Савол жавоб майдони

Ва алайкум ассалом ва раҳматуллоҳи ва барокатуҳ.

Албатта, фарз ишларни қилишга қасам ичган мўминнинг фарзни тарк қилиши ёки ҳаром ишларни қилмайман деб қўйгандан кейин яна ҳаромни қиладиган бўлса, уни каффора тўлаш билан ювиб бўлмайди. Фақат тавба қилиш билан бирга ўша фарзни бажариши ёки ҳаромдан тийилиши шарт. Масалан; даъват ишларини шу ҳизб билан бирга қиламан деб қасам ичиб қўйиб, кейин ундан қайтишига ёки ароқ ичмайман деб, кейин ичиб қўйса уни каффораси йўқ. Хозирда бундай ишларни қилган осийлар қаттиқ тавба қилишлари, яъни шариатга қайтишни қасд қилишлари ва қилган хатоларига қаттиқ афсусланишлари билангина – Аллоҳ Таоло мағфират қилса - жазодан қутишлари мумкин. Аммо мубоҳ ишлар учун қасам ичилган бўлса ва бу қасамида турмай, қасамини бузган бўлса, ўшанда қуйдаги оятда келтирилгандек каффора тўлайди, яъни ўнта мискинни таомлантириш ёки кийинтириш ёки бир қулни озод қилишдан бирини танлаб қилиш ҳуқуқига эга. Агар булардан бирортасини қилишга имкони бўлмаса, у ҳолда уч кун рўза тутиш билан қасамининг каффирасини тўлайди. Аллоҳ Таоло айтади:

لَا يُؤَاخِذُكُمْ اللَّهُ بِاللَّغْوِ فِي أَيْمَانِكُمْ وَلَكِنْ يُؤَاخِذُكُمْ بِمَا عَقَّدْتُمْ الْأَيْمَانَ فَكَفَّارَتُهُ إِطْعَامُ عَشَرَةِ مَسَاكِينَ
مِنْ أَوْسَطِ مَا تُطْعِمُونَ أَهْلِيكُمْ أَوْ كِسْوَتُهُمْ أَوْ تَحْرِيرُ رَقَبَةٍ فَمَنْ لَمْ يَجِدْ فَصِيَامُ ثَلَاثَةِ أَيَّامٍ
ذَلِكَ كَفَّارَةُ أَيْمَانِكُمْ إِذَا حَلَفْتُمْ وَاحْفَظُوا أَيْمَانَكُمْ كَذَلِكَ يُبَيِّنُ اللَّهُ لَكُمْ آيَاتِهِ لَعَلَّكُمْ تَشْكُرُونَ
“Аллоҳ сизларни тилларингиздаги беҳуда қасамларингиз сабабли жазоламайди. Балки (дилларингиздаги) маҳкам тугган қасам сабабли (агар шундай қасамни бузсангиз) жазолайди. Бас, унинг каффорати ўз оилангизни боқадиган ўртача таомлардан ўнта мискинга таом бериш ёки уларнинг сарпосини қилиш, ёхуд бир қулни озод қилишдир. Ким (бу нарсаларни) топа олмаса, уч кун рўза тутсин! Мана шу — қасам ичган (ва уни бузган) пайтингиздаги қасамларингиз каффоратидир. Қасамларингизни (бузишдан) сақланингиз. Шукр қилишингиз учун Аллоҳ сизларга ўз оятларини мана шундай очиқ-ойдин баён қилур”. [5:89]
Муттақий.