Нима учун масъул Камил Самигуллин бу ҳақда гапира олмайди?
Татаристон собиқ муфтиси ўринбосари Рустам Батиров орқали татар халқи наздида Ислом обрўсини тўкиш давом этяпти. Рустам Батиров бу сафар (Ҳадислар исломий оламни турғунликка етаклаган) номли мақола чоп этди. Бу мақола умуман олганда Ислом асосларига қарши ҳужум ва хусусан Татаристон мусулмонларининг руҳий етакчилиги обрўсини тўкиш ҳисобланади.
Батиров аввал ҳам беш вақт намоз ўқиш фарзлиги ҳақида шубҳа қилиши, чунки Қуръонда фарз намозлар сони қанчалигига далолат қилувчи оят йўқлиги ҳақида айтган эди. Ўшанда Татаристон муфтиси Камил Самигуллин ўзининг инстаграм саҳифаси орқали беш вақт намоз ўқиш фарзлиги ва кимки субути қатъий оятларни инкор қилса мусулмонликдан чиқишига далолат қилувчи шаръий далилларни келтирган эди. Ўз навбатида Батиров ахборот воситалари орқали Самигуллинни популист деб атаб, уни кофирга чиқарган ва ўз фикрларини ҳимоя қилган эди.
Муфти ва унинг собиқ ўринбосари ўртасидаги келишмовчиликнинг бу тарзда авж олиб кетиши ортида барчани унга жалб қилиш масаласи ётибди. Чунки татар халқи ичида Исломга қизиқаётганлар Батировнинг фикрларини ислоҳий фикрлар ва Камил Самигуллин ҳимоя қилаётган нарсани анъанавий Ислом деб атай бошлашди. Шундай қилиб муфтининг собиқ ўринбосари ўзининг Ислом ҳақидаги фикрларини жамият ичида тарқата олди. Муфти эса ўз хоҳиши биланми ёки мажбурми мана шу баҳс мунозарага қатнашди. Ваҳоланки у жамият эътиборини Батиров номли шахсга эмас, мана шу каби сунъий даъволарни ташлашдан кўзда тутилган мақсадга қаратиши лозим эди.
Муаммо шундаки, Камил Самигуллин расмий масъул, у Татаристон мусулмонлари бунчалик тез суратда Исломга қайтаётгани ғайримусулмонларни қўрқитиб юбораётгани, чунки Ислом Татаристон халқининг суянчиғи ва тараққиёт манбайи эканини айта олмайди. Россияда императорлар давридан бери Волга бўйи, Кавказ ва Ўрта Осиёда яшовчи исломий халқларни мана шу суянчиқдан ажратишга ҳаракат қилишган ҳамда бу ҳаракат коммунистик бошқарув даврида ҳам давом этди. Россия бугун ҳам шу мавзуга катта эътибор қаратмоқда, чунки у ушбу ҳудудларни ўз ҳукмронлиги остида қолдирмоқчи.
Шунинг учун бугун кўриб турганингиздек мусулмонларни таъқиб қилиш ва уларнинг уйғониши олдини тўсиш ҳаракатлари тўхтамаяпти. Шунингдек улар бирлашмасликлари учун бири орқали бошқасига зарба беришмоқда. Кофирлар олдинроқ мусулмонларни миллатчилик асосида бўлишди ва ўрталарида турли фитналар қўзғашди. Шундай қилиб умуман мусулмон юртларга ва хусусан Татаристонга ҳукмронлигини ўрнатишди.
Бундай ишлар бугун ҳам давом этмоқда, чунки аксарият мусулмонлар оламга ақида назари билан қарамаяптилар ва Аллоҳ Таолонинг қуйидаги оятини унутишди.
وَاعْتَصِمُوا بِحَبْلِ اللَّهِ جَمِيعًا وَلَا تَفَرَّقُوا
«Ва барчангиз Аллоҳнинг арқонига боғланингиз ва бўлинмангиз!» [Оли Имрон 103]
إِنَّمَا الْمُؤْمِنُونَ إِخْوَة
«Албатта мўминлар ака-укадирлар» [Ҳужурот 10]
Россиядаги муфтиёт барча эътиборини Исломни фақат ибодатларга чеклаш ва мусулмонларга анъанавий Ислом мана шу деб тушунтиришга қаратган. Ислом ҳақидаги мана шу таърифни ёқламаган мусулмонлар экстремист ва террорист деб номланиб турли зўравонликларга дучор бўлмоқда. Бугун анъанавий Исломнинг ўзи ҳам ҳужумга учрамоқдаки, бу нарса мусулмонларни Татаристон республикасининг руҳий етакчилик маркази амалга ошираётган ишлардан ноумид қилиш учун амалга оширилмоқда.
وَلاَ يَزَالُونَ يُقَاتِلُونَكُمْ حَتَّىَ يَرُدُّوكُمْ عَن دِينِكُمْ إِنِ اسْتَطَاعُواْ
«Улар (кофирлар) қўлларидан келса то динингиздан қайтаргунларича сизлар билан уришаверадилар» [Бақара 217]
Шундай бўлса-да, Камил Самигуллин мусулмон ва олим сифатида мана шу нарсалар ҳақида гапириши ва Батировнинг Ислом душманлари фойдасига хизмат қилишдаги мунофиқлигини фош қилиши лозим. Татаристон муфтисига мана шу нарса вожиб, чунки у Аллоҳ ва исломий Уммат олдида жавобгар шахсдир.
Ҳизб ут-Таҳрирнинг Россиядаги матбуот бўлими
Расмий сайт: www.hizb-russia.info
Электрон почта: mediaoffice.htr@gmail.com
