Швецияда Қуръони Карим ёқиб юборилди
Швецияда Расмус Палудан Туркиянинг Стокголмдаги элчихонаси олдида Қуръонни ёқиб юборди. Палудан Стокголмдаги Туркия элчихонаси ёнида намойиш уюштириш ва Қуръонни ёқиш учун Швеция полициясидан рухсат олган эди. Швеция ҳукумати сўз эркинлигининг бир қисми сифатида Палуданга бу ҳаракатни амалга оширишга рухсат берди ва уни полиция орқали ҳимоя қилди.
Ушбу рухсатнома асосида элчихона биноси ёнида намойиш уюштирган Палудан, ўзини кузатиб турган оломон олдида нутқ сўзлади. У нутқи давомида ўзига эътироз билдирган турк фуқаролари ва мусулмонларга ҳам муносабат билдирди. Палудан нутқ сўзлаган ҳудудда кенг қамровли хавфсизлик чоралари кўрилди, ленталар билан ўралди ва атрофига кўплаб полиция ходимлари жойлаштирилди.
Изоҳ: Ғарб “сўз эркинлиги”ни рўкач қилиб Палуданнинг бу жирканч ишини оқлаши унинг икки юзламачи мунофиқлигини яна бир бор бутун дунёга ҳавола қилмоқда. Чунки Қуръони Каримни ёқиш ёки Росулуллоҳ ﷺни карикатура қилиш каби Мусулмонларнинг муқаддасотлари оёқости қилинганда дарҳол “сўз эркинлиги” ўртага ташланади. Аммо ўзларига келганда эса, “сўз эркинлиги” деган гап унутилади. Масалан, бир тасаввур қилинг, агар ўша лаънати Расмус Палудан «холокост» ва унинг оқибатларини танқид қилиб чиққанда нима бўларди, албатта ҳукумат уни қўлига кишан солиб, ишини судга оширган бўларди. Нацистлар крематорийларини инкор қилган тарихчи Дэвид Ирвингнинг 2006 йил 20 февралда Австрия суди тарафидан 3 йиллик қамоқ жазосига ҳукм қилиниши ёки 2012 йили холокост тушунчасига қарши фикр билдирган Силвия Столзни 1 йил 8 ой қамоққа ҳукм қилиниши ёки холокостни рад этган 94 ёшли фаол Урсула Хафербекнинг 2022 йилда бир йилни панжара ортида ўтказиши ёки немисларнинг яҳудийларга қарши қаратилган жиноятларини ёлғон деган хулосага келган Француз файласуфи Роже Гародининг катта миқдорда жаримага тортилиши, буларнинг барчаси “сўз эркинлиги”нинг қуруқ сафсата эканлигини кўрсатиб турибди.
Агар ҳозирда мусулмонларнинг бошини бирлаштирадиган битта Халифаси бўлганда эди, куфр аҳли Ислом ва унинг муқаддасотларига қарши бундай ҳақоратомуз ҳаракатларга қўл уришга журъат қила олармиди?! Йўқ албатта. Чунки Халифа мусулмонларни моддий ва маънавий ҳар қандай ҳужумлардан ҳимоя қиладиган қалқондир. Росулуллоҳ ﷺ бундай марҳамат қилдилар:
«إِنَّمَا الْإِمَامُ جُنَّةٌ يُقَاتَلُ مَنْ وَرَائِهِ وَيُتَّقَى بِهِ»
«Имом қалқондир, унинг ортида туриб жанг қилинади ва у билан ҳимояланилади» (Муттафақун алайҳи).
Бу қалқон қарийб 1400 йил мусулмонларни ҳимоя қилди. Буни Халифалик тарихи ўз тили билан айтиб турибди. Қачонки, мусулмонлар бу қалқонни қайта тикласалар, Аллоҳнинг изни ила яна ўз азизликларни кўлга киритишлари муҳаққақдир.
Зоҳид Заргар
