بِسْمِ اللهِ الرَّحْمٰنِ الرَّحِيمِ
Фаластинни озод этиш яҳудий вужуди билан муносабатларни нормаллашувчилар ҳаргиз етиша олмайдиган шарафдир
Бугунги кунда Ислом Уммати яҳудий вужудининг қолиши ва ўз қудрати билан мақтаниши қуруқ хомхаёлдан ўзга нарса эмаслигига ҳамда агар у Фаластин режими ва атрофдаги араб давлатлари томонидан куч ва имкониятлар билан таъминланмаса, бир нафас ҳам тирик қололмаслигига аниқ ишонган Умматга айланди. Бу вужуднинг тирик туришига ва очиқдан-очиқ адоват билан кеккайишига айни давлатларнинг у билан иқтисодий, ҳарбий, хавфсизлик шартномалари ва келишувлари орқали муносабатларни нормаллаштиришни ўз зиммаларига олишгани сабаб бўлмоқда. Зеро, яҳудий вужуди Ислом Уммати билан ҳақиқий урушга, яъни ўзини келган жойига қувиб солиб, кулини кўкка совурадиган урушга кирмаганини, балки тобе режимлар билан тил бириктирган ҳолда сохта урушларга кирганини, бу режимлар ўзларининг яҳудийларга қарши жанг қилмаётганликларини халқлар олдида оқлаш учун яҳудий вужудини «дев» қилиб кўрсатишаётганини жуда яхши билади.
Зеро, исботланган фактлардан бири шуки, қачон яҳудийлар билан реал жанговар тўқнашув бўлса, мусулмон қўшинлар ва жангчи гуруҳларга ҳар доим зафар ёр бўлган. Мусулмонлар яҳудий кучларини қувиб солиб, оғир талафотлар етказганлар. Айниқса, уруш қарорини тўхтатишга тил бириктирувчи ҳукмрон режимлар йўқ пайтларда, масалан, Карма жанги, яҳудийларнинг Ливан жануби ва Ғазо секторидан чиқиб кетишлари ва Рамазон урушида – гарчи бу уруш уларнинг фойдасига тугаган бўлса ҳам – улкан талафотлар кўришлари ҳамда Фаластин маъмурияти келишидан олдин босиб олинган ерларда ўзини қурбон этиш амалиётлари бўлганлиги, буларнинг барчаси бу босқинчи вужуднинг заиф эканига инкор этиб бўлмас далиллардир.
Эй мусулмонлар!
Аллоҳ йўлида жиҳод қилинмагунча бу жирканч вужуд асло йўқолмайди. Зеро, Фаластин масаласини ҳал этиш ва Ақсони жинояткор босқинчилардан қутқаришнинг шаръий ҳукми ҳам жиҳоддир. Яҳудийларнинг бунчалар кибр ва туғён қилишдан Пайғамбарлик минҳожи асосидаги рошид Халифалик соясидаги исломий қўшинларгина тийиб қўя олади. Мусулмон халифа қўмондонлигидаги бу қўшин, худди Ҳиттин кунида Салоҳиддин қилганидек, Фаластин ва Ақсони озод этади. Ушбу халоскорлик шундай буюк шарафдирки, унга яҳудий вужуди қаршисида ожиз қолаётганлар ва у билан муносабатларни нормаллаштириб, тил бириктираётганлар ҳаргиз ноил бўла олмайдилар.
Роя газетасининг 2023 йил 19 апрел чоршанба кунги 439-сонидан
