Тожикистонда “террористлар” қора рўйхати тузилди
Тожикистон миллий Банки томонидан 1362 нафар “терроризм”га алоқадор шахсларнинг рўйхати нашрга чиқарилди. Ушу рўйхатда Тожикистон исломий ўйғониш партиясининг (ҲНИТ) раиси Муҳиддин Кабирий Сурия ва Ироқда жанг қилаётганлар қаторидан жой олган.
“Ахбор” сайтига чоп этилган “Миллий рўйхат” нусхаси 19 август куни етиб келди. Рўйхат икки банддан иборат бўлиб бири “Тожикистонда терроризмга алоқадор деб эътироф қилинган юридик шахслар”, иккинчиси “Тожикистонда терроризмга алоқадор деб эътироф этилган ҳуқуқий шахслар”дир.
Хабарда айтилишича бу каби миллий руйхатларнинг тузилишидан мақсад, ҳалқаро FATF ташкилоти доирасидаги терроризмга қарши кураш ва терроризмни молиялаштиришнинг олдини олиш бўйича чора тадбирлар кўришдир. Зеро Тожикистон давлати ҳам ушбу ташкилотга аъзо сифатида ўзига юклатилган вазифалардан масъулдир.
Бу ҳақида журналистларга маълумот берган (исми ошкор қилинишини истамаган) юқори лавозимли шахс рўйхат хусусида қуйидагиларни сўзлади: “Айни рўйхат Тожикистон фуқаролари, шу жумладан хорижий ширкатлар вакилларига бир огоҳлантириш сифатида тузиб чиқилган. Токи улар рўйхатда қайд этилган ташкилотлар ва шахслар билан алоқада бўлишдан эҳтиёт бўлишсин ва улардан хеч қандай молиявий ва ҳатто моддий ёрдамларини қабул қилишмасин. Агарда бирор фуқаро юқорида тилга олинган шахслар билан алоқа ўрнатса, Тожикистон қонунига мувофиқ жиноий жавобгарликка тортилади ҳамда терроризм ва эктремизни молиялаштиришда айбланиб, оғир жазога тортилади”.
Жорий йилнинг март ойида нашрга чикарилган рўйхатга мувофиқ 1362 нафар шахснинг исми шарифи қайд этилган эди. Икки рўйхат аввалида террористик ташкилотларга аъзо 48 нафар исми келтирилган ва 157 киши Интерпол қидирув системаси рўйхатидан жой олганлиги белгилаб ўтилган.
Манба: Сайт Ахбор
