Коронавирус тарқалишини олдини олиш Ислом қадриятларида таъкидланган шаръий масъулиятдир
Коронавирус тарқалиб, уни глобал пандемия, дея баҳоланиши ортидан Тунис ҳукумати дарҳол вирус тарқалишини олдини олиш учун чора-тадбирлар кўра бошлади. У таълимни тўхтатди ҳамда масжидларни ёпиб, жамоат бўлиб намоз ўқишни тақиқлади… Бироқ ҳукумат кафелар, истироҳат боғлари ва ресторанларни ҳар куни кечқурун аср пайтига қадар очиқ қолдирди. Йўловчилар билан тиқилинч бўлган транспорт воситалари хусусида ҳеч қандай чора-тадбир кўрмай, одамлар тақдирини хавф остига қўйди. Ҳолбуки, бу борада чора кўриш вирус тарқалишини олдини олиш воситаларидан энг муҳими ҳисобланди.
Биз Ҳизб ут-Таҳрир – Тунис вилояти аъзолари юрт аҳлига ушбу самимий насиҳатимизни йўлламоқчимиз:
- Ушбу вирусга қарши курашишнинг энг муҳим усули инфекцияни олдини олиш бўлиб, бу шахсий гигиена қоидаларига риоя қилиш, кўп ушланадиган жойларни дезинфекция қилиш, қўлни ювмасдан оғиз, бурун, кўзларни ушламаслик, қўл бериб кўришмаслик, ўпмаслик, йиғилишлардан узоқ туриш, беморларга, касаллик симптомлари аён бўлган, йўталаётган, ҳарорати кўтарилган шахсларга яқинлашмаслик каби ишлар орқали амалга ошади. Дарҳақиқат, Росулуллоҳ ﷺ бу борада бундай деганлар:
«لاَ تُورِدُوا الْمُمْرِضَ عَلَى الْمُصِحِّ»
«Касални соғга яқинлаштирманг». (Бухорий ривояти). Яна бундай деганлар:
«فِرَّ مِنَ الْمَجْذُومِ فِرَارَكَ مِنَ الْأَسَدِ»
«Моховдан шердан қочгандек қочинг».
- Уйдан чиқмаслик. Кимки зарур иш билан кўчага чиқса, у касалликни ўзига ва оиласига юқишини олдини олиш учун барча чораларни кўрмоғи даркор. Яъни, оиласига аралашишдан олдин дезинфекция қилиш ва қўлни ювиш каби барча керакли кўрсатмаларни бажарсин. Чунки бу Росулуллоҳ ﷺнинг
«لاَ ضَرَرَ وَلاَ ضِرَارَ»
«Зарар кўрманг ва бировга зарар ҳам берманг», деган сўзларига биноан, кишининг ўз оиласи олдидаги улкан масъулиятидир.
- Ушбу касалликка чалинган киши шаръий масъулият деган эътиборда карантинга риоя қилиши шарт. Зеро, Росулуллоҳ ﷺ бундай деганлар:
«إِذَا سَمِعْتُمْ بِالطَّاعُونِ بِأَرْضٍ فَلاَ تَدْخُلُوهَا، وَإِذَا وَقَعَ بِأَرْضٍ وَأَنْتُمْ بِهَا فَلاَ تَخْرُجُوا مِنْهَا»
«Қачон бирор ерда ўлат-тоун тарқалганини эшитсангиз, у ерга кирманг, қачон ўзингиз турган ерда ўлат тарқалса, у ердан чиқманг». (Бухорий ривояти). Оиша онамиз Росулуллоҳ ﷺдан ушбу тоун-ўлат ҳақида сўрадилар. Росулуллоҳ ﷺ бундай жавоб қилдилар:
«أَنَّهُ كَانَ عَذَابًا يَبْعَثُهُ اللَّهُ عَلَى مَنْ يَشَاءُ، فَجَعَلَهُ اللَّهُ رَحْمَةً لِلْمُؤْمِنِينَ، فَلَيْسَ مِنْ عَبْدٍ يَقَعُ الطَّاعُونُ، فَيَمْكُثُ فِي بَلَدِهِ صَابِرًا، يَعْلَمُ أَنَّهُ لَنْ يُصِيبَهُ إِلَّا مَا كَتَبَ اللَّهُ لَهُ، إِلَّا كَانَ لَهُ مِثْلُ أَجْرِ الشَّهِيدِ»
«У (тоун) азоб бўлиб, Аллоҳ уни истаган кимсага юборади ва уни мўминларга раҳмат қилади. Бас, қайсидир банданинг юртида тоун тарқалса, у Аллоҳ пешонага ёзган нарсадан бошқа нарса бўлмайди, деб билган ҳолда юртдан чиқмай сабр қилиб ўтирса, албатта битта шаҳид оладиган ажрга эга бўлади». (Бухорий ривояти).
