Ўш шахрининг “Сулаймон тоғ” марказий масжидида Ўзбекистон вакиллари ва 100 га яқин Ўш вилоятининг масжид имомлари ва диний ходимлари иштирокида катта йиғин бўлиб ўтди.
Йиғилишга Қирғизистон тарафдан муфтий ҳазрати Максатбек ҳожи Токтомушев, ҳукуматнинг Ўш вилоятидаги солаҳиятли вакилининг диний маслахатчиси Токтосун ҳожи Жапаров, дин ишлари бўйича давлат комиссиясининг жанубий бўлимининг бошлиғи Исакбай Мурзабеков ва жанубий минтақа қозилари иштирок этган бўлса, Ўзбекистон тарафдан эса, Республика Вазирлар махкамаси қошидаги дин ишлари бўйича кўмитанинг бўлим бошчиси Юлдашев Махаммадбобир Абдуроҳманович етакчилигида Наманган, Фарғона, Андижон вилоятларининг қозилари ва бош имом-хатиблари иштирок этишди. Йиғинда “диний муҳитдаги давлат сиёсати, давлатлараро, миллатлараро дустлик, диний экстремизм ва терроризмга қарши биргаликда кураш олиб бориш” мавзусида баҳс юритилди. Аввал муфтий ҳазратлари Максатбек ҳожи Токтомушев нутқ сўзлаб, икки давлат ҳалқлари ўртасидаги алоқаларнинг жонланиши янгиланишнинг манбаи бўлишини таъкидлар экан, давлат арбобларига розилик билдириб ўтди. Бундан ташқари, терроризм ва экстремизмга қарши курашишда бу икки мамлакатнинг диний арбоблари биргаликда конференция ва семинарлар ўтказиб туришлик ташаббусини кўтарди. Ўзбекистон Республикасининг Вазирлар махкамаси қошидаги дин ишлари бўйича кўмитанинг бўлим бошчиси Юлдашев Махаммадбобир Абдуроҳманович икки давлат дин борасида бир-бирлари билан тажриба алмашадиган тадбирлар кўп эканлигини таъкидлади.
Йиғиндан кейин меҳмонлар Сулаймон-Тоғ масжиди ва музей комплекси билан танишиб чиқишди.
Куннинг иккинчи ярмида меҳмонлар Ўзган районига жўнаб кетишди.
Туркистон:
Яқин тарихимизга назар ташлайдиган бўлсак, 2006 йил Бакиевлар ҳукм сурган замонда ҳам Қирғизистон Ўзбек ҳукумати билан яқиндан ҳамкорлик қила бошлашган эди. Ўшанда ҳам Қирғиз ҳокимияти Ўзбекистон яхши қўшничиликни ўрнатиб, Қирғизистон билан ўзаро тенг ва манфаатли муносабатлар ўрнатади, деб умид қилган.
Лекин улар фақат Қирғизистон билан Ўзбекистон хавфсизлик хизматларини ҳамкорликка чақириш орқали ички ишларимизга аралашишдан нарига ўтишмади. Ўзбек хавфсизлик хизматининг махсус ходимлари террорчиларни фош қилиб бера оламиз деб, барча махфий тармоқларимизга кириб келишган эди. Улар Қирғиз хавфсизлик ходимларининг саводсизликларидан фойдаланиб, барча интернет тармоқларимизни ўз қўлларига олишган. Бутун хавфсизлик системасига махсус эшитиш мосламалари ўрнатиб қўйишган эди. Охир оқибат Рофиқ қори Камоловни отиб ўлдириб, қотилликни Қирғиз хавфсизлик ходимлари ва ҳукумати зиммасига юклаб, уларни ўта муаммоли вазиятга тушириб, сўнг ташлаб чиқиб кетишган эди.
Шу кунлардаги Атамбаев олиб бораётган сиёсат ҳам илгаригисини эслата бошлади. 26 октябр куни юзлаган Ўзбек делегацияси Қирғизистоннинг жанубий пойтахти ҳисобланган Ўш шаҳрига меҳмон бўлиб келишди. Келиб улгурмаслариданоқ, ўзбек диний делегацияси номидан келган вакиллар масжид имомлари ва дин вакиллари билан биргаликда мажлис уюштиришга ҳам улгуришди. Мажлисда терроризмга қарши курашда ҳамкорлик қилиш ва маслаҳатлашиб иш олиб бориш ҳақида сўз юритилди.
