Терроризмда айбланган Акрам Азимов ФХХ (ФСБ) уни Қирғизистондан қандай ўғирлаб кетганини айтиб берди
Қирғизистон фуқороси Акрам Азимов 2017 йили 15 апрел куни Қирғизистоннинг Ўш шаҳрида жойлашган хусусий касалхонадан Қирғизистон хавфсизлик ходимлари ҳамкорлигида ФХХ ходимлари томонидан ўғирлаб кетилган эди. Бу ҳақида уни операция қилган врачи, шифокорлар, ота онаси ва бир қатор матбуот вакиллари гувоҳлик бериб, далиллар келтиришганига қарамай, Азимов шу кунгача Россия қамоқхонасида қолмоқда. Лекин Қирғизистон президенти ёки ҳукумат вакиллари ёхуд депутатларнинг бирортаси ўз фуқоросига чет давлат томонидан очиқ туҳмат ва зулм қилинаётганини кўра-била туриб, ҳатто бу ҳақида баёнот беришга ҳам журъат қила олишмади.
18 сентябр куни Москвадаги суд залида Азимов 2017 йил 3 апрел куни Санк-Петербург метросида содир этилган қўпорув амалиётига алоқадорликда айблаш мақсадида ФХХ уни Қирғизистондан ўғирлаб Россияга олиб келгани ҳақида айтиб берди. 4 кун қаттиқ қийноқдан кейин унинг чўнтагига граната солиб, ташқарига қўйиб юбориб, кейин атайин махсус амалиёт уюштириб, гўё уни Масква кўчасидан қўлга олгандек сценарий таёрлашган. Бу амалиёт тасвирини улар узоқ вақт барча телевидениялар орқали тарқатишди.
Азимовнинг отаси узоқ вақт Кремл хиёбонларида якка ўзи норозилик намойиши билан чиқишлар қилди. Путинга мурожат қилиб ёрдам сўради. Аммо Акрамнинг отасини Россиядан чиқариб юборишди. Шунда ҳам у Қирғизистон ҳокимиятидан ёрдам сўрамади, нега?! Чунки фойдаси йўқ!
Қирғизистон ҳукумати ўз фуқороларини ҳимоя қила олмайди! Айниқса иш Россия сингари ҳалқаро сиёсатда йирик ва мустамлакачи куч томонидан олиб борилаётган бўлса асло аралаша олмайди. Аксинча, уларга мамлакат эшиклари кенг очиб берилади! Устига устак у билан ҳамкорлик қилиб, ўз фуқороларини ўз қўллари билан ушлаб, топшириб юборишади. Азимов устида бораётган айбловлар 100% тухмат экани ойдек равшан бўлишига қарамай, Қирғизистоннинг Россия элчилиги ўз фуқоросига бўлаётган бу зулмга муносабат билдиришга журъат қила олмади!
Қирғизистон сингари қолоқ ва мустамлака давлатлар уялмай мустақиллик кунини байрам қилиб кенг нишонлашади. Иқтисодий ислохотлари, стротегиялари, бюджет ва молия тизими… мехнат муҳожирлари томонидан тўлдирилиб бораётганига қарамай, давлат ўз фуқороларига шундай беэтибор, бефарқ муносабатда бўлмоқда! Президентлар баландпарвоз сўзлар сўзлаётиб уялишмайди ҳам!
Оламий бошқарув системасининг асоси бўлган халқаро қонунлар етакчи давлатлар томонидан ишлаб чиқилади ва жорий қилинади. Табиийки улар заиф давлатларни халқаро ва маҳаллий қонунларга риоя қилишга мажбурлашади. Агар катта давлатлар ҳар қандай қонунни бузса, уни ким жазолайди – ўзини ўзи жазолайдими! Ёки бир-бирини жазолашадими?! Йўқ албатта, уларни ҳеч ким жазолай олмайди!!!
Қирғизистон мустақил давлат эмас!
Абдураззоқ Мўъмин.
