Қирғизистон яна вирус ваҳимасини кучайтира бошлади
Қирғизистонда 14-июнда 78 одамда 15-июнда 87 одамда 16-июнда эса 100 одамдан коронавирус топилгани хабар қилинди. Бу пандемия бошлангандан бери энг юқори эълон қилинган кўрсаткич.
Президент Соронбай Жеенбеков 15-июнда бош вазир вазифасини вақтинча ўтаб бораётган Кубатбек Бороновни қабул қилиб, “Бишкек касаллик ўчоғига айланиб бораётганини” айтган эди.
Таҳлил: Қирғизистон сиёсий етакчилиги яширин мафия сингари иш олиб борадиган гуруҳ қўлига ўтиб боряпти. Бу гуруҳ мамлакат орган ходимлари, ГКНБ, суд, прокуратура каби куч структураларини ўз қўлига олиб, улар воситасида таниқли ва тажрибали сиёсатчиларни қўрқувда ушлаб туришибди. Сайлов олдидан пандемиядан фойдаланиб, фуқоролар устидан тўла назорат ўрнатиш мақсадида яна махсус режим ўрнатишга ҳаракат қиляпти.
Карантиннинг биринчи этапида, Қирғизистон қишлоқларида коронавирус ваҳимаси тарқатишда ва ундан ҳалок бўлган мурдалар рўйхатини кўпайтиришда муаммоларга дуч келишди. Одамларнинг бир бирлари билан қавму-қариндош, таниш-билиш ва уруғчилик алоқалари кучли эканлиги ҳукуматга пандемия фирибгарлик ишларида муаммолар туғдирди.
Шунинг учун карантиннинг навбатдаги этапини ҳукумат Россия сингари мамлакат пойтахтида ва кўпроқ касалларни уй қамоғига олиш услубидан фойдаланмоқчи. Шаҳарларда одамлар зич яшагани билан одамийлик алоқаларида бир бирларидан жуда ҳам узоқлашиб кетишган. Бу эса, ҳукуматга вирус ваҳимасини тарқатишда ҳам, ундан жабрланганлар рўйҳатини хоҳлаган миқдорда кўрсатишида ҳам жуда қўл келади.
Бундан ташқари куздаги парламент сайлов арафасида ҳокимият ҳам, етакчи гуруҳ ҳам, етарли сиёсий қувват тўплай олмади . Энди унинг сиёсий қувват тўплаб олишга ҳам, сиёсий электоратни бошқариб кетишга ҳам, деярли имконияти йўқ. Шунинг учун у махсус режимни кучайтириш йўли билан етук ва тажрибали сиёсатчилар йўлини тўсишга ҳаракат қилади. Одамларни ҳам, сиёсий манфаатларга бўлган эҳтиёжларидан чалғитиб, қалбаки пандемия ваҳимасини кучайтириш йўли билан карантиннинг янги ва яна янги услубларини ишлаб чиқиб, татбиқ қилиб бораверади!
Махсус режимларнинг ҳокимиятга манфаати шундаки, вазиятлар деярли куч тизимлари назоратига ўтади. Ҳар қандай халқ ёки сиёсий кучларнинг норозилик намойишларига таъқиқ қўйилади. Ҳукумат сайловда хоҳлаганидек ғирром ишларини амалга ошириши учун қулай имконият пайдо бўлади. Чет элдан мамлакат учун олинаётган қарзларни эркин (коррупция йўлида) ишлатиш имконияти кучаяди. Олинаётган қарзлар, (2010-йилдаги каби) қалбаки ҳисоботлар билан ёпиб ташланади.
Яширин етакчи гуруҳ эса, вазиятдан фойдаланиб ўзига тобе бўлган одамларни парламентга олиб келиб, улар воситасида мамлакатни бошқаришга ҳаракат қилишади. Давлат арбоблари ва сиёсий доира вакиллари бўлган таниқли сиёсатчилар ҳам, мухолиф кучлар ҳам, имконият топа олишмагач, оқим билан паралел сузишга мажбур бўлишади. Улар яна янги етакчи гуруҳнинг хизматкорларига айланишади.
Ҳокимият диний муҳитимизни ҳам ўз ҳолига ташлаб қўймайди. Ибодатларимизни тўсиш, очиқ ҳаром ишларга буюриш билан иймонли мусулмонларда норозилик кайфиятини кучайтиради. Мўътадил исломчиларни ўз томонларига олиб, ҳаромга ҳалол деб фатволар бердириб мусулмонларни бир неча бўлакларга бўлиб юборишади.
Биродарлар! Шунча касофат олиб келиши кутилаётган ишларнинг барчаси битта асосга, яъни улар кўпуртириб кўрсатмоқчи бўлган пандемия ваҳимасига бўлган бизнинг ишончимиз устига қурилади. Улар юқоридаги манфаатларини яшириб, бизга “биз халқнинг соғлигини ўйлаяпмиз, фуқоролар саломатлиги биринчи ўринда туради” деган чўпчаклар айтишяпти. Бутун матбуот шу томонга йўналтирилди.
Биродарлар, ҳокимиятни муҳосаба қилайлик! Макр билан олиб бораётган зулмларидан уни тўхтишга ҳаракат қилайлик! Қалбаки ваҳималарга ишонмаслигимизни баралла айтиб, уларни халқни қийнамасликка чақирайлик!
Абдураззоқ Мўъмин.