Президент МХДҚ раиси билан хавфсизлик масалаларини муҳокама қилди
Президент матбуот хизматининг хабар беришича, Алмазбек Атамбаев 9 декабр куни Миллий хавфсизлик давлат қўмитаси раиси Абдил Сегизбаевни қабул қилиб, мамлакатдаги хавфсизлик масалаларини муҳокама қилди.
МХДҚ раиси президентга терроризмга қарши олиб борилаётган кураш ҳақида ҳисобот берди.
Бундан ташқари учрашув мобайнида Сегизбаев МХДҚнинг фаолияти, миллий хавфсизликни таъминлаш бўйича қабул қилинаётган кенг кўламли чора-тадбирлар, шу жумладан, экстермизм ва терроризмга қарши кураш ҳамда аксилтеррор чоралар самарадорлигини ошириш борасида олиб борилаётган ишлар ҳақида хабар берди.
Президент ва МХДҚ раҳбари фуқаролар хавфсизлигини таъминлаш мақсадида террорчи ва экстремистик гуруҳлар, шунингдек, улар билан алоқадор бўлган ташкилотлар фаолиятини аниқлаш ва олдини олиш бўйича кейинги чора-тадбирларни муҳокама қилишди.
Туркистон:
Сегизбаев харбий одам эмас. Уни МХДҚга алоқадор ишларда хеч қандай тажрибаси йўқ, у бу соха бўйича мутахасис эмас. Сегизбаев Акаевнинг матбуот котиби бўлиб ишлаган. У Акаев билан бирга қочиб кетганлар сафида бўлган. Унинг бахтига катта холасининг куёви Атамбаев призидент бўлиб қолди. Шунда у яна фалакнинг гардиши билан хокимият ишларига аралаша бошлади.
Лекин хавфсизликка алоқадор ишлар бу каби концелярия хизматчилари қўлида қолиши, мамлакатни ўта хавотирли ва тутуриқсиз холатга олиб келиб қўйиши мумкин. Улар хавф хатарларни хақиқий жиноятчилардан эмас балки ясама ва буюртма жиноий элементлардан излаб, ўзидан юқори хўжайинларига мутлоқ тобеъ бўлиб олишади. Бу каби етакчилар юқори лавозимда қолишни ўзи учун хаётий масала қилиб олганликларидан, хар қандай холатда хам фақат буйруққа итоат қилишади. Сегизбаев хавфсизлик муаммоларида хатто мутахасислар маслахатини тиниқ тушуна олиш лаёқатига хам эга эмас.
Хавфсизлик масаласи бу каби заиф одамларнинг қўлида бўлса, хар қандай носоғлом коррупциялашган ёки сиёсий жиноятчи тўдалар, вазиятдан фойдаланиб ўзларининг илгариги бир қатор жиноятларини ёпиб олишда фойдаланиб қолишга харакат қилишади. Масалан, очиқ ҳолда давом этиб келаётган “юпи гейт” номини олган жиноий ишини олайлик. Бу иш яқинлашиб келаётган призидентлик сайловигача ёпилиб кетишидан кимлардир манфаатдор. У носоғлом кучлар яқинда Жуматаевни қўлга олиш амалиётида МХДҚга ўз таъсирларини ўтказишди. Улар бу ишга Хизбни айбдор қила оламиз деб Сегизбаевни ишонтира олишган бўлишса ажаб эмас. Негаки хозирдан шу йўналиш бўйлаб матбуот юришларини бошлаб юборишди. Иш эгаси бўлмаган одам, хатто душманчилик қилишда хам ўта кўп хатоларга йўл қўяверади. Оқибатда эса, оддий халқ ёки мамлакат манфаатларига қўпол ва кўп зиёнлар олиб келиб қўйганини ўзи билмай қолади.
13 одамни отиб ўлдирилиши билан нихоясига етган амалиётда эса хали тергов бошлагани йўқ. У хам МХДҚ ва ИИМнинг навбатдаги ўхшовсиз амалиётларидан бири бўлган. Бу иш хам секин аста парда ортига суриб борилаяпти.
Мамлакатда эса, хавфсизлик масаласи ўта кескинлашиб бораяпти. Ташқи учинчи кучлар мустақил ўзлари ёки МХДҚ билан хамкорликда қўпорув ишлари уюштириб юбориш хақида бош қотиришаётган бўлишлари мумкин. Чунки улар Қирғизистонни Мусулмонларга қарши кенгроқ ва ашаддийроқ курашишга ундашаяпти. Матбуот хужуми авжига чиққанда эса, қўпорувчилик амалиёти уюштириш билан худди оловга керосин сепиб юборгандек иш қилишлари мумкин.
Шунинг учун МХДҚ ходимлари ясама ўйлаб топилган террористларни қидиравермай, хақиқий хавф хатарларни олдини олиш хақида фикрлашлари лозим.
