Путин Россия учун энг асосий таҳдидни маълум қилди
Россия иқтисодий ва ижтимоий соҳалардаги янги мураккаб ҳолатларни бартараф эта олди, мамлакат яхлитлиги таъминланди, деди Россия президенти Владимир Путин Федерал йиғинга қилган мурожаатида.
“Биз бор эътиборимизни, бор кучимизни бир муштга жамлаб оғир ва самарали меҳнат қилиш учун иродамизни кўрсатишимиз шарт. Бундай қилмасак бизнинг ҳам, фарзандларимизнинг ҳам, мамлакатимизнинг ҳам келажаги бўлмайди. Гап кимдир келиб ерларимизни босиб олиши ҳақида бормаяпти. Гап мутлақо бу ҳақда эмас. Биз учун энг асосий таҳдид ва душман бу – қолоқлик. Агар вазиятни ўзгартирмасак, қолоқлигимиз янада кучаяди”,- деди Путин.
Маълумки, Россия президенти ҳар йили Федерал йиғинга мамлакатдаги ҳолат ҳамда ички ва ташқи сиёсатнинг асосий йўналишлари ҳақида мурожаат йўллайди. Мурожаат Россиянинг яқин истиқбол учун ривожланишнинг стратегик йўналишларини ифодаловчи дастурий сиёсий-ҳуқуқий ҳужжатдир.
Туркистон:
Путин сайлов олдидан сиёсий сафсата сотаётганини билиб турибмиз. Лекин у қолоқлик деганда давлат ва фуқороларининг айнан қайси тармоқдаги мувозанатини назарда тутяпти?
Сиёсий қолоқлик: Россиянинг ташқи халқаро сиёсатда деярли обрўйи қолмади. Ички сиёсатида ҳам авторитар режим ўрнатиб олиб, давлатни олигархлар (ҳукумат вакили бўлган ва салоҳиятларидан фойдаланиб капиталист бўлиб олган шахслар) бошқарувига айлантириб олди. Албатта бу Путин учун шу ҳолатни пайдо қилишига шароит яратиб берган Россия фуқороларининг сиёсий қолоқликларининг маҳсулидир!
Иқтисодий қолоқлик: Путин режими шахсий ва умумий мулкларнинг деярли барчасини “миллийлаштириш сиёсати” билан давлатнинг фойдасига тортиб олди. Бу мулклар режим вакиллари бўлган олигархлар ўрталарида тақсимланиб, ҳар бири давлат мулки ҳисобланган бир неча тармоқларни, ўзлари учун “соғин сигир” сингари даромад манбаига айлантириб олишди. Натижада аввал енгил саноат, кейин оғир саноат вайрон бўлди. Россия ҳозирда, чет эл маҳсулотлари учун улкан бозорга айланиб қолди. Бу ҳам Россия фуқороларининг сиёсий қолоқликларининг маҳсулидир!
Бундан ташқари рус халқининг сақофий, манавий, инсонийлик қолоқликлари ҳам бор. Лекин бу қолоқликлар фақат рус халқи учун хос эмас, балки, оламий куфр системасининг асоси бўлган капиталистик мафкурани татбиқ қилиш оқибатидан келиб чиқади.
Ҳа, юқоридаги қолоқликларга сабаб бўлган Путиннинг режимига ўз салоҳиятини топшириш ва унга мамлакатни шу ҳолатга олиб келиши учун имконият яратиб беришнинг ўзи рус халқининг қолоқлигидан дарак беради. Агар рус халқи бу қадар қолоқ бўлмаганида, Путин юқоридаги нутқида уларни таҳқирлаб бунчалик пастга уришга журъат қила олмас эди. У уялмай имконсиз ваъдаларни бериб, ўзини дунё халоскори сифатида намоён қилишда давом этяпти! Ваҳолангки Россиянинг қолоқлик даражаси, фақат Путин олиб бораётган саёз савияли сиёсат оқибатидан келиб чиққан.
