Хитой ҳарбий делегацияси Қирғизистонга келди
Қирғизистонга Хитой Марказий ҳарбий кенгаши бошлиғининг ўринбосари Сюй Цилан бошчилигида ҳарбий делегация келди. Бу ҳақида Бош штаб хабар қилди.
Учрашув ёпиқ эшиклар ортида ўтиб, томонлар ҳарбий ва техник ҳамкорлик масалаларини муҳокама қилишди.
Хабар қилинишича, Хитой ҳарбий қурол-яроқ ва техникаларни Бош штабга грант асосида беради. Шунингдек, ҳарбий уй-жойларни қуриш учун моддий ва техник ёрдам берилади. Ҳозирча бериладиган маблағ миқдори маълум эмас.
Туркистон:
Хитойнинг бу галги ҳатти ҳаракати мустамлакачи давлатнинг муомаласи бўлиб, у гўёки бизни ички муҳитимиздаги алоқалар ва ҳар бир тармоқдан ўзини жавобгардек кўрсатяпти. Қирғиз ҳукумати эса ўзини Хитойга тобе бўлган заиф ва таъмагир эканини изҳор қилиб, уларга куллуқ қилишяпти. Улар олдида ўзини ўта паст тутиб, сўраган ҳар бир талабини президент ва ҳукумат миқёсида бажаришяпти, уларга шароитлар яратиб беришяпти. Огоҳ бўлайлик Хитой Қирғизистон томон кенгайиш мақсадида очиқ ва илдам қадамлар ташлай бошлади. Қирғиз ҳокимияти эса, била туриб унга барча эшикларини очиб беряпти. Мусулмон бўла туриб бу даҳрийлар мадади билан Ислом ва мусулмонларга қарши курашда улар билан ҳамкорлик қилишар эмиш. Бу даҳрийликнинг ўзи эмасми!
