АҚШ молия вазирлиги тарқатган хабарга кўра, АҚШ россиялик тадбиркорлар ва компанияларга қарши қўшимча санкциялар киритди.
Санкциялар Россия тўғридан-тўғри инвестициялар фонди (РФПИ), “ВЭБ-лизинг”, “ВЭБ Капитал”, “Связь-банк”, “РН-Юганскнефтегаз”, “Роснефт Трейдинг”, “ЭКСАР”, “Глобэкс” банкига қарши киритилди.
Янгиланган “қора рўйхат”га Роман Ротенберг, Сергей Курченко ва Виктор Януковичнинг ўғли Александр Янукович киритилди.
Бундан ташқари, санкциялар Қрим яриморолидаги Севастопол, Евпатория, Феодосия, Керч, Ялта портлари ва Керч паром кечувига қарши ҳам киритилди.
Шундай қилиб, АҚШ ҳукумати Украинадаги можаро туфайли ҳаммаси бўлиб 11 та жисмоний ва 15 та юридик шахсга нисбатан санкция киритди.
