بِسْمِ اللهِ الرَّحْمٰنِ الرَّحِيمِ
Саволга жавоб
Яҳудий вужудининг Эронга қарши тажовузи ва унинг оқибатлари
Савол:
Aл-Арабийя ўз веб-сайтида 2025 йил 27 июн куни қуйидагини нашр қилди: (4 хабардор манбанинг айтишича, президент Доналд Трамп маъмурияти Эронга тинч мақсадларда ядровий энергия дастурини барпо этиш учун 30 миллиард долларгача ёрдам кўрсатиш имкониятини муҳокама қилган… Манбаларнинг қўшимча қилишича, бу муҳокамалар бу ҳафтада – ўт очишни тўхтатиш келишувига эришилганидан кейин давом этган… Трамп маъмурияти расмийлари бир неча таклифлар ўртага ташланганини тасдиқлади. Улар бирламчи ва такомиллашувчи таклифлар бўлиб, музокарани қабул қилмайдиган битта ўзгармас банд ҳам бор, у ҳам бўлса «Эронда уранни бойитишни бутунлай тўхтатиш» бандидир»). Трамп Эрон билан яҳудий вужуди ўртасида ўзи томонидан таклиф қилинган ўт очишни тўхтатиш кучга кирганини эълон қилган эди. (Нетаняху Трампнинг таклифига рози эканлигини айтди. Рейтер агентлиги юқори мартабали Эрон расмийларидан бирининг сўзларидан иқтибос келтиришича, у Теҳроннинг Қатар воситачилигида ўт очишни тўхтатишга ва Америка таклифига рози бўлганини айтди. Aл Жазира, 2025 йил 24 июн). Буларнинг барчаси Трамп кучлари 2025 йил 22 июнда Эроннинг ядровий иншоотларига зарба берганидан кейин ва яҳудий вужуди 2025 йил 13 июндан бошлаб Эронга қарши тўсатдан кенг кўламли ҳаво ҳужумини амалга оширганидан кейин юз берди… Савол: Нега яҳудий вужуди тўсатдан қилинган бу тажовузни амалга оширди, ваҳоланки у буни фақат Aмерика буйруғи билан қила олади, шундай эмасми? Қолаверса, Эрон Aмерика орбитасида айланадиган давлат эмасми? Шундай бўлса, Aмерика қандай қилиб Эроннинг ядровий иншоотларига зарба беришда иштирок этиши мумкин? Жавоб учун ташаккур.
Жавоб:
Жавоб аниқ бўлиши учун қуйидаги ишларни кўриб чиқамиз:
- Ҳа, Эроннинг ядровий дастури яҳудий вужуди учун қирғин келтирувчи хатар ҳисобланади. Шунинг учун ҳам ундан ҳар қандай восита билан бўлса-да халос бўлишни истайди. Шу сабабдан ҳам у президент Трампнинг 2018 йилда келишувдан чиқиб кетганини олқишлади… Яҳудий вужудининг позицияси аниқ эди: у фақат Ливия моделини ва Эроннинг ўз ядровий программасини демонтаж қилишини, яъни Эроннинг ўз ядровий программасидан бутунлай воз кечишини қабул қиларди, холос. Шу мақсадда у Эрон ичкарисида ўз жосусларини экиб ташлади… Яҳудий вужудининг ҳужуми биринчи куниёқ Эрон ичида агентларнинг бутун бошли армияси борлигини, улар бир неча дирҳам эвазига яҳудий вужуди разведкаси «моссад» билан ҳамкорлик қилишларини, дронларнинг эҳтиёт қисмларини ташқаридан олиб келиб, уларни Эрон ичидаги кичик устахоналарда йиғишларини, уларни бир қанча нишонларга, жумладан, Эрон режими раҳбарларининг манзилларига қарата ҳам учиришларини, бу эса Ливанда яҳудий вужуди Эрон ҳизбининг етакчиларини йўқ қилган сценарий бўйича амалга оширилганини очиб қўйди!
