Бир ойга яқин давом этиб келаётган Ғазо қирғини ҳақида биринчи марта сўз очган Саудия арабистонининг қироли халққа мурожаат қилди. Ал-арабия телеканали орқали жонли равишда эфирга узатилган баёнотда қирол Абдуллоҳ Ғазодаги қатлиомларни танқид остига олиб бутун дунёни жим томоша қилиб туришда айблади. Лекин Ғазо ҳақида қаттиқ гапирган қирол Исроил номини бир марта ҳам тилга олмади.
“Ғазодаги биродарларимизнинг қонлари тўкилишига гувоҳ бўлмоқдамиз. Фаластинликларга қилинган ҳужум инсониятга қарши қилинган жиноятдир, уруш жиноятидир ва қатлиомдир. Бунга ҳалқаро жамиятлар ва ташкилотлар жавобгар. Улар ўзларининг жим қараб туришларини қандай изоҳлашлари мумкин? Инсонлар қатл қилинмоқда, ўнларча қатлиом амалга оширилди. Бу бутун дунёнинг кўз ўнгида амалга оширилди. Дунё эса жим”, деди қирол Абдуллоҳ.
Қирол танқид ёғдирган куннинг ўзида Фаластиннинг БМТдаги доимий вакили Риёз Мансур ҳам Исроилнинг Ғазога қилаётган ҳужумлари оммавий қирғин нуқтасига етганлигини билдирди. Риёз Мансурга кўра, Исроилнинг ҳужумларини БМТга аъзо аксар давлатлар танқид қилмоқда. Ғазода даҳшатли манзаралар юзага келаётганини урғулаган Мансур Исроилнинг ҳужумлари жуда кўпчиликда нафрат ўйғотаётганини таъкидлади. Риёз Мансур Ғазода бирор хавфсиз макон қолмаганини қайд этиб “буни қатлиомдан бошқа нима дейиш мумкин?”, дея савол ташлади.
Тунисдаги Наҳза ҳаракатининг лидери Рашид Ғаннуший ҳам 31 август куни Исроил ҳужумларини танқид қилиб чиққан эди. Ғаннуший оққан қонлар ерда қолмаслигини билдириб Исроил билан дипломатик алоқа қилаётганларни уялишга чақирди.
“Инша Аллоҳ бу қонлар бекорга кетмайди, яҳудийлар бунинг жавобини беради. Исроил билан дипломатик алоқаларини давом эттираётганлар уялиши керак. Араб ҳокимлари ўз халқларидан уялсин. Араб халқлари энг камида Лондонда кўрганимиздек, кўчаларга чиқишлари ва Исроилга араб кўчалари аёққа турганлигини кўрсатишлари лозим. Халқаро ташкилотлар орқали АҚШга босим ўтказиш ва дипломатик йўллар билан Ғазога дастак бериш керак”, деди Ғаннуший.
Туркистон:
Ислом ўлкаларининг раҳбарлари Исроилни қаттиқ танқид остига олиш билан чекланишмоқда. Ҳатто танқид қилишганидан сўнг ечим сифатида халқаро ташкилотларга ёки АҚШ каби куфр давлатларига мурожаат қилишни тавсия қилишяпти. Ҳол буки, Исроил барча жиноятларини ана уша АҚШ ва Ғарб давлатлари ҳамда БМТ каби халқаро ташкилотларнинг дастаги билан амалга ошираётгани ҳеч кимга сир бўлмай қолди.
Шу пайтгача Туркия бош вазири Ражаб Тоййиб Эрдуғон ҳам бундан қаттиқ гаплар билан Исроилга танқидлар ёғдирди. Лекин нима ўзгарди?! Бу танқидлар ҳеч нарсани ўзгартирмаслиги ўз-ўзидан кўриниб турипти.Тажовузкор армиянинг тажовузларига чек қуйиш учун унинг ўзига ўхшаган армия аёққа турмоғи лозим. Аммо бу ҳокимлар Мусулмонлар армиясини казармаларидан ташқарига чиқишга йўл қўйишмаяпти. Ваҳолангки мусулмонлар армияси замонавий қуролларга, ҳатто ядро қуролига ҳам эга. Масалан 2014 йил ўтказилган тадқиқотларда Туркия армияси дунёдаги ўнта энг кучли армиядан бири деб топилди. Бундан ташқари, Улар орасида Аллоҳнинг йўлида жонларини ҳам фидо қиладиган минглаган эр йигитлар бор. Ислом армиясидан бошқа ҳеч қандай армия бундай сифатга эга эмас.
Бироқ мансабларидан ажралиб қолишдан қўрқадиган малай ҳокимлар уларни ҳаракатга келишдан тўсиб турипти. Улар мусулмонларнинг назаридан қолмаслиги учун фақат тилларида танқид қилиш билан кифояланишмоқда, ҳатто баъзилари шунга ҳам журъат қилиша олмаяпти.
Аммо Ислом армияси сафидаги мухлис зобитлар қаёқда қолди? Наҳотки уларнинг ҳам кўзлари кўр, қулоқлари кар бўлиб қолган бўлса! Наҳотки улар ҳозирги кунда Ғазода, Сурияда, Мьянмарда, Марказий Африкада ва дунёнинг турли бурчакларида даҳшатли суръатда ўлдирилаётган ёш гўдаклар ва аёлларнинг нолаи фиғонларини эшитмаётган бўлса!
Бироқ биз Аллоҳдан умидимизни асло узмаймиз. Мусулмонлар армиясидан ўз вазифаларини адо этишларини талаб қилаверамиз. Шояд Ислом армияси сафидаги мухлис зобитлар мусулмонларнинг устига ёғилаётган зулмлардан таъсирланиб – Аллоҳнинг тавфиқи ила – нусрат талабига жавоб берса. Ана ўшанда – Аллоҳнинг изни ила – Пайғамбарлик минҳожи асосидаги Халифалик давлати тикланади ва Ислом лашкарларини ҳаракатга келтиради. Ана ўшанда босқинчи яҳудийлар, уларнинг ёрдамчилари ва ҳамтовоқлари қилган қилмишлари учун уммат олдида жавоб беради.
Қиёмуддин
