Марказий Осиё мамлакатлари ягона виза ташкил қилиш устида баҳс юритмоқда
Марказий Осиёнинг тўрт давлати – Қирғизистон, Тожикистон, Қозоғистон ва Ўзбекистон – ўзаро «Ипак виза» деб номланган ягона виза тизимини ишга туширишни кўриб чиқмоқдалар. Бу виза тизими худди Европа давлатлари ўртасида жорий қилинган ягона “Шенген” визаси каби амалга оширилади. Бу ҳақида Қозоғистон маданият ва спорт вазири Аристанбек Муҳмадиули маълум қилди. Унинг таъкидлашича, хусусан Қозоғистон ва Ўзбекистон ҳукуматлари ушбу ташаббусни илгари суришда ташаббус кўрсатмоқда.
Муҳмадиулининг сўзларига кўра, Марказий Осиё давлатлари ўртасида ягона виза тизимини фаоллаштириш, бу борада баҳс юритаётган мазкур тўрт мамлакатга чет элдан келадиган саёҳатчиларни жалб қилиш учун ўз ҳиссасини қўшади.
Маълумки, Қозоғистон ва Қирғизистон Евроосиё иқтисодий иттифоқига аъзо давлатлардир. Шунингдек бу иттифоқ Россия, Беларусия ва Арманистонни ҳам ўз ичига олади.
Евроосиё иқтисодий иттифоқининг даъвосига кўра, у ўз аъзолари ўртасида савдо-сотиқ ва иқтисодий алоқаларни мустаҳкамлашга интилади ва иттифоқнинг шартномаларига биноан барча аъзоларига эркин товар хизматлар айрибошлаш ҳамда капитал ва меҳнат эркинлиги кафолатланади.
