Associated Press агентлигини хабар қилишига кўра, Афғонистон шарқида афғон хавфсизлик кучлари формасидаги одам уч нафар америкалик ҳарбий хизматчини отиб ташлаган.
Ҳодиса Пактия вилоятини маркази бўлган Гардез шаҳридаги афғон армияси базасида бўлган. Бу минтақа Покистон билан чегара яқинида жойлашган, у ерда “Толибон” мужоҳидлари билан тўқнашув тез-тез содир бўлиб туради. Америка қўмондонлиги ҳодиса тафсилотлари тўғрисида маълумот беришдан бош тотди, хозирча аскарларни халок бўлгани ҳақида уларнинг яқинларига хабар берилмайди.
2012- йил мобайнида шунга ўхшаш ҳолатларда Афғонистонда 62 америкалик ҳарбий халок бўлган эди, бу кўрсаткич бир йил олдингига қараганда деярли икки баробар кўп. 2013-йилда эса афғон хавфсизлик кучлари формасини кийиб олган номаълум шахслар 11та чет эллик ҳарбий хизматчини отиб ўлдиришган. Айрим ҳолларда мужоҳидлар афғон ҳарбийлари ёки полицияси формасини кийиб олишган бўлади, аммо ўз ажнабий хизматдошини отиб ташлаш ҳолатлари ҳам тез-тез учраб туради.
