Давлат агентлиги Хитой делегациясини қабул қилди
5-сентябр куни ҳукумат қошидаги Маҳаллий ўзини ўзи бошқариш ва миллатлараро муносабатлар бўйича давлат агентлиги директори Бахтиёр Солиев Хитой халқ республикаси (ХХР)нинг Халқ сиёсий маслаҳат Кенгашининг этник ва диний ишлар қўмитаси раиси Ван Вэйгуан билан учрашди.
Учрашув чоғида томонлар миллатлараро муносабатлар соҳасидаги ҳамкорлик салоҳияти йўлларини белгилашди.
Солиев ўз сўзида, бугунги кунда Қирғизистонда миллатлараро муносабатларни ривожлантириш ва мустаҳкамлаш учун қабул қилинган миллий ҳужжатларда миллатлараро низоларнинг олдини олиш бўйича яқин ва ўрта ҳамда узоқ муддатли чора-тадбирларга тўхталиб ўтди.
Унинг сўзларига кўра, Қирғизистонда халқнинг 27 фоизини ташкил этивчи 80дан ошиқ турли этник жамоалар вакиллари яшайди. Давлат этник сиёсатининг асосий йўналиши яқинда ишлаб чиқилган Фуқаролик интегарциянинг янги концепсиясида ўз ифодасини топган.
Ван Вэйгуан ўз сўзида, иш сафардан кўзланган асосий мақсад – Қирғизистоннинг миллатлараро муносабатлар ва дин ишлари бўйича олиб борган ишлари билан яқиндан танишиш, тажриба алмашиш ва ўрганиш эканлигини белгилаб ўтди
Туркистон:
Хитой давлати Қирғизистоннинг ички ишларига аралаша бошлади. Улар этнос (келгинди) миллат вакиллари, дин ва диндорлар муҳитига нисбатан Қирғиз ҳукуматининг олиб бораётган иш ҳаракатларини яқиндан ўрганиш учун келишган эмиш. Йўқ, улар Хитой миллати учун Қирғиз ҳукумати яна қандай имтиёзлар кўрсата олиш имкониятларини текшириш ҳамда уларни Қирғиз фуқоролигига қабул қилиш механизмини тезроқ ишга ошириш учун босим ўтказиш мақсадида келишди! Шунингдек, Хан су миллати Хитой ҳукумати билан бирга Ислом ва мусулмонларга қарши олиб бораётган зулмларига қарши пайдо бўлиб бораётган исломий муҳитдан хавотирланиб, Қирғиз ҳукумати билан шартнома тузиш мақсадида келди! Яъни Қирғиз ҳукуматининг Ислом динига қарши олиб бораётган тармоғи харажатлари учун молиявий ёрдам кўрсатишмоқчи. Лекин аввал Қирғизистонда Ислом ва мусулмонлар репрессияси ва таҳқирлаш кўлами, имконияти қанчалик эканини аниқлаштириб олишмоқчи.
Демак, Хитой делегацияси икки мақсадни рўёбга чиқариш учун келди. Биринчиси: Ҳукуматдан этник Хитойлар хавфсизлигини таъминлаб, уларга янада қулай ва манфаатли шарт шароитлар яратиб беришларини талаб қилиш учун. Иккинчиси: Қирғиз ҳокимиятини Ислом динига қарши курашдаги имкониятларини текшириш ҳамда уни керакли молиявий ва бошқа томонлама қўллаб туриш тармоғини ўз қўлига олиш учун. Қолган гапларининг ҳаммаси сафсата!
Хитойнинг бу галги ҳатти ҳаракати мустамлакачи давлатнинг муомаласи бўлиб, у гўёки бизни ички муҳитимиздаги алоқалар ва ҳар бир тармоқдан ўзини жавобгардек кўрсатяпти. Қирғиз ҳукумати эса ўзини Хитойга тобе бўлган заиф ва таъмагир эканини изҳор қилиб, уларга куллуқ қилишяпти. Улар олдида ўзини ўта паст тутиб, сўраган ҳар бир талабини президент ва ҳукумат миқёсида бажаришяпти, уларга шароитлар яратиб беришяпти. Огоҳ бўлайлик Хитой Қирғизистон томон кенгайиш мақсадида очиқ ва илдам қадамлар ташлай бошлади. Қирғиз ҳокимияти эса, била туриб унга барча эшикларини очиб беряпти. Мусулмон бўла туриб бу даҳрийлар мадади билан Ислом ва мусулмонларга қарши курашда улар билан ҳамкорлик қилишар эмиш. Бу даҳрийликнинг ўзи эмасми!