- Американинг позицияси яҳудий вужуди учун нафақат асосий таянч, балки Эрон ядровий лойиҳасига қарши ҳаракатлантирувчи куч бўлди. Лекин Трамп буни амалга ошириш учун столга: музокаралар йўли билан ҳал қилиш ва ҳарбий ечимни қўйди. Шундай қилиб, 2025 йил апрел ойида Aмерика ва Эрон музокаралар учун Уммоннинг Маскат шаҳрига йўл олди. Трамп маъмурияти уни – гўё янги ядровий келишувга ўта яқин қолгандек – ядровий музокараларда чуқур ён беришлар бўлгани учун мақтади. Трамп бу келишувга эришиш учун икки ой муҳлат белгилаган эди. Яҳудий вужуди расмийлари эса Aмериканинг минтақа бўйича вакили ва Эрон билан биринчи музокарачи Уиткофф билан (Уиткофф уларни Эрон делегацияси билан музокараларда кечаётган воқеалардан хабардор қилиши учун) унинг ҳар бир учрашувидан олдин тахминан бир марта учрашишарди…
- Трамп маъмурияти ўзининг баъзи лидерларининг қаттиққўл-шафқатсиз қарашини қабул қилди. Бундай қараш яҳудий вужуди учун айни муддао бўлиб, у Европада ҳам мана шундай қарашларнинг пайдо бўлиши билан бир вақтга тўғри келди. Европа давлатлари Aмериканинг Эрон билан ёлғиз музокара олиб бораётганидан, яъни Aмерика Эрон билан бўладиган ҳар қандай келишувдан «шер улуши»ни олаётганидан дарғазаб эди. Дарвоқе, Эрон юзлаб миллиард долларлар ҳақида гапириб Трамп маъмурияти сўлагини оқизаётганди. Гап шундаки, Америка компаниялари, авиакомпаниялар Эронга инвестиция ётқизиб, нефть ва газ шартномаларидан ва бошқа кўплаб битимлардан улкан даромадлар олиши мумкин эди. Мазкур «ястребча»-шафқатсиз қарашлар Aтом энергияси бўйича халқаро агентлик (МAГAТЭ)нинг экстремистик ҳисоботи пайдо бўлиши билан янада авж олди. (Тахминан 20 йилга яқин вақтдан бери биринчи марта Aтом энергияси бўйича Халқаро агентлик (МAГAТЭ) бошқарувчилар кенгаши 2025 йил 12 июн пайшанба куни Эроннинг ядровий қуролларни тарқатмаслик бўйича зиммасига олган ўз мажбуриятларини бузаётганини эълон қилди… Deutsche Welle, 2025 йил 12 июн). Бундан олдин Эрон муршиди уранни бойитишни тўхтатишни рад этганди: (Хоманаий бундай деди: «Музокаралар таклифи ўртага ташланган экан, мен бу музокараларда билвосита қатнашадиган ва муҳокамалар олиб бораётган иккинчи томонни – Америка томонини огоҳлантирмоқчиман, беҳуда гаплар айтилмаслиги керак, уларнинг «Эроннинг уранни бойитишга рухсат бермаймиз» деган сўзлари катта хато; Эрон у ёки бу шахсдан рухсат кутиб ўтирмайди»… Трампнинг Яқин Шарқ бўйича вакили Уиткофф якшанба куни, Вашингтон Теҳрон билан эҳтимол тутилаётган келишувда уранни бойитишнинг ҳеч қандай даражасига асло рози бўлмаслигини айтди. Уиткофф ABC Newsга берган интервьюсида бундай деди: «Биз уранни бойитиш имкониятининг атиги бир фоизига ҳам йўл қўя олмаймиз. Барча нарса бизнинг нуқтаи назаримиздан келиб чиқиб, бойитишни ўз ичига олмайдиган келишув билан бошланади». Эрон интернешнл саҳифаси, 2025 йил 20 май).
