بِسْمِ اللهِ الرَّحْمٰنِ الرَّحِيمِ
Америка Ҳиндистоннинг мавқеини кучайтириш ва Хитой нуфузини жиловлаш стратегиясида Бангладешдан пиёда (пешка) сифатида фойдаланмоқда
АҚШ президентининг иқлим масалалари бўйича маслаҳатчиси Жон Керри Бангладешга сафар қилар экан, Ҳизб ут-Таҳрир бу мустамлакачи давлатнинг Тинч океани минтақасидаги стратегияси Бангладешдан пиёда (пешка) сифатида фойдаланиш эканини таъкидлади. Бу ҳақда Ҳизб ут-Таҳрирнинг Бангладешдаги матбуот бўлими баёнотида бундай дейилади:
«Энди Америка Бангладешга иқлим ўзгариши ниқоби остида ҳар вақтдагидан кўпроқ аралашади. Бангладешнинг ҳарбий ва асосий ресурсларидан ўзининг ва Ҳиндистоннинг манфаатлари учун ёнилғи сифатида фойдаланади, худди Покистондан Ҳиндистон манфаати учун фойдаланиб келгани каби.
Шунинг учун Ҳиндистон армияси бош қўмондонининг бир қатор стратегик масалалар бўйича мудофаа муносабатларини мустаҳкамлаш ниқоби остида Бангладешга беш кунлик сафар қилганига ҳам айни шу нуқтаи назардан қаралмоғи даркор. Бундан ташқари, иқлим инқирозини бартараф этиш учун салоҳиятни ошириш ва инфратузилмани ривожлантириш, деган баҳона ҳам Бангладешни мустамлакачиларнинг «иқлим ўзгариши кредитлари» ботқоғига янада кўпроқ ботириб ташлайди. Американинг масалага бу қадар жиддий аралашаётганининг ягона сабаби, иқлим ўзгариш ниқоби остида юртимиз ресурсларидан ўзининг нопок мақсадларини амалга оширишда янада кўпроқ фойдаланмоқчи бўлаётганидир.
Роя газетасининг 2021 йил 21 апрел чоршанба кунги 335-сонидан
