НАТО бош котиби Йенс Столтенберг Россия билан ҳамкорлик қилишга тайёр эканлигини билдирди. Бироқ агар Россия НАТОга қарши курашга бел боғлайдиган бўлса Столтенберг бунга ҳам тайёр эканликларини таъкидлаб ўтди.
“Россия танлаш ҳуқуқига эга. Ёки кураш йўлини давом эттириб яна ҳам кўпроқ қамалда қолади ёки ҳамкорлик йўлини танлайди. Агар ҳамкорлик қилишни танласа бу Россия учун ҳам НАТО учун ҳам фойдали бўлади. Биз ҳамкорлик қилишга тайёрмиз. Лекин баъзи хизматлар талаб қилинади. Агар қарши курашни танлайдиган бўлса биз бунга ҳам тайёрмиз”, деди Столтенберг “Foreign Affairs” журналига берган интервьюсида.
“Молдовия, Гурузия, Қрим ва Шарқий Украинада Россиянинг куч ишлатганига гувоҳ бўлдик. Россия барча давлатларнинг ҳудудий яхлитлигини ва мустақиллигини ҳурмат қилган Европа фикрига қарши таъсир майдонини яратишга ҳаракат қилмоқда”, дея қўшимча қилди НАТО бош котиби.
Столтенберг НАТОнинг мудофаа ҳажмини икки баробарга кучайтирганини таъкидлади. Унга кўра, мудофаа харажатларини орттириш борасида мажбурият олган. Келгуси 10 йил ичида НАТОга аъзо давлатлар ялпи ички маҳсулотининг 2% миқдорича сарф-харажат амалга оширилади.
“Совуқ уруш ниҳоясига етгандан буён муштарак мудофаамиздаги энг катта тўсиқни вужудга келтиряпмиз”, “Мудофаада доимо ҳозиру нозир бир тузилмани вужудга келтиряпмиз”, деди Столтенберг.
Туркистон:
Россия ўзининг халқаро сиёсатдаги вазнини ушлаб туриш учун ҳарбий куввати билан таҳдид қилишдан ўзга чораси қолмади. У халқаро сиёсатда сиёсий, сақофий ва иқтисодий соҳалар воситасидаги курашда деярли мағлубиятга учради.
НАТО АҚШнинг ҳарбий машинаси эканини ҳисобга олганимизда, АҚШ Россияни ҳарбий кураш майдонига олиб чиқиш ниятида эмас. Чунки Россия ҳам, АҚШ ёки бошқа етакчи давлатлар каби, дунёни вайрон қилиб юбориш қувватига эга бўлган ҳарбий қуроллар потенциалига эга давлат. Агар у мавжуд дунё системасига бўйин сунишдан бош тортиб, халқаро қонунларни бузиб, БМТ резолюцияларини инкор қила бошласа, АҚШ ёки бошқа катта етакчи, БМТнинг хавфсизлик иттифоқига аъзо давлатлар учун жуда катта муаммо пайдо қила олган бўлади.
Чунки биз Ҳизб ут Таҳрир партиясининг асосчиси Шайх Набҳоний ҳазратларининг “Сиёсий қарашлар” ва яна бир қатор сиёсий таълимотларидан биламизки, ядровий қуролга эга катта етакчи давлатлар, бир бирлари билан ҳеч қачон бевосита урушмайди. Чунки уларнинг ҳар бири, бир бирларини бир неча маротаба йўқ қилиб юбориши мумкин бўлган ядровий ҳарбий қувватга эга. Шунинг учун улар бир бирлари билан иккинчи ёки кўпроқ учинчи давлатлар юртларида уруш олиб боришади. Бу урушларида, улар халқаро нормаларга риоя қилиш шартларига ҳам имкон қадар риоя қилишга ҳаракат қилишади.
Россия, охирги вақтда бир оз аввалдан англаб олиш қийин бўлган сиёсий жиҳатидан беўхшов ҳаракатлана бошлади. У 9 май куни, ғалабанинг 70 йиллик мааракасини баҳона қилиб, ҳарбий базаларининг кўп қисмини ва асосий ракеталар тизимини Европа томонга қаратиб тизиб олди. Бу билан Россия Ғарб давлатларининг эътиборини ўзига тортишни мақсад қилган эди. Шундай ҳам бўлди, юқорида НАТО унга жавоб қайтарди.
Жавобга кўра, АҚШ Россияга нисбатан ўз позициясини деярли ўзгартирган эмас. Россиядан талаб қилинаётган позициялар ҳам худди аввалгидек кескин. Чунки Россиянинг таҳдиди АҚШга карши қаратилган эмас, аслида Европа давлатларига қаратилган эди. Шунинг учун АҚШ НАТО воситасида жавоб беряпти. Бу билан АҚШ, Еропанинг хавфсизлиги унинг гарданида эканини эслатиб қўймоқчи. Негаки Россия Европа давлатларига нисбатан ҳарбий томонлама кескин позицияларни эгаллаш билан, уларни АҚШга босим беришга ёки унинг ҳимоясидан ва манфаатларидан воз кечишларига ундамоқчи бўлади.
