27 йилдан буён харидор чиқмаган Франциянинг “Rafale” русумли ҳарбий самалётларининг савдоси Кўрфаз бозорида юришиб кетди. Араб баҳори ортидан Шимолий Африка, Ўрта Шарқ ва Кўрфаз давлатларида юз берган тартибсизликлар ва урушлар сабабли Франциянинг “Dassault” авиацион қурол-аслаҳа фирмасига омад кулиб боқди. Бугунга қадар ўз армиясидан бошқасига сота олмаган Франция Мисрга ва ундан сўнг Қатарга 24 дона “Rafale” русумли ҳарбий самалётини сотишга муваффақ бўлди.
Франция президенти Франсуа Олланд битим ишларини олиб бораётган мудофаа вазири Жан-Ив Ле Дриан ва ташқи ишлар вазири Лоран Фабиус билан Қатарга йўл олди. Қатар ҳаво йўллари” ширкати 24 дона “Rafale” самалётини сотиб олиш эвазига Францияга кўпроқ парвоз қилиш ҳуқуқини шарт қилиб қўйди. Париж бу шартни қабул қилиши биланоқ шартномага дарҳол имзо чекилди.
Кўрфаз давлатларига бўзчининг мокисидек қатнаб қолган Франция мудофаа вазири Жан-Ив Ле Дриан Ўтган ҳафта сўнгида Бирлашган Араб Амирликларига яна бир бор сафар қилди. У “Rafale” русумли ҳарбий самалётини савдоси борасида учрашувлар ўтказди. Малайзия давлати билан ҳам 16та “Rafale” русумли ҳарбий самалётини савдоси борасида келишувлар давом этмоқда. Франциянинг бу ҳарбий самалётларга 1988 йилдан буён харидор чиқмаётган эди.
