Жалолобод: мусулмонлар уйида тинтувлар давом этмоқда
Қирғизистонда тақиқланган адабиётлар рўйхати мавжуд эмаслиги ва теологик (диний) экспертиза ўтказиш салоҳиятига эга бўлган расмий идорани йўқлиги расмий ҳукумат мусулмонларга қарши олиб бораётган курашда жуда қўл келмоқда.
Милиция ва ДМХҚ ходимлари мусулмонларнинг уйига тонг саҳардан бостириб келиб, оила аъзолари, хусусан ёш болаларни қўрқув ва тахликага ташлаб ўтказадиган тунтув давомида топилган ҳар қандай диний мавзудаги китоб ва брашуралар – гарчи уларнинг аксари ҳукумат рухсати билан чоп этилган бўлсада –экстермистик мазмундаги адабиётлар сифатида тақдим қилинади. Кейинчалик бирор эсперт томонидан бу китоблар ҳукумат хоҳиш-истагига қараб экстремистик деб топилади ва хонадон эгасига қарши ҳужжат сифатида фойдаланилади.
Жалолобод вилоят ички ишлар бошқармасининг 10-бўлим ходимлари 14 сентябр куни тонг саҳарда Ҳизб ут-Таҳрир аъзоси сифатида милиция рўйхатида турган Сузоқ тумани Кумуш-Азиз қишлоғида яшовчи 51 ёшли фуқаронинг уйида тинтув ўтказишгани хабар қилинди.
ИИБ 10-бўлими томонидан билдирилаган хабарга кўра, тинтув давомида гувоҳлар иштирокида 10дан ошиқ китоб, варақалар ва электрон материаллар топилди. Мазкур иш бўйича Сузоқ тумани ички ишлар бўлими жиноят иши қўзғатди. Топилган материаллар устидан теологик экспертиза тайинланиб, тергов ишлари бошланган.
Хабарга кўра, бундай тинтув ишлари Жалолобод вилоятининг деярли барча шаҳар ва қишлоқларида амалга оширилган ва йил бошидан бери дний экстремизмга боғлиқ 40дан зиёд жиноят иши қўзғатилган.
