Жонсон НАТО билан Россия ҳаракатларини муҳокама қилади
Буюк Британия ташқи ишлар вазири Борис Жонсоннинг хабар беришича, НАТО вакиллари билан Россия халқаро сиёсатини муҳокама қилиш ниятида. Бу ҳақда РИА “Новости” Британия ТИВ баёнотига асосан хабар бермоқда.
“НАТОнинг тезкор реакция билдириш имконияти Солсберида ГРУ собиқ полковниги Сергей Скрипалга ҳужум ва Суриядаги кимёвий ҳужумга альянс тезкор жавоби ҳамда Буюк Британия ҳаракатлари билан бирдамликни намойиш этиш орқали кўрсатиб берилди. Биз ЕИ ва G7’дан ҳам худди шундай қўллаб-қувватлов олдик. Биз шундай суръатни сақлаб қолишимиз ва Россияни унинг аҳмоқона ҳамда беқарорлаштирувчи ҳаракати туфайли жавобгарликка тортишимиз керак”, – дейилади баёнотда.
Таъкидланишича, бу учрашув НАТО вакиллари учун Англиянинг Солсберисида юз берган ҳодисадан сўнг биринчиси бўлади. Шунингдек баёнот матнига кўра, Россия томонидан эҳтимолий киберҳужумлар ва бошқа “гибридли таҳдидлар” муҳокама қилинади.
Жонсон ва НАТОга аъзо давлатлар ташқи ишлар вазирлари учрашуви 27 апрел куни бўлиб ўтди.
Туркистон:
Британия Россиядан умидини узди. У Россияни АҚШга қарши оламда ягона етакчиликка интилиб бораётган буюк давлат сифатида намоён қилиб борар эди. Британиянинг халқаро стротегияси БМТ хавфсизлик кенгаши воситасида дунёни бошқариб бориш системасини сақлаб қолиш асосига қурилган. Бунинг учун у АҚШнинг оламий якка ҳокимлик сиёсатига йўл бермаслиги керак бўлади. Акс ҳолда, АҚШ халқаро сиёсий системани ўзгартириб, ўзига тобе бўлган Германия, Япония сингари давлатлар билан янги халқаро бошқарув системасини пайдо қилиб олиши мумкин. Шунинг учун Британия АҚШ билан Россияни халқаро сиёсатга нисбатан тенг салмоқли ҳолатини пайдо қилиш мақсади асосидаги стротегиясига биноан иш олиб борар эди. Лекин охирги йилларда Россия халқаро сиёсатда ўз мавқеъини жуда тез йўқотиб боряпти. У энди АҚШ учун рақиб бўла олмайди.
Вазиятга мувофиқ Британия ўзининг илгариги стротегиясини, яъни АҚШни халқаро сиёсатдаги мавқеъини синдириш асосидаги стротегиясини ўзгартира бошлади. У аввал АҚШни Авғонистонга олиб кириб, бутун армиясини у ерда мағлубиятга учратиш орқали уни халқаро сиёсий майдонда шарманда қилди. Энди, яна аввалгидек ўзи бирга АҚШ билан коалиция тузиб, уни Сирияга ҳарбий юришга ундамоқда. Бунинг учун у Россияни Суриядаги ҳарбий ҳаракатларини чеклаши ёки умуман уни у минтақадан чиқариб юбориши керак. Трамп, Франция президенти Макрон билан учрашганида, Трампнинг Шом минтақасини тарк этиш мақсадига нисбатан Макрон қарши позиция билдирди. ЕИ ҳам Араб амирлиги сингари Шомда шиялар ҳукмронлиги кучайиб боришидан хавотирда. Демак, АҚШ минтақадаги ҳарбий позицияларни Россиядан бўшатиб бориш билан бир қаторда, ўзи ёки коалиция кучлари билан вазиятни, яъни сиёсий ва ҳарбий бўшлиқларни ўз қўлига олишга мажбур бўлади. Ўшанда яна Авғонистон сценарийси янгидан бошланиши кутиляпти. Англия мужоҳидлар билан яширин шартномалар тузиб, ҳарбий урушларга аралашмай туриб олади. Россия эса мужоҳидларга қурол сота бошлайди.
