بِسْمِ اللهِ الرَّحْمٰنِ الرَّحِيمِ
Амирликларнинг яҳудий вужуди билан муносабатларни нормаллаштириши режимларнинг Уммат масалаларига қилаётган қатор хиёнатларидан биридир
Доктор Мусъаб Абу Арқуб
Ҳизб ут-Таҳрир – Муборак Фаластин
замини матбуот бўлими аъзоси
Бирлашган Араб Амирликлари билан яҳудий вужуди ўзаро тўлиқ дипломатик муносабатларни тиклашга келишиб олишди. Бу яҳудий вужуди бош вазири Биньямин Нетаньяху, Абу Даби шаҳзодаси Муҳаммад ибн Зойид ва АҚШ президенти Дональд Трамп томонидан берилган қўшма баёнотда айтилди.
Оқ уйдаги юқори лавозимли расмийларнинг айтишича, келишув талабига кўра, яҳудий вужуди Ғарбий Соҳилдаги айрим минтақаларда ўз суверенитетини кенгайтиришни тўхтатишга рози бўлган. Илгари у Ғарбий соҳилдаги айрим минтақаларни аннекция қилиш масаласини кўриб чиқаётган эди.
Ибн Зойиднинг таъкидлашича, Трамп ва Нетаньяху билан бўлиб ўтган мулоқотда, келишилган икки томонлама муносабатларни ўрнатиш учун муштарак ҳамкорлик Йўл харитасига келишиб олинган. Келишув талабида, икки давлат ўзаро элчихона муносабатларини тиклаш ҳамда хавфсизлик, таълим ва соғлиқни сақлаш каби турли соҳаларда ҳамкорлик қилиш айтилган.
Бу хоинона келишув Ислом Умматининг елкасига миниб олган ҳукмдорларнинг қандай аҳволда эканликларини кўрсатмоқда. Амирликлар ҳукмдорлари ҳам, бошқа мусулмон юртлари ҳукмдорларидан фарқсиз ўлароқ, ҳаммаси Ислом Умматининг душманлари қўлидаги арзонгаров қўғирчоқлар бўлиб, улар буюрган ҳар бир ишни иккиланмай ва уялмай бажаришмоқда. Амирликлар ҳукмдорлари телефонда расман суҳбатлашиш билан яҳудий вужуди билан муносабатларни очиқ-ошкор нормаллаштираётганлар «клуб»ига кирди ва уялмай, тан олувчилар гуруҳига аъзо бўлишди. Улар босқинчи вужудни ва унинг муборак заминининг аксар қисмидаги «ҳақ»ини тан олишяпти ҳамда у билан ер юзидаги бошқа давлатлар билан алоқа қилгандек алоқа қилишяпти. Гўё бу яҳудий вужуди икки қибланинг биринчиси, икки ҳарами шарифнинг учинчиси бўлган даргоҳни ва Пайғамбаримиз ﷺнинг Исро масканларини босиб олишмагандай!
Мусулмон юртлари ҳукмдорлари, хоҳ яҳудийлар билан муносабатларни очиқ-ошкор нормаллаштиришсин, хоҳ муборак замин масаласини икки давлат ечими билан ечишга чақиришсин, барчаси хоинликда бир-бирларидан фарқ қилмайди. Масалан, ушбу ҳукмдорлар ҳамда Фаластин режими ва хоин Араб давлатлари ташаббуси томонидан чақирилаётган икки давлат ечими фақат битта натижага, у ҳам бўлса, хиёнат манзилига етаклаяпти. Унда муборак заминнинг аксар қисмидан воз кечилиб, ён берилмоқда ва бунинг эвазига фақат қоғозда ёзилган давлатчага эга бўлинади. Бу заиф давлатчанинг вазифаси яҳудий вужудини мудофаа қилиш, Фаластин аҳлидан эса, ўч олиш, босим қилиб, уларни ихтиёран юртни ташлаб чиқиб кетишга ундаш ёки маданий-маърифий жиҳатдан итоатгўйларга айлантиришдан иборатдир. Токи, улар бу босқинчи вужуднинг муборак заминда эмин-эркин яшашларига, гўзал истиқболга эришишларига ва мустамлакачи Ғарб бераётган барча ечимларнинг татбиқ бўлишига тўсиқ бўлишмасин. Шунингдек, ушбу ечимлар ҳам Ғарбнинг Ислом Уммати танига зулукдек ёпишиб олган малай режимлари томонидан ҳамда Умматдан суғурилиб чиқиб олган ва аслида фақат ўзларинигина тамсил этган ҳаракат ва ташкилотлар тарафидан тўсиқсиз бажарилсин.
Амирликлар ҳукмдорлари ҳам, мусулмон юртларидаги бошқа ҳукмдорлар каби Умматни тамсил этишмайди, фақат ўзларини тамсил этишади. Ҳаммалари Умматни иблисга сотишди ва бу ишни Америкага ва мустамлакачи Ғарб давлатларига малайлик қилиш ҳамда худди қул хўжайини билан мустаҳкам муносабатда бўлгани каби, яҳудийлар билан мустаҳкам муносабат олиб бориш орқали амалга оширишди. Шунинг учун улар Умматни тамсил этишмайди, Уммат улардан покдир. Қуръони Карим ва Исро сураси билан таскин топувчи Уммат ушбу муборак Фаластин замини масаласини фақат битта шаръий ечими бор, деб билади. У ҳам бўлса, бу озод қилиш ечимидир. Уммат бу ечимни Ҳиттинда қаҳрамон Салоҳиддин Айюбий салибчиларни супуриб ташлаган пайтда бошдан ўтказган, демак, яна бошдан ўтказажакдир. Яна Уммат армиялари оёққа туриб, қайта шердек ўкириб, бир сакрашдаёқ яҳудий вужудни ер билан тоабад яксон этиб, Қуддус деворларига ва муборак заминнинг чор атрофига Ислом байроғини тикажак. Бу – мўминлар қалбига ором берадиган, Ислом Умматининг азизлигини қайта тиклаб, уни ўзига лойиқ даражага қайта кўтарадиган ҳамда халоскор қўмондонлар номини Уммат тарихига муҳрлайдиган воқеа бўлажак.
