Трамп: Саудийлар бизга (Исроил) борасида кўп ёрдам берди!
АҚШ президенти Доналд Трамп Саудия ҳукумати (Исроил)ни қўллаб-қувватлашда Қўшма Штатларга ёрдам берганини илк бор расмий баёнотида эълон қилди.
Трамп Оқ Уйдан берган баёнотида журналист Жамол Кашикчининг ўлимидан сўнг Саудия Арабистони учун юзага келиши мумкин бўлган оқибатларга изоҳ берар экан, “Саудия Арабистони АҚШга нисбатан буюк иттифоқчи ва катта инвесторлардан биридир. Балки у АҚШга юзлаб ва минглаб иш ўринларини яратишга имкон берадиган миллиардлаб доллар маблағ ётқизган энг катта инвестордир”, деди.
АҚШ президенти Саудиянинг ёрдами хусусида батафсил маълумот бермаганидек, бошқа тафсилотларга ҳам киришмади.
Трамп журналист Кашикчининг бошига келган ҳодиса учун Саудия Арабистонини оқлаб бўлмаслигини, аммо айни пайтда Яқин Шарқни дунёнинг жуда оғир ва хавфли қисми деб ҳисоблашини таъкидлаб ўтди.
“Шу билан бирга улар биз учун жуда яхши иттифоқдош бўлдилар. (Исроил)га боғлиқ ишларда бизга кўп ёрдам беришди ва кўп нарсаларни маблағ билан таъминлашди”, дея қўшимча қилди Трамп.
Трамп ушбу баёноти билан (Исроил) манфаатларини ҳимоя қилишдаги Саудиянинг ролини биринчи бор расман тасдиқлади.
Фаластин муаммоси боис Саудия Арабистони ва (Исроил) ўртасида очиқ муносабатлар йўқлиги даъво қилинишига қарамасдан, (Исроил) бош вазири Бенямин Нетаняҳу, АҚШ президенти Долалд Трамп ва Саудия валиаҳди шахзода бин Салмон тарафидан берилган баёнотлар икки давлат ўртасида сезиларли яқинлашув мавжудлигини кўрсатмоқда. Қолаверса, бу масалада Саудия-(Исроил) ўртасидаги ошкор бўлиб қолган бир қанча махфий учрашувлар ҳам айнан шунга далолат қилади.
Туркистон:
Куфр олами Ислом оламидаги хоинлари билан бирлашиб, АҚШнинг манфаати устивор бўлган янги бир оламий муҳитни пайдо қилиб боряпти. Бу муҳитда фақат АҚШга ёки унинг оламий манфаатларига мос иш олиб бораётган давлатлар ёки ташкилотлар, ҳар қанча қабиҳ ишларни амалга оширсалар ҳам жавобгарликка тортилмайди. Чунки дунёда қайси давлатга қандай жазо бериш ёки ҳар турли санкциялар белгилаш фақат АҚШнинг салоҳияти бўлиб, у бу салоҳиятини оламий система ёки мабда манфаатидан эмас, ўз мамлакати манфаатидан келиб чиқиб белгилаб боряпти. Бу ҳолат оламий куфр системасининг инқирозидан дарак беради. Бунда қудратли давлатлар заифларини ошкора камситиб, ўз таъсири остидаги золим давлатларни ошкора ва ноқонуний йўллар билан қўллаб боришади. Куфр мабдаси асосидаги оламий бошқарув системаси аллақачон бошқарув қувватини йўқотиб бўлган. Тўғрироғи у ҳали тузилмай туриб олам манфаатлари учун уюшган эмас эди!
Ислом оламидаги хоин етакчиларимиз, оламий куфр системаси манфаати учун куфр етакчиларига аввал яширин хизмат кўрсатиб келишаётган бўлса, энди хиёнатларини ошкор қила бошлашди! Улар Аллоҳнинг қаҳридан ҳам, уммат нафратидан ҳам қўрқмай, очиқчасига куфр томонини танлаб, иймонларини арзон гаров сотиб боришяпти!
Туркиядаги консуллик Қирол Салмондан сўрамай, розилик олмай, уни огоҳлантирмай бир одамни қатл қилиб юборган эмиш. Бунга ким ишонади…. Ҳатто Трампнинг ўзи ҳам ишонмаяпти. У фақат “бу хоин менга яҳудий вужудини сақлаб туриш учун керак” деяпти. Демак Трамп Эрдигонга бу сен учун ҳам керак демоқчи! Арабларни жиловда ушлаб туришимиз учун бу хоин қироллик бутун куфр олами жумладан Эрдагон ҳокимияти учун ҳам керак демоқчи! Биз Ислом олами шу қадар ҳор бўлдикки хоинларга салтанатни топшириб қўйиб, улар воситасида яҳудийларни ҳимоя қилиб ўтирибмиз!!!
