Қоракўлда аскарлар экстремизм таҳдидидан хабардор қилинди
“Азаттык” радиоси хабарига кўра, Қоракўл шаҳрининг бош имом ҳатиби Талант хожи Сабриков ҳарбий хизматчилар билан экстремизмга қарши курашиш масаласини муҳокама қилди. Муфтиёт матбуот хизмати билдиргандек, ўтган ҳафтада 2028-сонли ҳарбий қисмда аскарлар билан уюштирилган учрашувда нотўғри диний оқимлар фаолияти, экстремизм таҳдиди ҳақида фикр алмашилди. Йиғилиш савол-жавоб тариқасида ўтиб, аскарларга Қуръон оятлари ва ҳадислар мисолида маълумот берилди.
Муфтиёт ҳарбий хизматчилар билан ўказиладиган бундай учрашувлар диний оқимлар ёйилишини олдини олишда ижобий натижа беришини белгилаб ўтди.
Туркистон:
Ўзбекистон ҳукумати ҳам Ислом ва мусулмонларга қарши кенг кўламли курашини бошлаган вақтда айнан муфтиёт ходимлари, яъни имом ҳатиблардан унумли фойдаланган эди. Ҳукумат буйруғига асосан имомлар МХХ, ИИВ, ҳарбий хизматчилар… билан тез-тез учрашувлар ўтказиб “нотўғри диний оқимлар” тўғрисида кенг маълумотлар берган, ҳукумат талабига мос тушмаган ҳар қандай диний ҳаракат ва жамоаларни йўлдан адашган, бузғунчи ва ҳатто халқ душмани сифатида тақдим қилишган эди. Куч органлари ходимларига, бундай “йўлдан адашган”ларни тўғри йўлга солиш савоб иш эканлиги уқтирилиб, мусулмонларга зулм қилишни ҳалол қилиб беришди.
Муфтиётнинг сўзини шаръий ҳукм сифатида қабул қилган куч орган ходимлари “савоб ишларини” кўпайтириш учун бутун эътиборларини қўлга олинган ва қамоққа ташланган мусулмонларни “тўғри йўлга” олишга қаратишди. Бунинг натижасида эса ўзбек режими қамоқхоналаридан юзлаб мусулмонларнинг ўлиги чиқди. “Тўғри йўлга” тушишни истамаган мусулмонлар мана қарйиб 20 йилдирки золимнинг қамоқларида ғайриинсоний қийноқларга дучор қилинишмоқда.
Ҳолбуки, пайғамбаримиз Муҳаммад соллаллоҳу алайҳи васаллам ўз ҳадисларида: “Ким бир мўмин-мусулмоннинг ўлдирилишига яримта сўз билан бўлсада ёрдам берса, у Қиёмат куни икки кўзи орасига “Аллоҳнинг раҳматидан умидни узган” деб ёзилган ҳолда келади”, деган эдилар. (Ибн Можа ривояти).
Бундан ташқари махсус фильмлар ишлаб чиқилди. Бу фильмларда мусулмонлар ваҳший ва қонхўр сифатида гавдалантирилиб, бутун инсоният, ҳар қандай илмий ва дунёвий янги ихтироларга душман сифатида талқин қилинди. Бундай “адашган гуруҳ”ларнинг асосий нишони куч органлари ходимлари эканлиги такрор ва такрор мияларига қуйилди. Бунинг натижасида эса куч органлари мусулмонларни ўзларига ҳақиқий думанлари сифатида қабул қилишди. Натижада куч ишлатар тузилма ходимлари ва мусулмонлар ўртасида ўтиб бўлмас жарлик хосил бўлди.
Бугунги кунда Қирғизистон уламолари ҳам икки йўл қаршисида қолишди. Биринчи йўл: улардан ўз иймонларидан воз кечишни талаб қилади. Бу йўлда уламолар ҳукумат чизиб берган лойиҳа бўйича мўътадил ислом, анъанавий ислом… каби бузуқ фикрларни кенг тарғиб қилиш орқали мусулмонларни иккига ажратиб беришлари, ҳукуматнинг ҳар бир қонун ва қарорларига шаръий тўн кийдириб, мусулмонларга исломий ҳукм сифатида тақдим қилишлари лозим бўлади. Бу хизматлари эвазига улар арзимас дунё матоларини қўлга киритиб, диний идора ёки бирорта масжидга имом ҳатиб қилиб тайинланадилар.
Иккинчи йўл: Бу йўлни танлаган уламолар ўз эътиқодларига содиқ қолган ҳолда Умматга Ислом динини тўлалигича етказишади. Улар бу йўлни танлаганлари, ҳукуматнинг ноғорасига ўйнамаганлари учун вазифаларидан озод қилинади, таъқиб, тазйиқ, қамоққа дучор бўлишади ва ҳатто жисмонан йўқ қилинишади. Уларни дунё ҳаётида мусибат ва озорлар кутиб туради. Аммо шундай бўлишига қарамай айнан шундай уламолар пайғамбаримизнинг ҳақиқий меросхўрлари ҳисобланишади.
Абу Дардо розияллоҳу анҳудан ривоят қилинган ҳадисда Расулуллоҳ соллаллоҳу алайҳи васаллам: “Албатта, уламолар пайғамбарларнинг меросхўридир. Ўша пайғамбарлар динор ёки дирҳам мерос қолдирмайди. Балки улар илмни мерос қолдиришади. Ким мол-дунё ўрнига илмни олса, ҳаммадан зиёда тақсимни қўлга киритибди”, дедилар. (Абу Довуд ва Термизий ривоятлари).
