بِسْمِ اللهِ الرَّحْمٰنِ الرَّحِيمِ
Яҳудийлар билан муносабатларни нормаллаштирувчилар: тарсакилар ва саҳифалар
Абу Ҳамза Хутвоний қаламига мансуб
Яҳудийлар билан муносабатларни нормаллаштираётган давлатлар кўпинча, мустамлакачи кофир хўжайинларидан еган хорлик ва расволик тарсакиларини ҳам Умматнинг қора кунларидаги ўзларининг қора саҳифаларига қўшишларига тўғри келяпти. Масалан, Амирликлар яҳудийлар билан хоинлик муносабатларини нормаллаштириш келишувига имзо чекди ва ҳали имзо сиёҳи қуримасданоқ иккита қаттиқ тарсаки еди:
Биринчи тарсаки: Яҳудий вужуди Амирликлар ҳукмдорларининг айни келишувда Фаластин ерларини аннексия қилишни тўхтатиш ҳам айтилган, деган даъвосини рад қилди. Яҳудийлар бош вазири Нетаньяху бу ҳақда қуйидагича баёнот берди: «Бу келишувга биноан, Исроил у ернинг бир қаричини ҳам ташлаб чиқиб кетишга муҳтож бўлмайди, Трамп режасидан бирор қисми ҳам ўзгартирилмайди, бу ерлардаги суверенлик масаласи ҳамон амалда».
Иккинчи тарсаки: Яҳудий вужуди Амирликлар ҳукмдорларининг айни келишув бизга АҚШнинг ривожланган «34-Ғ» русумли самолётларини ва учувчисиз бошқариладиган самолётларини сотиб олишимизга рухсат беради, деган даъволарини ҳам пучга чиқарди. Чунки Нетаньяху бу сафар ҳам бу даъвони ёлғонга чиқариб, бундай русумдаги ривожланган қуролларга эга бўлиш Амирликларга ҳам, бошқа араб давлатларига ҳам рухсат берилмайди, биз билан улар тинчлик битимини имзолаган бўлишса-да, бироқ бизнинг сифат жиҳатидан устунлигимиз давом этади ва бу музокара қилинмайдиган масала, деган мазмунни билдирди.
Алалоқибат, Амирликлар яҳудий вужуди билан имзолаган нормаллаштириш келишуви фақат АҚШ, Ғарб ва яҳудийларнинг минтақадаги манфаатларига хизмат қилди. Бу имзога қўшимча, Амирликлар яҳудий вужудини тан олди, у билан ўзаро дипломатик муносабатлар ва элчилар алоқаларини ўрнатди, ўзаро элчихоналар очди. Ҳатто Ислом ва мусулмонларга қарши курашиш учун хавфсизлик шартномаларини имзолади. Зум ўтмай, яҳудийлар разведкаси директори Йоси Коэн айни келишув бандларини мувофиқлашган ҳолда татбиқ қилиш учун Амирликлар разведкаси директори Тоҳнун ибн Зайд билан учрашди. Булардан ташқари, COVID-19 билан боғлиқ илмий тадқиқотларда иштирок этиш учун Амирликлар билан яҳудийлар ишчи гуруҳларини тузиш, яҳудийлар учун ҳаво майдонини очиш, Форс кўрфази давлатлари сармояларининг йирик миқдорда яҳудийларга оқиб келишини кафолатловчи иқтисодий келишувлар имзолаш каби бошқа келишувлар ҳам бўлди. Ҳаммасидан ҳам ёмони Амирликларнинг яҳудийлар билан таълим ва тарбия соҳасида келишув имзолагани бўлди. Гўё Амирликларнинг америкаликларга ва инглизларга мамлакатдаги таълим дастурини назорат қилиш имконини яратиб бергани камлик қилгандек, энди бу мамлакат ҳукмдорлари яҳудийларга ҳам айни дастурни назорат қилиш имконини беряпти!!
Дарҳақиқат, Амирликларнинг яҳудий вужуди билан муносабатларни нормаллаштириш бўйича имзолаган айни келишуви бошқа хоин араб ҳукмдорларининг ҳам ҳавасини келтирди… ҳаммаси Амирликларни айни келишув билан қутлашга шошилишди, лоақал биттаси ҳам бунга қарши чиқмади. Нетаньяху «булар шундай араб давлатларики, улар «Исроил» билан муносабатларни ошкора ва яширинча нормаллаштиришмоқда, «Исроил» улар учун илгари бўлгани каби энди душман бўлмай қолди, аксинча, барчалари бизнинг тинчликсевар иттифоқчиларимиз ва ҳамкорларимиздир», дея бежиз айтмади.
