بِسْمِ اللهِ الرَّحْمٰنِ الرَّحِيمِ
НАТО ҳамда унинг етмиш йиллик туғён, зулм ва адовати
Абу Ҳамза Хутвоний
2019 йил 4 декабрда Британия пойтахти Лондонда Шимолий Атлантика Шартномаси Ташкилоти (НАТО) ташкил топганининг етмиш йиллиги муносабати билан айни ташкилотга аъзо давлатлар саммити бўлиб ўтди. Маълумки, НАТО 1949 йил АҚШ ва Канададан иборат Атлантика давлатлари томонидан, шунингдек, Туркия ҳамда аксар капиталистик Ғарб давлатлари томонидан Совет Иттифоқининг кучайиш хавфига қарши тузилган. Ўшанда Совет Иттифоқи Шарқий Европада рекорд даражада суръат билан кенгайиб, у ерларда коммунизмни татбиқ қилаётган эди. Кейин Совет Иттифоқи 1955 йил ўзига тобе коммунистик давлатлар билан биргаликда бир альянсга (Варшава шартномасига) асос солиб, Польша пойтахти Варшавани унинг қароргоҳи этиб тайинлади. Сўнг, коммунизмни куч билан ўтказган Шарқий Европа давлатларини ушбу альянсга қўшиб олди. Иккинчи Жаҳон урушидан сўнг олам икки лагерга бўлинди: АҚШ етакчилиги остидаги НАТОга аъзо капиталистик давлатлар лагери ва Совет Иттифоқи етакчилиги остидаги Варшава шартномаси давлатлари лагери.
1991 йил Совет Иттифоқи парчаланди ва Россия коммунизмдан капитализмга ўзгарди, Варшава шартномаси бузилиб, амал қилишдан тўхтади ва коммунизм хавфи йўқ бўлди. НАТОга аъзо давлатларга қарши ҳеч қандай таҳдид ҳам, НАТОни мавжуд бўлишини оқловчи бирорта сабаб ҳам қолмади. Бу ташкилотни тарқатиб юбориш ва халқаро лагерлар ҳолатига якун ясаш кутила бошлади.
Бироқ, АҚШ Ғарб давлатлари билан бирга бундай қилмади, НАТОни тарқатиш ўрнига, унга янги душманни-Исломни ўйлаб топди ҳамда НАТОни тарқатмасликни шу билан оқлади. Бу ҳақда Варшава шартномаси барбод бўлиши ортидан НАТО бош котиби Вилли Клаас баёнот берди. Баёнотида у энди Ғарб душмани коммунизм ўрнига Ислом келганини айтиб, исломий фундаментализм Ғарб қаршисидаги энг катта хавфга айланди, деди. Бу ҳақда шу мазмунда кўплаб ғарблик етакчилар гапиришган, Генри Киссинжер ҳам шулар жумласидан.
Шундай қилиб, демак, коммунизм ағдарилгандан сўнг Ғарб душмани ўз-ўзидан Ислом бўлиб қолди. Тўғри, бундан олдин ҳам Ислом Ғарб душмани бўлган. Аммо бу душманлик энди халқаро ҳарбий коалиция ва низомлар суратида бўлди. Масалан, НАТОнинг Босния ва Герцеговина, Ироқ, Афғонистон ва Ливияга нисбатан агрессиялари унинг мусулмонларни қаттиқ ёмон кўрувчи мустамлакачилик миссияси мавжудлигини кўрсатади.
1991 йилдан сўнг НАТО очиқ ва бевосита Исломнинг салибчи душманига айланди ва шу асосда кенгая бошлади. Масалан, Руминия, Болгария, Польша, Венгрия каби собиқ Совет Иттифоқи ҳукми остида бўлган Шарқий Европа давлатлари НАТОга қўшилди. Бугун унга аъзо давлатлар сони йигирма тўққизтага етди ва яна кўпайиши кутилмоқда.
НАТОга аъзо давлатлар билан, унга асос солган давлатлар ўртасида Исломга қарши курашда келишмовчилик йўқ. Бироқ, НАТОни қай услубда бошқариш керак ва унга сарф-харажат қанча ҳажмда бўлиши лозим каби масалаларда улар ўртасида ихтилоф мавжуд. Мисол учун, АҚШ Европа давлатларидан НАТОга бўлган ўз молиявий ҳиссаси ҳажмини кўпроқ қилишини истайди. Франция эса, АҚШ ва Англия билан бир қаторда юқори етакчилик мавқеини эгаллашга интилмоқда ҳамда НАТОдан чиқиб кетиш ва унинг ўрнини эгаллайдиган Европа Иттифоқи армияси ядросини яратиш билан таҳдид қилмоқда. У ҳақиқатда ҳам 1969 йилда Шарл де Голл даврида ундан чиқиб ҳам кетган, сўнг бир неча кундан сўнг қайтиб кирган.
