Қирғизистон Қамбар–ота ГЭСи учун янги инвесторлар топди
Қирғизистон Норин дарёсининг юқори ўзанида қурилиши режалаштирилган ГЭСлар каскади учун янги инвесторларни топди, деб хабар қилди журналистларга Алмазбек Атамбаев. Бу ҳақида “Sputnik” сайти хабар берди.
“Биз Норин дарёсининг устки қисмида қурилдиган ГЭСлар учун инвестор топдик. Шартнома июль ойининг охирида имзоланади”,- деди Алмазбек Атамбаев Москвага бўлган ташрифи вақтида.
Дастлабки келишувга кўра, Қамбар-Ота ГЭСи қурилишида Ўзбекистон ва Қозоғистон сармояларидан фойдаланилади.
“Бу борада биз дарёнинг қуйи ўзанида жойлашган мамлакатлар – Қозоғистон ва Ўзбекистон билан биргаликда қарор қабул қилишни истаймиз. Дастлабки келишувларга кўра, уларнинг иккаласи ҳам бунга рози””,- деди Атамбаев.
Қамбар-Ота ГЭСини қуриш қиймати, дастлабки ҳисоб-китобларга кўра 3 млрд. долларни ташкил қилади. Дастлаб ушбу ГЭС қурилишида Россия бош сармоядор бўлиши ҳақида келишилган эди, лекин кейинчалик Россия ушбу шартномадан воз кечди.
Д арёнинг қуйи ўзанида жойлашган Ўзбекистон ва Қозоғистон ушбу ГЭС қурилиши Ўрта Осиёнинг бошқа мамлакатлари учун сув танқислигига олиб келиши мумкинлиги туфайли унга қарши бўлишган эди.
Атамбаевнинг фикрига кўра, Россиянинг Ўрта Осиёнинг барча сув ресурсларига калит бўлган, “Камбар-Ата-1” ГЭСи қурилиши шартномасида воз кечиши катта хато бўлган.
“ГЭС масалаласида мен Владимир Владимировичга шундай дедим: бу Россия томонидан йўл қўйилган катта хато бўлди. Бир кун келиб сиз буни тушунасиз ва тааллуқли муассасалар раҳбарларини жазолайсиз”,- деди Атамбаев.
Пайғамбарлик йўлига асосланган Халифалик Давлати эълон бўлиб қолса балким ГЭС тўхтатилармикун.Қуёшдан олинадигон ток ишлаб берадигон ишларга уринилармикун. Чунки қуёш нури ёзин қишин бизни диёрларда бор.Бу одамларга хам табиятга хам зарсиздур.ГЭС-да тўпланган сув тиниб қолади ва сувдаги фойдалик нарсалар ГЭС-да қолиб кетади.Буни дунё олимлари хам аниқлаб айтишди. Майли Аллох хакам ўйламанки Ислом тузим сифатида одамларга хам табиятга хам зарар келтирмайдигон ягона тузимдур.