Россия ташқи ишлар вазири Сергей Лавров АҚШ давлат котиби билан учрашиб Украина муаммосини ҳал қилиш учун унга ёрдам бериш зарурлигига келишиб олишди. Бу ҳақида Лавров 5 март куни Парижда АҚШлик ҳамкасби билан учрашганидан сўнг эълон қилди.
“Жон Керри Украина борасида музокара ўтказишга боғлиқ ишончли муҳит яратиш зарурлигини эътироф этди”, деди Лавров.
Сергей Лавров Россиянинг иттифоқдошлари хавфсизлик ва ҳамкорлик ташкилоти орқали бир қанча ишларни бажараётганлиги, аммо НАТО ва ундан бошқа халқаро ташкилотларнинг музокара муҳитини пайдо қилиш учун бирор иш қилмаганлигига ишора қилди.
Суҳбат чоғида Россия ташқи ишлар вазири Полша, Франция, Германиянинг ташқи ишлар вазирлари билан Украинадаги вазиятни муҳокама қилишни давом эттириш ниятида эканлигини таъкидлади.
“Ғарбдаги ҳамкорларимиз билан Украинадаги вазият ҳақида музокарани давом эттириш ҳақида келишиб олдик”, деди у.
Украина устида АҚШ, Россия ва Европа ўзаро кураш олиб борар экан, бу ҳақида турли таҳлил ва тахминлар ўртага чиқди. Ҳодиса юзасидан берилган саволга Ҳизбут Таҳрир тарафидан кенг ва ёрқин жавоб берилган эди.
“Бу уч тарафдан ҳеч бири Украинани бутунлай ўз томонига тортиб олишга қодир бўлиши кутилмайди. Лоақал яқин келажакда бу кутилмайди. Аксинча ўзаро келишиб бир ечимга келишлари кутилади”, дейилади Ҳизбут Таҳрир тарафидан берилган жавобнинг хулосасида.
Ҳозирда кечаётган воқеаларнинг ривожи айни таҳлилнинг теран фикр ва чуқур изланиш ортидан берилганлигини кўрсатиб турипти.
Ҳизбут Таҳрир тарафидан берилган жавобнинг тўлиқ матни билан қуйидаги ссилка орқали танишишингиз мумкин.