Ўзбек диний мулозимларининг кийиб олган чопонларини ичида пагонлари бор эканини ҳисобга олсак, яна Ўзбекистон хавфсизлик тизими диний ваҳималар ва унга қарши кураш олиб боришда ҳамкорликка чақириш ўйинини қайтадан бошлаётганлигини билиб олиш қийин эмас. Каримовнинг ўлимидан кейин хавфсизлик ходимлари Ўзбекистонни ўз қўлларига олди. Улар Қирғизистонни ўз мамлакати учун хавфли ҳудуд деб белгилашди. Шунинг учун улар Қирғизистоннинг ички ишларига аралашишга ва хавфсизлик тизимларига янада чуқурроқ кириб келишга қаттик интилишаяпти. Бу сафар Ўзбек хавфсизлик ходимлари диний муҳитимиз орқали ҳаракат бошлашди. Чунки ҳозир Қирғизистоннинг энг кучли томони орган ходимларининг қуввати ёки таъсири остида эмас. Балки исломий раъйлардан келиб чиққан диний муҳитнинг таъсир қуввати остидадир.
Ўзбек хавфсизлик тизимининг 90 йилларнинг иккинчи ярмидаги иш олиб бориш услубини эсланг. Улар ҳудди ҳозиргидек, яъни ўзларининг диний уламоларини диний жамоа вакилларига қарши қўйиш ишларидан бошлаган эди. Энди шу ифлос услублари билан Қирғиз диний муҳитига кириб келишяпти. Албатта бу йўналишдаги барча ҳаракатлар фақат икки мамлакат хавфсизлик тизимларининг ҳамкорлиги ва тўла назорати остида боряпти. Диндорларимиз қўғирчоқ фигуралар холос.
Қирғиз-Ўзбек фуқороларининг бир бирлари билан яқинлашишлари яхши иш, албатта. Куфр олами бизларни бир бирларимиздан ажратиб, қариндошлик ришталаримизни узиб юбормоқчи бўлишди. Энди Аллоҳнинг иродаси билан яна бир бирларимизга йўл очилса, албатта Аллоҳга ҳамду санолар айтамиз.
Лекин шу яқинлашишга бўлган туйғуларимиздан фойдаланиб, Иноятов бошчилик қилаётган Мирзияев режими, худди қўй терисини ёпиниб олган бўрилардек, диний либос кийган МХХ ходимларини олиб кириб келишга уринишяпти. Уларнинг мақсадлари Тошкентдаги 16 феврал воқеаси сингари мухитни яратиш учун мусулмонларни бир бирларига қарши иш олиб боришга ундаш, Исломий уламо ва масжид имомларини орган билан янада кенгроқ ҳажмда иш олиб боришга даъват қилиш ва Шу мақсадлари воқеъда натижа бериб, мусулмонлар уларни олқишлай бошлаганида, Қирғизистонда ҳам 16 феврал ҳодисасини уюштиришдан иборатдир.
Қирғизистон ҳукуматига ва фуқороларига шуни айтамизки;
Биз исломий юртлар ўрталаридаги чегаралар ёки умуман бирор тўсиқ бўлишига қаршимиз. Қирғиз-Ўзбек яқинлашиш тадбирларининг бирортасига қарши эмасмиз. Фақат, мусулмонларнинг мана шу бир бирларига яқинлашишга бўлган талпинишларидан ғаламис кучлар фойдаланиб қолмоқчи эканидан огоҳлантириб ўтмоқчимиз. Улар илгари ҳам худди шу каби яхши ният билан тадбирлар бошлаб, диний уламолар ва бир нечта журналист мухбир биродарларимизни оттириб юборганини эслатиб ўтмоқчимиз. Пайғамбаримиз (сав) “мўъмин бир тешикдан икки маротаба чақилмайди” деган эдилар. Биз уларга, “сизлар иқтисодий алоқаларни ривожлантириш ишлари билан чекланиб, бизларга диний ёки сиёсий маслаҳат беришдан тийилинглар, чунки бу соҳаларда сизлар бизларга муаллим эмассизлар, деб айтишимиз керак. Акс ҳолда улар сизларни яна алдаб қочади. Чунки бу яқинликларни уюштирувчиси Россия бўлиб, у ҳам ўта ночор ва ишончсиз ҳамкордир!
