НАТО саммитида кескинлик
Белгия пойтахти Брюсселда бўлиб ўтган НАТО саммити кескин шароитда бўлиб ўтди. Саммитнинг асосий мавзулари “мудофаа харажатлари”, “иттифоқ келажаги”, “янги тайинланадиган иккита юқори даражали қўмондон”, “кибер хавфсизлик”, “НАТОнинг Афғонистондага ҳарбий вужуди” ва “унинг Ироқдаги ролини муҳокама қилиш” устида бўлиб ўтди. Энг муҳим мавзу эса, АҚШ президенти Доналд Трампнинг узоқ вақтдан буён кун тартибига келтирган мудофаа харажатлари бўлганлиги шубҳасиздир.
Трамп НАТОга аъзо айрим давлатлар, шу жумладан Германияни кутилган маблағни тўлаб қўймаганликда айблади. Унинг таъкидлашича, бу давлатлар мудофаа харажатлари борасида берган ваъдаларини устидан чиқмаган ва йиллар давомида тўловларни амалга оширмай келган.
Икки кун давом этган ва 29 нафар давлатнинг раҳбари иштирок этган бу саммит қаттиқ мунозаралар остида ўтгани айтилмоқда. Президент Трамп Твиттер ижтимоий тармоғи орқали берган баёнотида НАТОга аъзо давлатларни нишонга олди.
“Биз уларни ҳимоя қилишимиз кутилган баъзи НАТО давлатлари зиммаларидаги 2 фоиз мажбуриятларини бажармаслик билан кифояланмаяптилар. Айни пайтда йиллар давомида тўланмаган маблағларга ҳам бепарво қарашяпти”, “Улар ҳеч қандай тўловларсиз, биз уларни ҳимоя қилишимизни исташмоқда. Бунақаси кетмайди!”, дея мурожаат қилди Трамп ўзининг Твиттер саҳифаси орқали.
Эслатиб ўтиш жоизки, НАТОга аъзо бўлган Туркия давлати 2018 йилда мудофаа харажатлари учун 15 миллиард 219 миллион доллар ажратади.
