28 йиллик ҳарбий хизматидан сўнг нафақага чиққан Англиялик собиқ қўмондон Боб Стеварт инглиз депутатлари билан Босния-Герсогавина пойтахти Сарайбосниядаги Сребреница ёдгорлик галериясини зиёрат қилар экан, тарихдаги аччиқ кунларни ёдга олди.
Боб Стеварт 1992-1995 йиллар орасида Босния мусулмонларига нисбатан ваҳшийларча қирғинлар ва қатлиомлар амалга оширилган даврда БМТ тинчлик миссиясига қарашли Англия батальонига қўмондонлик қилган. У 1993 йил 23 апрелда Аҳмижи қишлоғида ваҳшийларча амалга оиширилган қатлиомдан сўнг қишлоққа биринчи бўлиб кирган хорижлик ҳарбийдир.
“Ҳаётимнинг ҳар кунида Аҳмижи билан бирга яшайман. 1993 йил 23 апрелда Аҳмижи қишлоғига кирган пайтимда кўзларимга ишонмадим. Бу кўрганларимни асло унита олмайман”, “Дуо қиламанки, Аҳмижи қатлиоми қайта такрорланмасин”, деди Босниялик бегуноҳ инсонларнинг ваҳшийларча ўлдирилишига гувоҳ бўлган нафақахўр инглиз офицери Боб Стеварт.
“Ҳирват” мудофаа кенгашига қарашли хос кучлар 1993 йил 23 апрелда Витез шаҳри яқинида жойлашган Аҳмижи қишлоғига ҳужум қилиб юздан ортиқ бегуноҳ инсонларни қириб ташлаган эди. Улар орасида ёш гўдаклар, муслима аёллар ва саксон ёшдан ўтган қариялар ҳам ваҳшийларча ўлдирилган эди.
БМТ тинчлик миссиясида қўмондон вазифасини бажарган, хусусан БМТ иштирокида қатлиом амалга оширилган Серебреница шаҳрида ҳам хизмат қилганлигини айтиб ўтган Стеварт сўзини шундай давом эттирди:
“Биз аввал Серебреницада эдик. Бир оз ўтиб ўрнимизга канадаликлар келди. Ундан сўнг Голландияликлар келишди. Бунинг ортидан Серебреницада шафқатсизларча, инсоният кўтара олмайдиган қирғин амалга оширилди. 8 мингга яқин инсон ўлдирилди. Иккинчи жаҳон уришидан сўнг ҳали кўрилмаган қатлиом амалга оширилди”, “БМТ ва Европанинг бундай хунрезликка изн беришига ишонмагандим”.