Яқинда Лондонда бўлиб ўтган НАТО саммитидан олдин Франция президенти Макрон билан АҚШ президенти Трамп ўртасида тортишув ва жанжал юз берди. Макрон АҚШнинг НАТОга бўлган етакчилигига эътироз билдириб, НАТОнинг бош мияси ўлганини, Америка НАТО олдидаги ўз вазифаларини бажармаётганини айтган эди. Унга жавобан Трамп бундай деди: «НАТО буюк миссияни бажармоқда. АҚШ Европани биринчи ва иккинчи Жаҳон урушларидан буён мудофаа қилиб келмоқда ва бунинг учун ундан молиявий тўловдан бошқа нарсани талаб қилмаяпти. Макроннинг бу баёноти жирканчли ҳамда НАТОни жуда обрўсизлантирувчи баёнотдир. Ваҳоланки, НАТОдан энг кўп фойдаланаётган Франция бўлади. НАТОнинг ўрнини босадиган Европа армиясини ташкил қилиш Европа давлатлари қўлидан келмайди».
Кейин Туркия президенти Эрдоган НАТОни ҳимоя қилди ва Макронга ҳужум қилиб, «афтидан, НАТОнинг, эмас Макроннинг бош мияси ўлган кўринади», деди. Бунинг ҳайрон қоладиган ери шундаки, Эрдоган Макронга раддия билдириш билан ўзининг мана шу НАТО томонидан нишонга олинган бир мусулмон юртнинг раҳбари эканини унутган кўринади. Чунки Туркия НАТОга аъзо бўлган экан, унинг ерларидан АҚШ билан Ғарб давлатлари кучлари муҳим стратегик мавқе сифатида фойдаланиб келишяпти, шу орқали Исломга душманлик қилувчи НАТО мақсадлари амалга ошяпти… АҚШ самолётлари Туркия базаларидан кўтарилиб, мусулмон фарзандлари устидан тинимсиз ҳаво ҳужумларини амалга оширяпти. Агар Эрдоган мустақил қарор эгаси бўлганда эди, Ислом ва мусулмонларга ашаддий душман бўлмиш бундай алянсдан дарҳол чиқиб кетган бўларди. Зотан, НАТО Ироқ, Афғонистон ва бошқа мусулмон ўлкаларида қанча-қанча қатли омлар содир этди?! Сербияда Тарихда кам учрайдиган қирғинни содир этиб, Голландия иттифоқ кучлари ёрдамида Сребреницада бир неча куннинг ўзида 8000 мусулмонни қириб ташлаган ҳам НАТО бўлади.
Бугунги кунда НАТОнинг мавжудлиги нафақат мусулмонларга, балки бутун инсониятга қарши жиноятдир. У мустамлакачи давлатларнинг такаббур ҳарбий гуруҳи. У заиф халқларга зулм ва зўравонлик қилиш асосида ҳаракатланади ҳамда мустамлакачиликнинг янги бир кўринишини сақлаб туриш учун туғён ва адоват билан шуғулланади.
Шунинг учун эртага барпо бўлажак Ислом давлати зудлик билан бу Алянсни бузиб ташлаши ва қайта ташкил топишини олдини олиши шарт. Чунки НАТОнинг ташкил топиши, яна бутун дунёнинг ҳарбийлаштирилишини ҳамда доим зўрлар бечораларни эзиб яшовчи ўрмон қонунини зўрлаб ўрнатилишини англатади.
Инсонларга эзгулик улашиш адолат давлатини барпо этишсиз амалга ошмайди ва адолат давлатигина барча халқлар билан ўзининг одил қонун ва тузумлари ёрдамида муомала қилади. Ушбу давлат минг йилдан зиёд даврлик тажрибасида ўзини кўрсатди ва бу давр мобайнида унинг фуқароларидан бирортаси ҳам шахсни тасдиқловчи ҳужжат муаммосидан шикоят қилмаган. Унинг бағрида ҳеч ким зулм ва ажратиш, деган нарсани ҳис этмади. Шубҳасиз, ушбу давлатни бутун олам орзу қилмоқда ва албатта, у бутун инсониятга адолат ташувчи Пайғамбарлик минҳожи асосидаги иккинчи рошид Халифалик давлатидир.
Роя газетасининг 2019 йил 18 декабр чоршанба кунги 265-сонидан