- Эрон уранни бойитишни тўхтатишдан, Америка уни қаттиқ туриб талаб қилишига қарамасдан, бош тортди. Натижада америка-эрон музокаралари боши берк кўчага кириб қолди. Музокаралар якунлангани эълон қилинмаган бўлса-да, лекин 2025 йил 12 июнда МAГAТЭ ҳисоботи чиққанидан кейин, яҳудий вужуди Aмерика билан биргаликда бир кечада ишлаб чиқилган режа бўйича, 2025 йил 13 январда кутилмаган ҳужумни амалга оширди ва Эроннинг Натанз шаҳридаги ядровий иншоотига зарба берди. У Эроннинг энг йирик уранни бойитиш корхонаси бўлиб, унда 14 минг центрифугалар бор. Яҳудий вужуди бир қатор суиқасдларни амалга ошириб, армия қўмондонларини ва Эрон инқилоби қўриқчилари корпуси қўмондонларини ҳамда ядрошунос олимларни ўлдирди ва ракета учиргичларига ҳужум қилди. Яҳудий вужуди ўз ҳужуми сабабларини Нетаняхунинг, Эрон ядровий қуролни яратиш бўйича тадқиқот ишларини ва ривожлантиришни қайта бошлади, деган сўзлари билан оқлашга уринди (RТ, 2025 йил 14 июн), лекин Эроннинг ядровий қурол ишлаб чиқаришни режалаштирмагани ва унинг ядровий программаси тинч мақсадларда эканлигига ишонч ҳосил қилиниши учун ҳар қандай даражадаги халқаро мониторингга рози эканлиги ҳақидаги кўплаб баёнотлари бу даъвони қатъиян рад этиб турибди. Бироқ ҳақиқат шуки, яҳудий вужуди ҳужумни амалга ошириш учун Американинг «яшил чироқ» ёқиб беришини кутиб турганди, қачонки у «яшил чироқ» ёқилиб, бу «туйнук» очиб берилганини кўргач, ҳужумни бошлади…
- Дарҳақиқат, ҳеч бир ақли расо одам, яҳудий вужуди Aмерика яшил чироқ ёқиб бермаса, бундай бир ҳужумни амалга ошира олишини тасаввур қилолмайди ва бу мутлақо мумкин эмас. (Aмериканинг «Исроил»даги элчиси Майк Хакаби пайшанба куни, шахсан у «Исроил»нинг Қўшма Штатлар томонидан «яшил чироқ» ёқиб берилмаса, Эронга ҳужум қилишини кутмаслигини айтди. Aраб 48, 2025 йил 12 июн). Трамп ва Нетаняху ўртасидаги 40 дақиқалик телефон суҳбатидан сўнг («Исроил» расмийларидан бири жума куни «Таймс оф Исраел» газетасига берган интервьюсида, Тель-Aвив ва Вашингтон Доналд Трампнинг фаол иштирокида Эронни унинг ядровий иншоотларига ҳужум эҳтимоли йўқлигига ишонтириш учун «ахборот ва хавфсизликка оид кенг кўламли дезинформация кампанияси»ни амалга оширганини маълум қилди. Унинг изоҳ беришича, «Исроил» оммавий ахборот воситаларида Трамп Нетаняхуни Эронга ҳужум қилиш оқибатидан огоҳлантирди, деб даъво қилинган маълумотлар сиздирилди, у ана шу сиздирилишларни «алдаш операциясининг бир қисми» деб атади. Aл-Жазира нет, 2025 йил 13 июн). Буларнинг барчасига қўшимча ўлароқ, ҳужум арафасида Aмерика яҳудий вужудини ҳужум пайтида қўлланилган махсус қурол-аслаҳалар билан таъминлаган: (Ахборот рапортларида маълум қилинишича, Америка расмийларига кўра Қўшма Штатлар ўтган сешанба куни «Исроил»га 300га яқин AGM-114 Hellfire турдаги ракеталарни яширинча етказиб берди, Жерусалем Пост газетасига кўра, расмийлар Вашингтоннинг жума куни тонгда «Исроил»нинг Эрон ядровий ва ҳарбий объектларига зарба бериш режалари ҳақида олдиндан билганлигини тасдиқлашган. Улар, шунингдек, Aмерика ҳаво мудофаа системалари кейинчалик ҳужумга жавобан отилган Эроннинг 150 дан ортиқ баллистик ракеталарини тутиб олишда ёрдам берганини маълум қилишди. AҚШ мудофаа вазирлигининг юқори мартабали мулозимларидан бири Hellfire ракеталари ««Исроил» учун фойдали бўлганини» айтиб, «Исроил» ҳарбий ҳаво кучлари 100 дан ортиқ самолётдан Инқилоб қўриқчилари корпусининг юқори мартабали зобитлари, ядрошунос олимлар ҳамда Исфаҳон ва Теҳрон атрофидаги қўмондонлик марказларига зарба бериш учун фойдаланганини кўрсатиб ўтди. RТ, 2025 йил 14 июн).
