Муҳожир олиб келаётган буюмларга солинадиган бож кескин ошди. Минглаб ҳайдовчи ишсиз қолди
2020 йил, 1 январдан президент Шавкат Мирзиëевнинг «Жисмоний шахслар томонидан шахсий эҳтиëжлари учун товарларни олиб ўтиш тартибини янада такомиллаштириш тўғрисида»ги қарори кучга кирди.
«Божхона тўловларини ундиришнинг соддалаштирилган тартибини жорий этиш» иддаоси билан қабул қилинган бу қарор бож тўловларининг бир неча бараварга ошиши ва Ўзбекистонга кириш божхона постларида километрлаб навбатлар юзага чиқишига сабаб бўлди.
1 январдан бери чегарадан ўтолмай турган киракашларнинг Озодликка айтишича¸ 1 январгача 4 миллион сўм бож солинган моллар учун ўзбек божхоначилари ҳозирда 80 миллион сўм талаб қилмоқда.
Оқибатда¸ оиласини Россиядаги меҳнат муҳожирлари уйига юбораëтган юк ташиш билан боқиб келган минглаб хусусий машина ҳайдовчиси киракашликни тўхтатишга мажбур бўлган.
Президент қабулхонаси¸ Олий мажлис¸ Божхона қўмитасига бу қарор ижросини ўзгартириш сўрови билан бош ураëтган ҳайдовчиларнинг Озодликка айтишича¸ бирор давлат идорасидан жўяли изоҳ ола олмаган.
Тахлил: Ўзбекистон, Евро-Осиё иттифоқи билан алоқаларини узилишга аввалдан таёрланаётган кўринади. Қирғизистон ва Қозоғистон давлатларидан ўтаётган товарларга, хатто фуқоролар ўз эхтиёжлари учун олган арзимас матохларига хам, таннархидан бир неча боробар ортиқ бож тўлови талаб қилаяпти.
Ўз навбатида АҚШ ва Хитой давлатлари билан ўрталарида виза алоқаларини енгиллаштириш, савдо алоқаларини ривожлантириш ислохотлари кучаб бораяпти. Авғонистонда муроса ва тинчлик ўрнатиш учун бор имкониятлари билан харакат олиб бораяпти.
Демак Ўзбекистон Евро-осиё иттиқоқига киримоқчи эмас. Бу холат Россия билан алоқаларини кескинлашишига олиб боришини билиб, Мирзияев халқини кутилаётган вазиятларга аввалдан мослаштира бошлади.
Абдураззоқ Мўмин
