Остонада музокаралар олиб борилаётган пайтда Сурияда қирғин давом этди
АҚШ раҳнамолигида Россия, Туркия ва Эрон давлатларининг вакиллари Остонада Сурия мухолифати вакиллари билан музокаралар олиб бораётган бир пайтда Россия ва Асад кучлари Ҳомс шаҳрини бомбардимон қилди. Ҳужумда ёш болалар қурбон бўлди.
Остона учрашувига таклиф этилган мухолиф гуруҳлар Асад режимининг оташкесим қарорига амал қилмаганлиги туфайли учрашувга келмасликларини эълон қилишган эди. Чунки Остона музокаралари оташкесим ортидан ўтказилиши керак бўлган учрашув эди. Бироқ орадан икки кун ўтмасданоқ, “Оташкесим ва гуманитар ёрдам борасида музокара олиб бориш учун Остонага борамиз”, дея учрашув бошланмасдан ён беришни бошлашди.
Маълумки, Остона учрашувини АҚШ ўзи “мўътадил” деб билган гуруҳлар қўли билан амалга оширмоқда. Бу гуруҳ Сурия халқининг вакили бўлмаса-да, Сурия халқининг номидан хиёнаткорона ҳамкорлик шартномаларини имзоламоқда.
Олти йилдан буён Сурия халқининг қонини тўкиб келаётган қотиллар билан бир стол атрофида ўтириш катта жиноятдир. Чунки Остона ва Женева музокаралари худди Ҳалаб каби, бутун Сурияни Асад режимига топширишдан бошқа нарса эмас. Остона ва Женева музокараларидан чиқадиган натижаларга биноан, ҳокимият Сурия халқини ва динини сотган гуруҳлар билан қотиллар ўртасида тақсимланиши кўзда тутилган.
Остона учрашуви Сурия халқи билан бирга эканлигини тинимсиз даъво қилиб келаётган Туркия учун ҳам шармандаликдир. Мусулмон ўлкаларининг раҳбарлари Сурия халқига ёрдам бериш учун қўзғалиш ўрнига Остона, Женева ва бошқа ҳалокатли музокараларни мамнуният билан қабул қилишлари уларнинг нақадар пасткаш кимсалар эканлигини кўрсатиб турибди. Суриядаги вазият бир қанча мамлакат раҳбарлари ва ҳизбуллоҳ каби жамоаларнинг ҳақиқий башарасини очиб ташлагани каби, бундай ҳамкорликнинг ҳам ҳақиқий башараси очиб ташлайди инша Аллоҳ.
