Ансорлар сифатига эга бўлиш учун зўравонлик ва қотиллик ҳамлалари олдида Суриялик муҳожирларга ёрдам бериш зарур
Истанбул волийлиги 22 июл якшанба куни «Ноқонуний миграцияга қарши кураш» номли матбуот баёноти чиқарди. 400та суриялик муҳожир давлат ҳудудидан ташқарига чиқариб юборилгани ҳақидаги хабарлар тарқалиши ортидан ўтказилган матбуот конференциясида Туркияга ноқонуний йўллар билан келган муҳожирлар таъқиб қилинаётгани ва давлат ҳудудидан чиқариб юборилаётгани маълум қилинди. Шунингдек, вақтинчалик ҳимоя гувоҳномаси билан Туркияда истиқомат қилаётган Суриялик ажнабийларни ўзлари яшаётган вилоятдан чиқариб, рўйхатдан ўтган вилоятга кўчириш тўғрисида ҳамда Истанбулда вақтинча яшаш учун рўйхатдан ўтишни тўхтатиш тўғрисида билдирилди. Суриялик муҳожирлар 2019 йил 20 августгача вақтинчалик ҳимоя гувоҳномасини олган вилоятга кўчиб кетиши кераклиги айтилган.
Истанбул волийлиги чиқарган ушбу баёнот ва кўрилаётган чоралар охирги пайтларда суриялик муҳожирларга қарши нафрат ва фитналарни келтириб чиқарган зўравонлик ва қотилликлар муҳожирларнинг душманлари фойдасига бўлган натижани кўрсатиб турибди. Шунингдек миллий ва илмоний сиёсат истаган нарса рўёбга чиқди. Сайлов кампанияларида «Исломий илдизлари чуқур бўлган Фотиҳ шаҳрини сурияликлардан тозалаймиз» номли шиорлар кўтарилди. Миллий ва манфаатни асос қилиб олган партияларнинг мақсади рўёбга чиқди. Чунки улар Туркия бошдан кечираётган иқтисодий инқирозга суриялик муҳожирлар айбдор дейишмоқда. Охири муҳожир ва ансорлар биродарлигидан ибрат олмаган ушбу тушунча соҳиблари ўз мақсадларига етишди.
Биз яъни Ҳизб ут-Таҳрирнинг Туркиядаги матбуот бўлими ходимлари 2019 йил 2 июлда «Суриялик муҳожирларга қарши амалга оширилаётган тажовузкорона ҳамлаларни қабул қилиб бўлмайди» номли варақа чиқардик. Ушбу варақада Адолат ва Тараққиёт партиясига шундай савол билан мурожаат қилдик: «Сурия қўзғолони авжига чиққан пайтда муҳожир ва ансорлар шиорини кўтарган, бугун эса сурияликларни қувиб чиқиш ҳақида гапираётган анави кишилар тажовуз ва фитналарда муҳим рол ўйнамаяптиларми? Улар Истанбул сайловларида мағлубиятга учраганлари учун жим турибдиларми?». Ички ишлар вазирининг буйруғи билан амалга оширилаётган юртига қайтариш ва кўчириш тадбирлари ва Истанбул волийлиги баёнотлари ҳукумат миллатчи илмонийлардан фарқ қилмаслигини кўрсатмоқда. Чунки бу ҳукумат зўравонлик ва тажовузкорона қотилликлар олдида бирор иш қилишга ярамади. Агар ҳукумат бунинг аксини даъво қилаётган бўлса, зўравонлик ва қотилликларга йўлиқаётган суриялик муҳожирларни кўчирмаслиги, балки уларни ҳимоя қилиши лозим эди. Агар ҳукумат вакиллари ўзларини ҳақиқатда ансорлар деб ҳисобласалар, Туркия президенти Эрдоганнинг 2014 йил Газиантепда сўзлаган нутқини эсласинлар. Эрдоган ўшанда шундай деган эди: «Қанча гап сўз бўлишидан қатъий назар, сизларнинг бизга оғирлигингиз йўқ. Ҳазоратимиз, сақофатимиз ва анъаналаримиз бир бўлган меҳмонлар биз учун баракот ва шарафдир». Кеча ва бугун ўртасида нима ўзгарди?! Сурия режими амалга ошираётган қирғинга якун ясалдими? Ёки Туркиянинг ёрдами билан қўзғолон ғалаба қозондими? Остона ва Сочида Туркия билан ҳамтовоқ бўлган Россия Идлиб бозорлари ва тинч аҳоли яшайдиган ерларни бомбаламоқда. Туркия эса, муҳожирларни кишанлаб, Идлибга юбормоқда. Ёки суриялик биродарларга муҳожир сифатида қаралмай, улардан сиёсий қурол сифатида фойдаланиляптими? Улар ўйнайдиган роли ниҳоясига етгач, оғир юкка айланадиларми? Сўнг уларни золимлар қўлига топшириш тўғрисида қарор қабул қилишдими?
وَالسَّابِقُونَ الْاَوَّلُونَ مِنَ الْمُهَاجِر۪ينَ وَالْاَنْصَارِ وَالَّذ۪ينَ اتَّبَعُوهُمْ بِاِحْسَانٍۙ رَضِيَ اللّٰهُ عَنْهُمْ وَرَضُوا عَنْهُ وَاَعَدَّ لَهُمْ جَنَّاتٍ تَجْر۪ي تَحْتَهَا الْاَنْهَارُ خَالِد۪ينَ ف۪يهَٓا اَبَداًۜ ذٰلِكَ الْفَوْزُ الْعَظ۪يمُ
«Муҳожир ва ансорларнинг биринчи пешқадамлари ва уларга чиройли амаллар билан эргашган зотлар — Аллоҳ улардан рози бўлди ва улар ҳам Ундан рози бўлдилар. Яна (Аллоҳ) улар учун остидан дарёлар оқиб турадиган, улар абадий қоладиган жаннатларни тайёрлаб қўйди. Мана шу буюк бахтдир» [Тавба 100]
