АҚШ армияси Сурия ва Ироқдаги амалиётларини бошқариш учун ўзгача бир қўмондонлик ташкил қилганлигини эълон қилди. Янги ташкил қилинган қўмондонлик бирлашган муштарак иттифоқ кучларининг ички амалиётларидан масъул бўлиши билдирилди. Қўмондонликнинг бу вазифаси Сурия ва Ироқ учун белгилаб қўйилгани айтилмоқда.
Қўмондонликка генерал-лейтенант Жеймс Л. Терри раҳбар этиб тайинланди. АҚШнинг Ўрта шарқдаги амалиётларини ҳам бошқариши айнан шу қўмондонлик зиммасига юклатилган.
Генерал-лейтенант Терри янги ташкил қилинган қўмондонлик ҳақида баёнот бериши кутилаётган эди. Аммо Америка президенти Барак Обама АҚШ мудофаа вазирлиги учун Эштон Картерни номзод қилиб кўрсатишга қарор қилганлиги сабабли унинг баёноти кейинги кунларга қолдирилди.
Террининг амалиётлари Ўрта Шарқдаги АҚШга оид ҳарбий базадан туриб бошқарилади. Аммо бу база қайси давлатда жойлашган эканлиги ҳақида маълумот берилмади. АҚШнинг Ироқ пойтахти Боғдодда, куртлар ҳукмронлиги остидаги Эрбил шаҳрида ва Ироққа қўшни бўлган Қувайтда ҳарбий базалари мавжуд.
Янги ташкил қилинган қўмондонликнинг вазифалари ҳақида ортиқча маълумот берилмади. АҚШ бошчилигида ташкил қилинган коалиция кучлари август ойидан буён Ироқ ва Суриядаги мужоҳидларга қарши юзга яқин ҳаво ҳужумлари уюштирди. Янги ташкил қилинган қўмондонлик бу ҳужумларни айни шаклда давом эттириш – эттирмаслиги ёки бошқа бир стротегия ўйлаб топиши Генерал-лейтенант Террининг баёнотларида аниқ бўлади.
