بِسْمِ اللهِ الرَّحْمٰنِ الرَّحِيمِ
Ливан ҳукмдорлари хоинлик ва нормаллаштириш сари чопишмоқда
Ал-Жазира нет веб-сайтида (ҳижрий 1442 йил 14 сафар, милодий 2020 йил 1 октябр пайшанба куни) нашр қилинган хабарда бундай дейилади:
«Пайшанба куни Ливан парламенти спикери Набиҳ Барри Ливан билан «Исроил» ўртасида қуруқлик ва денгиз чегараларини демаркация қилиш доирасида бир келишувга эришилганини эълон қилди. Буни Ливан қарзларини ёпишга олиб борувчи қадам, дея баҳолади.
Баррига кўра, унинг юрти қуруқлик ва денгиз чегараларини демаркация қилишга келишиб олиш учун БМТ раҳнамолигида ва АҚШ воситачилигида музокаралар олиб борадиган бўлди.
«Ҳар иккала томон (Ливан ва «Исроил») АҚШдан қуруқлик ва денгиз чегараларини демаркация қилишда воситачи бўлишни ҳамда енгиллик яратиб беришни талаб қилдилар, АҚШ бунга тайёр эканини билдирди», деди у.
Бу қадамнинг «Исроил» билан айрим араб давлатлари ўртасида бўлаётган муносабатлар нормаллашиши тўлқинига алоқаси борми, деган саволга Барри «бу келишувни амалга оширишга ҳали нормаллашиш ҳаракатлари бошланмасидан ўн йилча олдин ҳаракат бошлагани»ни маълум қилди».
Роя:
Амирликлар ва Баҳрайн режимларининг яҳудий вужуди билан муносабатларни нормаллаштириш битимига очиқ имзо чекишлари ортидан Ливандаги сохта режим кутишга тоқати чидамай дарҳол мазкур қадамни ташлади. Демаркация ҳақидаги бу эълон чиқиб, қатор хиёнатларнинг навбатдагисига айланди. У турли оқлов ва баҳоналар билан содир этилаётган нормаллашиш занжирига янги ҳалқа бўлиб қўшилиб, нормаллашиш гуноҳидан кам бўлмади. Чунки парламентнинг ўзи «бу келишувни амалга оширишга ҳали муносабатларни нормаллаштириш ҳаракатлари бошланмасидан ўн йилча олдин ҳаракат бошлагани» билан ҳамда бу нарса Ливан қарзини ёпишга ёрдам беришини айтиш билан айни қадамни оқлашга уриняпти!! Бунинг муқобили ўлароқ, Судан режими муносабатларни нормаллаштириш эвазига қўлга киритадиган маблағ устида савдолашмоқда!
Мусулмон юртлари ҳукмдорлари яҳудийлар билан муносабатларни нормаллаштириш учун келтиришаётган бу каби сохта ҳужжат-баҳоналар ҳеч кимга ўтмайди, чунки ҳақиқат барчага маълум-равшан бўлиб қолди. Ҳақиқат шуки, муносабатларни нормаллаштиришдан фақат сиёсий мақсад, яъни, Американинг буйруғи асосида унинг манфаатига хизмат қилиш кўзланган. Ҳозирда, унинг айни сиёсати Фаластин масаласини мана шундай нормаллаштирув келишувлари орқали регионал жиҳатдан бутунлай бостириб, йўқ қилиш ва параллел равишда, маҳаллий жиҳатдан йўқ қилишга уринишдан иборат. Табиийки, бундан яҳудий вужуди фойда кўради. Бир вақтнинг ўзида, бу Трампнинг сайлов кампаниясини қўллаб-қувватлашда сиёсий ютуқларга эришиши учун берган буйруғи асосида бўляпти. Бу нарсада Трамп маъмуриятининг айни миссияни Помпеога топширгани ва бу уч йил давом этган саъй-ҳаракатларнинг самараси экани очиқ кўриниб турибди.
Роя газетасининг 2020 йил 7 октябр чоршанба кунги 307-сонидан