- Шундай қилиб, Трамп маъмурияти, яҳудий вужуди ҳужумини шок ва қўрқувга соладиган фаол ва таъсирли қилиш учун, у ўзи билан музокара олиб бораётган Эронни чалғитувчи ишни амалга оширди. Aмерика баёнотлари шуни кўрсатиб турибди, яъни Aмерика яҳудий вужуди ҳужумини Эронни ядровий музокараларда ён беришларга мажбурловчи омил бўлишини истади. Бу эса ушбу ҳужум Aмериканинг музокаралардаги қуролларидан бири бўлганини англатади. Бу – Aмериканинг яҳудий вужуди ҳужумини, у ўзини-ўзи мудофаа қилишдир, деб очиқдан-очиқ ҳимоя қилиши, яҳудий вужудини қурол-аслаҳа билан таъминлаши ва Эроннинг жавоб зарбасини қайтариш учун Америка самолётлари ва ҳаво мудофаа системасини ишга солганлиги билан боғлиқдир. Буларнинг барчаси мазкур ҳужумни деярли тўғридан-тўғри Америка ҳужуми даражасига олиб чиқди. Ана шу Америка баёнотларидан бири, Трампнинг якшанба куни Канададаги «катта еттилик» саммитига кетаётиб журналистларга берган интервьюсида айтган сўзларидир: («Бирон келишувга эришишдан олдин баъзи жангларга киришишдан бошқа илож йўқ». ABC телеканалига берган интервюсида Трамп Қўшма Штатларнинг Эрон ядровий программасини йўқ қилишда «Исроил»ни қўллаб-қувватлаш учун аралашиши мумкинлигини кўрсатиб ўтди… Aраб 48, 2025 йил 16 июн).
- Америка бу урушдан, Трамп («Бирон келишувга эришишдан олдин баъзи жангларга киришишдан бошқа илож йўқ» деб айтганидек, Эронни бўйсундиришнинг қуроли сифатида фойдаланмоқда. Буни Трампнинг ушбу ҳужумни, ««Исроил»нинг Эронга қилган ҳужуми зўр бўлди» деб баҳолагани ҳам тасдиқлаб турибди. У «эронликларга фурсат берганини ва улар бундан фойдаланмаганликларини, шунинг учун жуда қақшатқич зарба еганликларини» ҳам айтиб ««келгусида бундан-да ёмон бўлишини» таъкидлади… ABC, 2025 йил 13 июн). Трамп яна бундай деди: («Эронликлар» музокарани исташмоқда, лекин улар буни олдинроқ қилишлари керак эди, менда 60 кун, уларда 60 кун бор эди, 61-куни ҳеч қандай келишувимиз йўқлигини айтдим…». СNN, 2025 йил 16 июн). Бу баёнотлар Америка яҳудий вужудининг бу ҳаво ҳужумини бошлашига нафақат рухсат берганини, балки унга шундай қилишни секингина уқтирганини ҳам аниқ кўрсатиб турибди. Трамп TruthSocialда бундай деб ёзди: («Эрон мен улардан имзолашни талаб қилган «ядровий келишув»ни имзолаши керак эди…» У қўшимча қилиб деди: «Қисқаси, Эрон ядровий қуролга эга бўла олмайди, мен буни бир неча марта ва қайта-қайта айтганман». RТ, 2025 йил 16 июн). Яҳудий вужудининг бир расмийси Американинг Эрондаги Фордо иншоотини бомбардимон қилишда иштирок этиши хусусида изоҳ берар экан, (Қўшма Штатлар Эронга қарши ҳарбий амалиётга қўшилиши мумкинлигини» айтиб, Трампнинг «Исроил» Бош вазири Бенямин Нетаняху билан телефон орқали сўзлашганида, у керак бўлса шундай қилишини айтганига эътиборни қаратди. Aл-Aрабия, 2025 йил 15 июн).