- Ислом буюрган олий қадриятларнинг барчасига риоя қилиш зарур. Масалан, ушбу вабога қарши курашиш учун ёрдам сўраганга ёрдам бериш, заифни қўллаш ва бу борада юртнинг барча кучлари билан ҳамкорлик қилиш каби. Чунки булар ҳамманинг масъулиятидаги ишлар бўлиб, ҳар бир киши ўз ўрнига қараб ҳаракат қилади. Росули акрам ﷺ бундай деганлар:
«كُلُّكُمْ رَاعٍ وَكُلُّكُمْ مَسْؤُولٌ عَنْ رَعِيَّتِهِ، فَالإِمَامُ الَّذِي عَلَى النَّاسِ رَاعٍ وَهُوَ مَسْؤُولٌ عَنْ رَعِيَّتِهِ، وَالرَّجُلُ رَاعٍ عَلَى أَهْلِ بَيْتِهِ وَهُوَ مَسْؤُولٌ عَنْ رَعِيَّتِهِ، وَالْمَرْأَةُ رَاعِيَةٌ عَلَى أَهْلِ بَيْتِ زَوْجِهَا وَوَلَدِهِ وَهِيَ مَسْؤُولَةٌ عَنْهُمْ، وَعَبْدُ الرَّجُلِ رَاعٍ عَلَى مَالِ سَيِّدِهِ وَهُوَ مَسْؤُولٌ عَنْهُ، أَلاَ فَكُلُّكُمْ رَاعٍ وَكُلُّكُمْ مَسْؤُولٌ عَنْ رَعِيَّتِهِ»
«Ҳар бирингиз раҳбарсиз ва ҳар бирингиз ўз раиятидан масъулсиз. Одамларга бош бўлган имом раҳбардир ва у ўз раиятидан масъулдир. Эркак киши ўз уйи аҳлига раҳбардир ва у ўз раиятидан масъулдир. Аёл эрининг уйи аҳли ва болаларига раҳбардир ва у улардан масъулдир. Кишининг қули ўз хўжайини молига раҳбардир ва у ундан масъулдир. Огоҳ бўлингки ҳар бирингиз раҳбарсиз ва ҳар бирингиз ўз раиятидан масъулсиз».
- Ислом Уммати қачон бундай пандемия ёки эпидемияларга дуч келса, Аллоҳга таваккал қилиб, Аллоҳга боғланиб, сабабларни ушлаб, Аллоҳга таяниб, Аллоҳдан мағфират сўраб, Аллоҳнинг қазосига таслим бўлишни талаб қилувчи ақидавий тушунчаларни эгаллаган ҳолда унга қарши курашади.
Бугун инсоният ҳақиқий ғамхўрлик кўрсатадиган, инсоний қадриятни моддийлик ва фойдадан устун қўядиган давлатга муҳтож бўлиб турибди. Шубҳасиз, бу Халифалик давлати бўлиб, у оламга нур ва раҳмат улашади ҳамда касалликларга моддий зиён ёки фойда ёхуд манфаат устида рақобат нуқтаи назаридан эмас, балки инсоний муаммо деб қараб, одамларни муолажа қилиш ва касалликнинг тарқалишини олдини олиш учун ўзидаги барча имкониятни сарфлайди.
Ҳизб ут-Таҳрирнинг Тунисдаги матбуот бўлими
