Савол жавоб майдони

Ва алайкум ассалом ва раҳматуллоҳи ва барокатуҳ.

1 кун рўзасини шаръий узрсиз очиб юборса ва бу очилиши жимо(эр ва хотинни шаръий яқинлашишлари) сабабли бўлса бу кунги рўза учун каффора тўлаш билан қазосини адо қилишликда мужтаҳидлар ўртасида хилоф йўқ. Аммо жимодан бошқа нарса билан очса, яъни бирор нарсани еб қўйиши ёки сув, шарбат каби бирор ичимликни ичиш билан рўзасини очса унда каффора вожиб бўлишда мужтаҳидларда ихтилоф бор. Баъзилари бир кунига бир кун қазосини адо қилади ва халифа ўз райига кўра таъзир туридан бири билан жазолайди деган райга боришган.

Аммо ҳанафия мазҳабида каффора вожиб бўлади, яъни бир қулни озод қилиш. Агар уни иложини қилолмаса, унда пайдар-пай икки ой рўза тутиш. Агар унга қодир бўлмаса, олтмишта мискинни таомлантириш билан каффора тўлайди. Чунки ҳадисда каффора вожиб бўлиши умумий келган деб, Абу Ҳурайра(р.а) Русулуллоҳ(с.а.в)дан ривоят қилган ҳадисни далил қилишади:

«أن رجلا أفطر في رمضان، فأمره رسول الله - صلى الله عليه وسلم –
أن يكفر بعتق رقبة، أو صيام شهرين متتابعين، أو إطعام ستين مسكينا»

“бир киши рамазонда оғзини очиб юборди. Шунда Росулуллоҳ с.а.в- бир қулни озод қилиш ёки пайдар-пай икки ой рўза тутиш ёки олтмишта мискинни таомлантириш билан унга каффорасини адо қилишга амр қилди”. Муслим ривояти.

Муттақий.