Савол жавоб майдони

Ва алайкум ассалом ва раҳматуллоҳи ва барокатуҳ.

Тумор тақиш одати жаҳилият белгиларидан бир белги ва очиқ ширк. У нафақат ўзбекларда, балки Исломдан аввал арабларда ҳам бўлган. Кейин Росулуллоҳ(с.а.в) бундай ширк аломатларидан тозалаган.

Ҳатто Қуръон оятларидан ёки Аллоҳ Таолога қилинган дуони ёзиб, тумор каби осиб юриш ҳақида баъзи мужтаҳидлар: бу шикрга эшик очиш бўлади деб ижозат бермаганлар. Лекин тўртала мазҳабда ҳам маъносини тушуниб туриб, Аллоҳ Таолога илтижо маъносидаги оят ва дуоларни ёзиб, ўзи билан олиб юришда ҳеч кароҳият йўқ, чунки у ҳам Аллоҳ Таолодан паноҳ сўрашнинг бир услуби деган райга боришган.

Аммо “...одамнинг расмини чизиб қўйиш...”нинг ҳукмини “Исломий шахсия” иккинчи китобдаги “тасвир” деган теъмадан муфассал ўрганиб олишингиз мумкин.
Муттақий.