Тарих шафқат қилмайди, бу хоин ҳукмдорлар хиёнатини ўзида тоабад сақлаб қолади. Амирликлар ҳукмдорларининг ҳам бу хиёнатларини ўз саҳифаларига ёзиб қўяди. Зотан, Амирликлар ҳукмдорлари ўзларини шайтонга қул қилишди ва ўз шаънларини бир соат ҳам сақлаб қолишолмади. Чунки янги иттифоқчилари бўлган яҳудий бош вазири улар билан келишиб олгандан сўнг бир неча соат ўтиб-ўтмаёқ уларнинг шаънини қайта ерга булғади. Яъни, Ғарбий Соҳилдан бир қисмини аннекция қилишдан ҳаргиз воз кечмаслигини эълон қилди. Дарҳақиқат, Нетаньяху пайшанба куни берган баёнотида аннекция масаласи кун тартибида албатта сақланиб қолажагини айтар экан, «аннекция масаласини мен таклиф қилганман ва уни фақат АҚШ маъмурияти билан мувофиқлашган ҳолда бажариш менинг вазифам», деди. Яҳудий вужуди айни баёноти билан Амирликлар ҳукмдорлари келтираётган сохта дастак ва баҳоналарини бир пул қилди. Зеро, Улар яҳудийлар билан муносабатларни нормаллаштиришимиз эвазига улар Ғарбий Соҳилни аннекция қилиш ва назорат қилишдан воз кечишди, деган «дастак»ни келтиришаётган эди. Зотан, Исломга хиёнат қилган ҳар бир кимсаларнинг тақдири бу дунёда хорлик ва охиратда аламли азобга гирифтор бўлишдир. Муборак Фаластин масаласи эса, Умматга мансуб ва Уммат билан буюклигича қолади.
Ушбу муборак замин масаласи Уммат масаласидир. Умматки, у урушларнинг аксарида нусрат қучган, Ҳиттинда салибчиларни яксон этган, Айн Жолутда мўғулларни синдирган. Шунинг учун эртага ҳам қайта нусрат қучиб, муборак заминни ва босиб олинган барча мусулмон юртларини қайта озод этади. Чунки Фаластин масаласи ўзининг малай ҳукмдорларига яҳудий вужуд билан алоқаларни тиклашни буюриш орқали сохта сиёсий ютуқларни қўлга киритмоқчи бўлаётган Трамп ёки бошқа кимса қўлидаги сайлов қоғози эмас. Йўқ, у Уммат масаласидирки, ушбу масалани ҳал этиш учун Уммат Пайғамбарлик минҳожи асосидаги Халифаликни барпо этиш орқали ўз ҳокимиятини қайта қўлга олади. Ушбу Халифалик Трамп ва унга ўхшаганларни шайтон васвасасига солиб қўяди, унинг ва мусулмон юртларидаги малайлари нуфузини йўқ қилиб, муборак заминни Ислом Уммати бағрига қайтаради.
Ушбу Ислом Умматининг қўшинлари, зобитлари ва қўмондонлари учун муборак Фаластин заминини озод этиш ва яҳудий вужудини қўпориб ташлаш сари ҳаракатга келиш, ўз оёқлари тагидаги хоин ҳукмдорларни супуриб йўқ қилиш вақти аллақачон келган. Бас, шундай экан, мудом бу ҳукмдорлар Уммат душманлари билан тил бириктириб, уларнинг буйруқларини бажариб, уларга ихлос билан хизмат қилишар экан, шунингдек, ўзларини худди Трампнинг сайлов кампанияси аъзоларидек тутишиб, унинг кўрсатмаларини фидоийлик билан бажаришар экан, Исро масканини озод этиб бўлмайди, Уммат ривожланолмайди. Чунки муборак замин халос бўлиши учун мустамлакачи Ғарбга малай мана шу тоғут элитадан озод бўлишимиз керак. Бунинг учун Умматнинг бағрида мард ўғлонлар бисёрдир ҳамда ушбу аламли воқеликни ўзгартиришга ҳаракат қиладиган ва буюк озодлик кунини орзиқиб кутаётган шижоатли йигитлар сон-саноқсиздир.
Ҳа, муборак Фаластин замини озод этилиш ваъдасини олган бўлиб, озод этилишга маҳкумдир. Ушбу заминга хиёнат қилган ва босқинчи яҳудийлар билан муносабатларни нормаллаштираётган анави ҳукмдорлар ҳам, мусулмон юртларидаги бошқа ҳукмдорлар ҳам тарих саҳифаларидаги қатор хиёнатларига янги-янги хиёнатлар битишдан ва Умматга қарши ишлашаётган макр саҳнасига янги саҳна қўшишдан нарига ўтишмайди. Чунки ҳақиқатдан Уммат кўзига яққол кўриниб, ҳукмдорларнинг хоинлиги ва мустамлакачи Ғарбга малайлиги фош бўлди. Энди Уммат ҳаргиз сукут қилмайди, ҳаракатида давом этади. Мусулмонлар ҳаётидаги бу фавқулодда замон асло узоқ давом этмайди ва оламга Пайғамбарлик минҳожи асосидаги рошид Халифалик нури таралиб, Трамп ва унинг хоин ҳукмдорлари кўзини албатта кўр қилади, ўзларини йўқ қилади.
Роя газетаси сайтидан олинди