- Амалда ҳам шундай бўлди. Чунки 2025 йил 22 июн якшанба куни тонгда Трамп (Эроннинг 3 ядровий иншоотига зарба берилганини эълон қилиб, Aмерика зарбаси муваффақиятли бўлганини таъкидлади. Трамп Фордо, Натанз ва Исфахон ядро объектлари нишонга олинганини кўрсатиб ўтар экан, Эронни тинчлик ўрнатишга ва урушни тўхтатишга чақирди. Ўз навбатида, Aмерика мудофаа вазири Берт Хегсет Aмерика зарбаси Эроннинг ядровий амбицияларини йўққа чиқарганини таъкидлади. ВВC, 2025 йил 22 июн). (CNN душанба куни кечқурун Эроннинг Қатардаги ал-Адид Америка базасига қисқа ва ўрта масофага учувчи баллистик ракеталар билан ҳужум қилгани ҳақида хабар берар экан, бу ҳаво базасида жойлашган Америка ҳарбий самолётлари ўтган ҳафта охирида бошқа жойга кўчирилганини кўрсатиб ўтди… Рейтер агентлиги ҳам: «Эрон ўзининг Қатарга ҳужум қилиши ҳақида Қўшма Штатларни бир неча соат олдин хабардор қилган ва жумладан, Давҳани ҳам…». Sky News Arabia, 2025 йил 23 июн). Шунинг учун ҳам Трамп душанба куни («Эронга бизни олдиндан хабардор қилгани учун ташаккур билдирмоқчиман, бу қурбонлар бермаслик имконини берди», деди. Sky News, 2025 йил 24 июн).
- Aмерика ва яҳудий вужудининг бу ҳужумлари ва Эроннинг жавоб зарбалари оқибатида улкан моддий зарарлар ва инсоний қурбонлар бўлди: (Эрон соғлиқни сақлаш вазирлиги вакилининг айтишича, можаро бошланганидан бери «Исроил»нинг зарбалари оқибатида 610 киши шаҳид бўлди ва 4746 киши жароҳат олди, 13 июндан бери қурбонлар сони 28 нафарга кўпайди. ВВC News, 2025 йил 25 июн). Ушбу ҳужумлардан кейин, Трамп бошида яҳудий вужудини Эронга қарши тажовузга гижгижлаб, унда ўзи ҳам иштирок этгани каби, ҳозирга келиб эса у ўт очишни тўхтатганини ҳамда яҳудий вужуди ва Эрон бунга рози бўлганини эълон қилмоқда. Гўёки, икки тараф ўртасидаги урушни идора қилаётган ҳам, уни тўхтатаётган ҳам Трампнинг ўзи бўляпти! «Трамп Эрон билан яҳудий вужуди ўртасида ўзи таклиф қилган ўт очишни тўхтатиш келишуви кучга кирганини эълон қилди»… (Нетаняху Трампнинг таклифига рози эканлигини айтди. Рейтер агентлиги юқори мартабали бир эрон расмийсига таяниб хабар беришича, Теҳрон Қатар воситачилигида ва Америка таклифи билан ўт очишни тўхтатишга рози бўлди. Aл-Жазира, 2025 йил 24 июн). Бу эса шуни англатадики, Трамп аланга олдирган ва сўнгра тўхтатган бу урушдан мақсад – Эроннинг ядровий ва ракета қуроллари потенциалини йўқ қилиш бўлган. Гаагадаги НAТО саммитига жўнаб кетиш олдидан журналистларга берган интервьюсида Трамп («Эроннинг ядровий потенциали йўқ қилинди ва у ядровий программасини ҳеч қачон тиклай олмайди», деди. У сўзини давом эттириб: «Исроил» энди Эронга ҳеч қачон ҳужум қилмайди. Зеро ўт очишни тўхтатиш кучга кирди», деди. Ал-Жазира, 2025 йил 24 июн).
- Энди Эроннинг Aмерика орбитасида айланишига келсак, ҳа, Эрон Aмерика орбитасида айланиб, Aмерика манфаатларини амалга ошириш орқали ўз манфаатларига эришмоқчи бўлган давлатдир. Шу мақсадда у Aмериканинг Aфғонистон ва Ироқни босиб олишига ва унинг бу ўлкалардаги босқинчилигини мустаҳкамлашга ёрдам берди. Эрон Aмерика малайи Башар Aсадни ҳимоя қилиш учун Сурияга аралашди, шунингдек, Яман ва Ливанга ҳам аралашди. У шу орқали ўзининг ушбу мамлакатлардаги манфаатларига эришмоқчи ва ҳатто Америка орбитасида айланиб бўлса ҳам, минтақада энг йирик регионал давлат бўлмоқчи! Лекин у, Америка ўзининг орбитасида айланадиган ҳар қандай давлатдан келадиган манфаатни ниҳоясига етди, деган фикрга келиб, ҳалиги давлатнинг роли ва қувватини қисқартирмоқчи бўлса, унга дипломатик босим қилишини, керак бўлса, ҳарбий босим ўтказишини назардан қочирди. Эрон билан охирги ҳужумларда худди шундай ҳол юз берди. Бундан мақсад орбитада айланадиган давлатни жазолашдир… Бинобарин, Америка ўзи буюрган ва дастаклаган, яҳудий вужуди эса амалга оширган мана шу ҳужум орқали ҳарбий қўмондонларни, айниқса ядрошунос олимларни ва маслаҳатчиларни йўқ қилди. Бу қўмондонлар, олимлар ва маслаҳатчилар охирги пайтларда – Американинг истагига қарши ўлароқ – яҳудий вужуди билан муомала қилишда ўзларининг мустақил раъйлари бўлишга уринишаётган эди. Америка бундай давлатларни назар-писанд қилмайди, уларга парво қилмайди. Чунки у бу давлатларнинг охир-оқибат Америка ишлаб чиққан ечимни қабул қилишини яхши билади!
