بِسْمِ اللهِ الرَّحْمٰنِ الرَّحِيمِ
Сурия қочқинларини мажбуран қайтаришдан турк режимининг ҳам Шом қўзғолонига қарши урушга шерик экани очилмоқда
Ҳизб ут-Таҳрир – Сурия вилояти радиосининг 2023 йил 28 январ шанба кунги хабарида айтилишича, Туркиянинг Газиантеп шаҳридаги адвокатлар уюшмасининг Қочқинлар ва миграция ҳуқуқлари қўмитаси баёнот чиқарган. Баёнотда Оғузели баладияси депортация марказидаги суриялик қочқинларга нисбатан ёмон муомалада бўлиниб, куч ишлатилгани ва уларни «ихтиёран» қайтиш бланкасига имзо чекишга мажбурлангани айтилади.
Роя:
Бу хабар илмоний турк режимининг асл башараси қандайлигини кўрсатди. У ўзининг инсонпарварлигини ва мазлумлар тарафида туришини ҳамиша даъво қилиб келган эса-да, аммо аслида у бундан бутунлай узоқда эканини фош этди. Шунингдек, Эрдоган Туркияси режими айтаётган «ихтиёрий қайтиш», деган нарса унинг Шом қўзғолонига қарши уруш қуролларидан бири эканини очиб ташлади. Дарҳақиқат, қўзғолонга қарши урушда барча давлатлар қатнашди. Россия ва Эрон кабиларнинг қатнашиши Асад режимининг ағдарилишига йўл қўймаслик учун «терроризмга қарши кураш» ниқоби истида бевосита ёки қўзғолон аҳлига қарши ўзининг мазҳабпараст жангарилари олиб кириш билан амалга ошди. Туркия кабилари эса, Сурия халқига ўзини дўст қилиб кўрсатиб, унинг ҳаракати ва йўналишини йирик давлатлар манфаатига мос равишда жиловлаб беришга ҳаракат қилмоқда. Ваҳоланки, бу йирик давлатлар Асад режимини минтақадаги ўз манфаатларига хизмат қилади, деб билишади. Халқаро ташкилотларнинг инсон ҳуқуқларини ҳимоя қилиш ва демократия каби оғиз кўпиртириб айтаётган даъволари ҳеч қандай воқелиги йўқ бўлган ёлғон даъволардир. Булар оммавий ахборот воситаларидаги фирибгарлик бўлиб, Ғарбнинг юртларимиз ва бу ерлардаги энг оддий ишлар ва бошқарув тизими устидан бўлган ҳукмронлигини яширади. Бу эса, юртларимизнинг тўғри асосда, яъни буюк Ислом асосида ривожланишига йўл қўймаслик учун амалга оширилмоқда.
Роя газетасининг 2022 йил 1 феврал чоршанба кунги 428-сонидан
