслигини яширмоқчи бўлишади.
Эй Ислом уммати, биз Пайғамбаримиз Муҳаммад соллоллоҳу алайҳи вассаллам амонат қолдирган азизликни йўқотиб, амонатга хиёнат қилиб қўйдик. Биз яшаётган ҳаётда Ислом билан ҳукм қилмаслик ва суннатни тарк қилиш мавжуд бўлса-да, биз хотиржам, куфр олами билан муроса асосида яшашга одатланиб қолдик! Охир оқибат нимани талаб қилсак ўшани олдик! Чунки дунёда фақат икки томон бор бўлиб бири Ислом бўлса, қолган иккинчи томоннинг ҳаммаси куфрдир! Қачон биз Исломдан юз ўгирсак албатта куфрга юз тутамиз! Куфр эса бизни динимиздан воз кечмагунимизга биздан рози бўлмайди!
Шунинг учун биз мўъмин-мусулмонлар куфрга қарши исломий шаръий позицияларимизни онгли равишда ҳимоя қилишимиз ва исломий Ақидадан балқиб чиққан мабдаий исломий тузумни ҳаётимизга олиб келиш учун шу бугундан бошлаб куфрни инкор қилишимиз ҳамда ҳар бир ишимизни исломий ҳукмларга, суннатга боғлаб, куфр билан муроса қилишдан ва унга тилёғламачилик қилишдан тийилишимиз вожиб.
Ҳокимларимизни ҳам, ҳокимиятга мувофиқ шарий ҳукумларга риоя қилишга чақириб, ўз стротегияларини бизни алдаш асосига эмас, куфрга қарши шаръий, сиёсий йўлга буришга даъват қилайлик, муҳосаба қилайлик! Ассаламу алайкум.
Абдураззоқ Мўъмин.