- Айнан мана шу нарса Aмериканинг ўт очишни тўхтатишдан кейинги режасида очиқ кўрина бошлади. Бундан мақсад Эроннинг ядровий ҳарбий қурол-аслаҳасига барҳам беришдир: (СNNга кўра, 4 хабардор манбанинг айтишича, президент Доналд Трамп маъмурияти Эронга тинч мақсадларда ядровий энергия программасини барпо этиш учун 30 миллиард долларгача ёрдам кўрсатиш имкониятини, санкцияларни юмшатишни ва Эроннинг музлатилган миллиардлаб доллар маблағларини озод қилишни муҳокама қилган. Буларнинг барчаси Теҳронни музокаралар столига қайтаришга бўлган жадал саъй-ҳаракатнинг бир қисмидир. Ўша манбаларнинг таъкидлашича, Қўшма Штатлар ва Яқин Шарқдан иборат асосий ўйинчилар эронликлар билан парда ортида, ҳатто Эрон ва «Исроил»га сўнгги икки ҳафта орасида ҳарбий зарбалар тўлқини тушиши гирдоби шароитида ҳам, музокаралар олиб бормоқда. Мазкур манбаларнинг қўшимча қилишича, ушбу мунозаралар ўт очишни тўхтатиш келишувига эришилганидан кейин, бу ҳафтада давом етган. Трамп маъмурияти расмийлари бир неча таклифлар ўртага ташланганини тасдиқлади. Улар бирламчи ва такомиллашувчи таклифлар бўлиб, музокарани қабул қилмайдиган битта ўзгармас банд ҳам бор, у эса «Эронда уранни бойитишни бутунлай тўхтатиш» бандидир»… Aл-Арабийя, 2025 йил 27 июн).
- Охирида шуни айтамизки, бу Умматнинг мусибати унинг ҳукмдорларидадир. Чунки Эрон ўзига ҳужум билан таҳдид қилинганига қарамай, ўзини мудофаа қилиш учун биринчи бўлиб ҳужум қилишга шошилмаяпти. Ваҳоланки, ҳужум яҳудий вужудига қарши энг яхши мудофаа воситасидир. Эрон бундай қилмади, аксинча ўзининг иншоотларига зарба берилиб, олимлари ўлдирилгунига қадар жим тураверди. Ана шундан кейингина жавоб зарбасини берди. Америка ҳужумига нисбатан ҳам шундай позицияда турди. Шундан сўнг Трамп ўт очишни тўхтатишни эълон қилди, яҳудий вужуди ва Эрон бунга рози бўлди… Ана шундан кейин, кўриб турганингиздек, Америка музокараларни идора қилмоқда, таклифларни ўртага қўймоқда ва «Эроннинг уранни бойитиши бутунлай тўхтатилиши» музокарани қабул қилмайдиган қатъий ечим эканини айтмоқда! Биз бу урушнинг яҳудий вужуди билан ҳар қандай тинчликка ёки Эронни қуролсизлантиришга олиб бориши оқибатидан огоҳлантирамиз… Мусулмонлар юртларидаги бошқа ҳукмдорлар ҳақида, айниқса яҳудий вужуди атрофида жойлашган юртларимиздаги ҳукмдорлар ҳақида айтадиган бўлсак, душман самолётлари уларнинг боши узра учиб ўтиб, мусулмонлар юртларини бомбардимон қиляпти ва бемалол ўз базасига қайтяпти, уларга бир донагина бўлсин ўқ отилмаяпти!! Бу ҳокимларни Америка бармоғи билан ўйнатади… Улар гапни айлантириб, ўзларининг тек ўтираверишларини хаспўшлашга уринишади, сохта чегараларни муқаддас санашади. Улар мусулмонларнинг юртлари – ер юзининг энг чекка ёки яқин қисмида бўлсин – бир бутун эканини, мўминларнинг тинчлиги ҳам, урушлари ҳам битта эканини, модомики мусулмон эканлар, мазҳаблари уларни бўлиб ташлаши асло тўғри эмаслигини унутишди ёки ўзларини унутганга солишди! Бу ҳукмдорлар ҳозирги аҳволларида аллақачон ўлиб бўлишган. Улар Америкага бундай хорларча бўйин эгишлари билан ўзларини нажот топувчи деб ўйлашмоқда. Ваҳоланки, Америка уларни биттама-битта қуролсизлантиришини, яҳудий вужудига таҳдид солиши мумкин бўлган қурол-аслаҳалардан биттама-битта маҳрум этилишларини тушунишмаяпти. Масалан, Америка Сурияда – яҳудий вужудининг у ердаги ҳарбий иншоотларни вайрон қилишига рухсат берган пайтда – айни шу ишни қилди. Эронда ҳам худди шундай қилмоқда. Бинобарин бу ҳукмдорларга дунёю охиратда хорлик устига хорлик мерос қолади, холос.
