Ислом даъватини кўтариб чиққан Ҳизб ут-Таҳрир аъзоларидан бири 1969 йилда туғилган Султон Мурод Мусаев Ўзбекистон қамоқхоналарида шаҳид бўлди. Шаҳид (иншаАллоҳ) Султон Мурод жазо муддати битишидан 2 ой аввал Навоий вилоятининг Қизилтепа туманида жойлашган 64/47 сонли жазони ўташ муассасидан Тошкентга кўчирилган эди. Тошкетдаги “Сангород” жазони ўташ муассасида Султон Мурод билан учрашган яқинларининг билдиришича, унинг соғлиги жойида бўлган. Аммо шаҳид бўлишидан бир неча кун аввал телефон орқали оила аъзолари билан гаплашган Султон Мурод ўзига қандайдир номаълум дори беришганини айтган.
Ўзбекистон қамоқхоналарида диндор маҳкумларга нисбатан қўлланилаяётган бундай ҳолат биринчи марта амалга оширилаётгани йўқ. Одатда Каримовнинг қотиллари турли қийноқлар билан маҳкумларни қатл қилишганидан сўнг, “ўзини юқори қаватдан ташлаб юборди” ёки “бехосдан юраги тўхтаб қолди”, деган баҳоналар билан оила аъзоларига топширишади. Марҳумлар танасида яққол кўриниб турган қийноқ аломатлари эса асло эътиборга олинмайди.
Шаҳид Султон Муроднинг жасади оиласига топширилгандан сўнг давлат хавфсизлик кучлари улардан марҳумни тезда дафн этишларини ва унинг ўлими ҳақида ҳеч кимга ҳеч қандай маълумот бермасликларини қаттиқ талаб қилишди. Дафн маросими орган ходимлари тарафидан камерага тортилди. Жанозага иштирок этган 60 киши алоҳида рўйхатга ҳам олинди.
Биз шаҳиднинг оиласига ўз таъзиямизни изҳор қилар эканмиз, золимларга Аллоҳ Субҳанаҳу ва Таолонинг ушбу сўзини эслатиб қўймоқчимиз:
وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ مُهْطِعِينَ مُقْنِعِي رُءُوسِهِمْ لَا يَرْتَدُّ إِلَيْهِمْ طَرْفُهُمْ وَأَفْئِدَتُهُمْ هَوَاءٌ
- (Эй Муҳаммад), сиз ҳаргиз: «Аллоҳ золим кимсаларнинг қилаётган амалларидан ғофил», деб ўйламанг! Фақат Аллоҳ уларни(нг жазоларини) кўзлар (даҳшатдан) қотиб қоладиган (қўрқинчли қиёмат) кунига қолдирмоқда, холос. (У куни) улар бошларини (осмонга) кўтарган ҳолларида (чорланган томонгга хисоб-китоб учун) чопурлар. Кўзлари ўзларига қайтмайди (яъни, қўрқувдан қотиб қолиб, ўзларининг қандай ҳолда эканликларини ҳам кўрмайдилар). Диллари (даҳшатдан) бўм-бўш бўлиб қолур.
Манба: kokludegisim.net
