بِسْمِ اللهِ الرَّحْمٰنِ الرَّحِيمِ
Эрдоган ва Руҳоний Фаластин хиёнати билан тўлиб тошган ўзларининг жиноятлари рўйхатига навбатдаги шармандалик жиноятини қўшмоқда
Туркия президенти Эрдоган халқаро муассасалардан яҳудийларнинг фаластинликларга қарши ҳужумларини тўхтатиш учун зудлик билан ҳаракатга келишни талаб қилди. У Ислом Ҳамкорлик Ташкилотини бундай ҳужумларни тўхтатиш учун дарҳол ҳаракат қилишга чақирди. Эрдоган шунингдек, яҳудийларнинг Ғазо секторига, Ақсо масжиди ва фаластинликларга қарши кўр-кўрона амалга ошираётган ҳужумларига нисбатан Туркия ўз муносабатини жуда кескин тарзда билдиришини айтиб, «Халқаро ҳамжамият «Исроил»га кучли ва кескин сабоқ бериши зарур»лигини таъкидлади. У Фаластинликларни мудофаа қилиш учун минтақага халқаро тинчликпарвар кучларни киритишга ҳаракат қилишга чақириб, бу нарса Туркиянинг 1918 йилдан бери қилиб келаётган таклифи эканини урғулади. Эрдоган мана шу барча масалаларда Туркия билан Россиянинг БМТда яқин ҳамкорлик қилишларига ишончи комил эканини маълум қилди.
Эрон президенти Ҳасан Руҳоний ҳам «Фаластин халқига қарши қилинаётган сионистик ҳужумларни» қаттиқ қоралади. У «Барча мазлумларни, айниқса, фаластинлик халқни ҳимоя қилиш бизнинг исломий ва инсоний бурчимиздир», деди. Сўнг «Бу халқ олдида қатъийлик ва жиҳоддан ўзга йўл йўқ», дея таъкидлади.
Ўз навбатида, Ҳизб ут-Таҳрир – муборак Фаластин замини матбуот бўлими ўзининг сайтида баёнот нашр қилиб, бундай деди:
«Эрдоган ва Руҳонийнинг оғзидан чиқаётган бу баёнотлар қуруқ-сохта бўлиш билан бирга, уларда Фаластин ва унинг аҳлига қарши қилинган тил бириктирув акс этиб турибди. Бу тил бириктирувлар Фаластин аҳли дуч келаётган мана шундай манзарада, яъни Ғазо бомбардимон қилинаётган, унинг аҳли қирғин қилиниб, кўчирилаётган, муборак Қуддус оёқ ости этилиб, босиб олинган ерларда ваҳшийларча қамоққа олиш ишлари олиб борилаётган бир пайтда бўлмоқда.
Эрдоган ва Руҳоний кечаю кундуз «Фаластин, Ақсо ва Ғазо», дея жар солишар экан, ёрдамсиз ташлаб қўйиш ва сохтакорлик билан тўлиб тошган ўзларининг жиноятлари рўйхатига навбатдаги шармандалик жиноятини қўшишмоқда. «Исроилга ўлим», дея ҳайқиришдан чарчамайдиган ва рамзий қаршиликдан бошқа нарсани билмайдиган Эрон қоралаш ва норозилик билдиришдан нарига ўтмади. У ўзининг ракеталари, танклари, «Қуддус гвардияси»ни ҳаракатга келтириб, Фаластин, Ақсо ва Ғазога нусрат бериш ўрнига, Фаластин аҳлидан қатъийлик кўрсатиш ва жиҳод қилишни талаб қилмоқда! Бундай сохта позиция бу дунё ва охиратда албатта шармандалик келтиради. Эрдоганга келсак, Фаластин аҳлига дўстлик изҳор қилишдан ҳамда «Қуддусга қилинган ҳужум ҳар бир мусулмоннинг шарафига қилинган ҳужумдир», дейишдан чарчамаяпти, қаттиқ сўзлар билан қоралаш ва норозилик билдириш билан кифояланяпти. У Яқин Шарқдаги энг кучли ҳисобланган турк мусулмон армиясини ҳаракатга келтириш ўрнига, халқаро кучларни ҳаракатга келтиришга чақириб ётибди. Ваҳоланки, бу нарса Фаластин, Ғазо ва Ақсодаги босқинчиликка навбатдаги босқинчиликни қўшиш бўлади. Эрдоган бу ишни худди Шом ва Ливияда қилгани каби, жинояткор Россия билан ҳамкорликда қилар эмиш… Ахир, Фаластин ва унинг аҳлига қарши бундан ҳам ёмон жиноят бўлиши мумкинми?!».
Баёнот сўнггида яна бундай дейилди:
«Бугун ҳар бир ақли расо инсонга ойдек равшан бўлиб қолган ҳақиқат шуки, Умматнинг ҳамда Уммат масаласининг душманлари мусулмон юртлардаги мана шу ҳукмдорлар бўлиб турибди. Бу ҳукмдорлар орасидаги ўзларини қаршилик ҳаракати эканини даъво қилаётганлари билан дўстлик изҳор қилаётганлари ва яҳудийлар билан муносабатларни нормаллаштираётганлари ўртасида ҳеч қандай фарқ йўқ бўлиб, барчалари мустамлакачиларга хизмат қилаётган малайлардир. Фаластин ва Ақсога нусрат беришнинг бирдан-бир йўли эса, мана шу ҳукмдорларни тахтдан ағдариш ва озодлик сари армияларни ҳаракатга келтиришдан иборат. Бу – барчамизнинг овозларимизни баралла кўтариб, саъй-ҳаракатларимизни бирлаштиришимизни талаб қилади».
Роя газетасининг 2021 йил 19 май чоршанба кунги 339-сонидан
