Британия ҳарбий-ҳаво кучларига ҳаётлари хавф остида қолган тақдирда Ироқ осмонларидан Россиянинг ҳарбий самолётларига ҳужум қилиш ҳуқуқи берилди. Бу ҳақда якшанба ,11 октябр куни Daily Sunday Times газетаси вазирлар идораси ( маҳкамаси) ва хавфсизлик вазирлиги манбаларига таянган ҳолда хабар берди.
“ Британия ҲҲК “ Торнадо” самолётлари учувчилари ҳаётларига таҳдид туғилган ҳолатда Россия самолётларига зарба беришлари мумкин. Бундан ташқари учувчилардан Ироқда рус ҳарбий кучлари вакиллари билан ҳар қандай муомаладан воз кечиш талаб қилинган”- дейилади хабарда.
Нашрга кӯра, Бирлашган Қироллик ҲҲК га “ ҳаво-ҳаво” русумли ракеталари берилади. Мудофаа вазирлиги манбаларига биноан илгари хавф йуқлиги боис самолётлар ракеталар билан бойитилмаган эди.
“ Энди эса вазъият ӯзгарди, Россия ҳаво кучлари Сурия осмонларида кӯтарлигани баробарида бизларга ҳам хавф пайдо бӯлди. Шунинг учун ушбу қарорга келдик. “ ,- дейди вазирлик вакилларидан бири.
3 октябр куни Британия боз вазири Дэвид Кэмерон журналистларнинг саволларига жавоб бера туриб деди:-“ Россиянинг қилган ишларига ақл бовар қилмайди. Зеро Сурия ерида дӯсту душманнинг фарқига бормайди. Яъни ҳужум пайтида кимлар “ ИШИД” гуруҳига мансуб ва қайси тарафда Сурия мухолифатчилари мавжуд, аҳамият бермайди. Бу бесаранжомлик минтақадаги вазиятни янада чигаллаштирди. Авваллари Россия барча иттифоқчиларини бирдамликка , яъни Суриянинг сиёсий ӯтиш даври ҳақидаги “ мамлакатда тинчлик ӯрнатиш “ муштарак режасини биргаликда тузишга чақирар эди”.
30 сентябр куни Федерация Кенгаши Владимир Путиннинг Сурияда Россиянинг ҳарбий-ҳаво кучларини ишга солиш ҳақидаги табалномасини тасдиқлади. Худди шу куни рус авиацияси биринчи зарбаларини бошлади.
7 октябр куни Ироқ парламенти мудофаа комитетининг раҳбари Ҳаким ал- Замилий , Ироқ ҳукумати Россиянинг ҳарбий аралашувини эътироф этишлигини айтди.
“ Биз яқинда Россиядан ёрдам сӯрашлигимиз мумкин. Яъни Россияга Ироқ ерларида ҳаво зарбалари амалиётлари учун рухсат берилади. Аммо бу нарса Россиянинг Суриядаги ютуқларига боғлиқдир “,- деди у.
Россия Федерация Кенгашининг спикери Валентина Матвиенкога кӯра , агар расмий талабнома келса, у ҳолда Россия ҳукумати ӯзининг Ироқ ҳарбий амалиётларига аралашуви имкониятини кӯриб чиқади .
