“Донецк халқ республикаси Халқ кенгашининг ДХРни Россия таркибига қўшилиш тўғрисидаги қарорини кўриб чиқишни сўраб, Россия Федерациясига мурожаат қилди”, – дейилади баёнотда.
“Донец халқ республикаси халқи хоҳиш-иродасидан келиб чиқиб ва тарихий адолатни қайта тиклаш учун Донецк халқ республикасининг Россия Федерацияси таркибига қўшилиши тўғрисидаги илтимосимизни Россия Федерацияси томонидан кўриб чиқилишини сўраймиз”, – дея кенгаш баёнотидан иқтибос келтирмоқда “РИА Новости” ахборот агентлиги.
11 май, якшанба куни Украинанинг Донецк ва Луганск вилоятларида вилоятларнинг мақоми юзасидан референдумлар ўтказилди. “ДХР”даги референдумда ягона савол қўйилганди: “Донецк халқ республикасининг давлат мустақиллиги тўғрисидаги ҳаракатни қўллаб-қувватлайсизми?”.
“ДХР” марказий сайлов комиссияси маълумотларига кўра, референдумда иштирок этганларнинг 89,7 фоизи “Ҳа” деб жавоб берган, 10,19 фоизи эса бунга қарши чиққан, бюллетенларнинг 0,74 фоизи ҳақиқий эмас деб топилган.
Манба: CA-NEWS