﴿سَيُصِيبُ ٱلَّذِينَ أَجۡرَمُواْ صَغَارٌ عِندَ ٱللَّهِ وَعَذَابٞ شَدِيدُۢ بِمَا كَانُواْ يَمۡكُرُونَ﴾
«Яқинда бундай жинояткорларга қилиб ўтган ҳийла-найранглари сабабли Аллоҳ ҳузурида хорлик ва қаттиқ азоб етажакдир» [Анъом 124]
Шундай экан, ақлларини ишлатишмайдими? Ёки улар оятда
﴿صُمُّۢ بُكۡمٌ عُمۡيٞ فَهُمۡ لَا يَعۡقِلُونَ﴾
«Кар, соқов, кўрдирлар. Демак тушунмайдилар» [Бақара 171]
деб айтилган кимсаларми?
Эй мусулмонлар: Ҳукмдорларингиз сизларни хору зорлик, мустамлакачи кофирларга қарамлик, ҳатто пешонасига хорлик ва мискинлик битиб қўйилган яҳудийларга, Муборак ерни босиб олаётган яҳудийларга қарамлик аҳволига солишаётганини кўриб, эшитиб турибсиз!… Сизлар, ҳеч шубҳасиз, фақат Ислом ва Ислом давлати бўлмиш Рошид Халифалик билан азиз бўлишингизни яхши биласиз. Бу давлатда ортида туриб жанг қилинадиган ва ҳимояланиладиган Рошид халифа сизларга қўмондонлик қилади. У Аллоҳнинг изни ила содиқ мўминлар қўли билан, албатта, бўлади ва Росулуллоҳ ﷺнинг
«لَتُقَاتِلُنَّ الْيـ هود فَلَتَقْتُلُنَّهُمْ»
«Албатта яҳудийларга қарши жанг қиласизлар ва уларни ўлдирасизлар», деган сўзи, сўзсиз, амалга ошади. Ўшанда бутун ер юзи Қавий, Азиз, Ҳаким Аллоҳнинг нусрати ила нурга чўмади…
Сўзим хотимасида шуни айтаманки, ўз аҳлини алдамайдиган етакчи Ҳизб ут-Таҳрир сизларни рошид Халифаликни янгидан қуриш учун ўзига ёрдам беришга ва у билан иш олиб боришга чақиради. Зеро, ўшанда Ислом ва унинг аҳли азиз бўлади, куфр ва унинг аҳли эса хор бўлади. Бу эса Буюк Зафардир.
﴿وَيَوۡمَئِذٖ يَفۡرَحُ ٱلۡمُؤۡمِنُونَ + بِنَصۡرِ ٱللَّهِۚ يَنصُرُ مَن يَشَآءُۖ وَهُوَ ٱلۡعَزِيزُ ٱلرَّحِيمُ﴾
«Ўша кунда мўминлар Аллоҳнинг нусрати сабабли шодланурлар. (Аллоҳ) Ўзи хоҳлаган кишига нусрат берур. У қудрат ва раҳм-шафқат эгасидир» [Рум 4-5]
3 Муҳаррам 1447ҳ
28 июн 2025м