Бугунги кунда араб давлатларининг аҳволига қаранг, улар Фаластин танасига саратон бўлиб тушган мана шу босқинчилар билан муносабатларни нормаллаштириш «бахтига эришиш» учун гўё навбат кутиб турган давлатларга айланиб қолишди…
Энди исломий юртлардаги бошқа араб бўлмаган юртларга келсак, улардан бу келишувга нисбатан ҳеч қандай позиция билдирилмади. Улар орасида энг кўзга ташлангани Эрон билан Туркия. Эронни оладиган бўлсак, биз қирқ бир йилдан бери Эрон ҳукмдорларининг оммавий ахборот воситаларидаги фирибгарликларига, қуруқ оғзаки баёнотларига кўникиб қолганмиз… Бундан ташқари, Эрон яҳудийлар билан тинчлик ечимлари қабул қилинишига қарши эканлигини ҳамда уларга қарши асосий қаршилик кўрсатувчи кучларга раҳбарлик қилишини даъво қилиб келади. У раҳбарлик қилаётганини даъво қилаётган ушбу кучлар омадсиз бўлиб, кўп ҳолларда босқинчилар зарбасига учрайди. Бир вақтнинг ўзида, Эрон бу босқинчи вужудга тинимсиз раддия билдириш ҳуқуқини сақлаб қолишни биляпти, холос. Бинобарин, ундан амалда мутлақо кўринмайдиган жарангдор сўзларни эшитяпмиз, холос!
Туркияга келсак, унинг ҳукмдорлари яҳудий вужуди билан дипломатик, хавфсизлик, иқтисодий ва сиёсий муносабатларни сақлаб қолишга ҳар доим зўр бериб келган. Аммо бу сафар турк раҳбарларида муносабатларни нормаллаштиришга оид Амирликлар билан бу вужуд ўртасидаги келишувга қарши чиқиш ҳолатини кўрдик ва бу сиёсий мунофиқлигу ахборот бўрттиришидан бошқа нарса эмас! Агар улар ўз даъволарида чин бўлганда эди, Росулуллоҳ ﷺнинг Исро масканини босиб олган вужуд билан муносабатларни энг биринчи бўлиб ўзлари узган бўлишарди.
Бироқ бу ҳукмдорларнинг хиёнати яҳудий вужуди билан тузилган мана шу келишувдан бошлангани йўқ. Балки уларнинг қатор хиёнатлари халқаро қарорларга рози бўлишган кунданоқ бошланган. Мисол учун икки давлат тиклашга чақираётган кимсалар билан Амирликлар қилганидек «тинчлик муқобилида тинчлик» келишувига имзо чеккан кимсалар ўртасида фарқ йўқ. Шунга биноан, кимда-ким яҳудий вужудининг муборак Фаластин заминида бирор ҳаққи борлигига бошида рози бўлса, бас, у ҳам айни вужуд билан муносабатларни нормаллаштирганлардан бири саналаверади, келишувга имзо чекканми-йўқми, бунинг фарқи йўқ. Чунки яҳудийларнинг бу заминда бир вужуд сифатида сиёсий ҳуқуқлари борлигига бирор кимсанинг рози бўлишининг ўзи унда яҳудийлар билан алоқаларни нормаллаштириш қобилияти борлигига далолат қилади.
Демак, масала тинчлик келишувлари ёки нормаллаштириш келишувларида эмас. Балки нормаллаштираётган кимсаларда яҳудий вужудининг Фаластиннинг бир қисмида бўлишига розилик бор, масала шунда. Ҳозирда анча вақтдан бери давом этиб келаётган нарса яҳудийлар билан муносабатларни нормаллаштиришдир ва бу босқичма-босқич ёки дозалар шаклида давом этяпти. Бинобарин, яҳудий вужуди билан алоқалар қилиб, келишувлар имзолаётган Миср, Иордания, Амирликлар, Туркия давлатлари ҳукмдорлари ва Фаластин Озодлик Ташкилоти билан бу вужуд билан алоқалар қилмаётган ва келишувлар имзоламаётган Судан, Уммон, Баҳрайн ҳукмдорлари ўртасида фарқ йўқ. Зеро, бу раҳбарларнинг ҳаммаси – бир-бирларидан фарқсиз – имзолашга ҳозиру нозирдирлар.
Яҳудий вужуди билан муносабатларни нормаллаштириш келишувига имзо чекиш навбати бу давлатлардан қай бирига қачон келишини шу давлатлар раҳбарлари белгиламайди. Йўқ, буни фақат АҚШ ва бошқа Ғарб давлатлари белгилайди. Улар бу давлатларнинг келишувларга имзо чекиши учун муддатни ўзларига муносиб деб билишган сиёсий вазият ва талабларга қараб белгилашади.
Шубҳасиз, яҳудий вужудига нисбатан курашнинг тўғри ечими фақат жиҳодий фаолият орқали уни илдизи билан қўпориб ташлашдан иборат, бошқа ечими йўқ. Бу эса, рошид Халифалик давлатисиз асло амалга ошмайди. Зеро, Халифалик бу нажас вужудни илдизи билан қўпориб ташлаш, унинг сиёсий ва ҳарбий фаолиятига ҳамда ташкилотларига барҳам бериш df унинг вужудини бутунлай йўқ қилиш учун армияларни ҳаракатга келтиради.
Роя газетасининг 2020 йил 2 сентябр чоршанба кунги 302-сонидан
