Германия ТИВ Туркияга нисбатан сиёсат ўзгарганини маълум қилди
Германия ташқи ишлар вазири Зигмар Габриэль ташқи сиёсатда ГФРнинг Туркияга нисбатан муносабатлари ўзгарганини маълум қилди.
Унинг айтишича, канцлер Ангела Меркель ва Социал-демократик партия раҳбари Мартин Шульц билан маслаҳатлашилганидан сўнг бу қарорга келинган.
Габриэлнинг сўзларига кўра, Анқара томонидан ҳар гал муносабатларнинг ёмонлашувини Германия Туркия расмийлари ақл-идрок билан ҳаракат қилишига умид билдирган ҳолда “босиқлик билан қабул қилишга ҳаракат қилган”. Бироқ ҳар гал Истамбулнинг ҳатти-ҳаракатиларидан, айниқса сўнги йилларда Берлиннинг “ҳафсаласи пир бўлган”.
Вазирнинг сўзларига қараганда, Германиянинг Туркияга сармоявий кредитлари ва иқтисодий ёрдамлари масаласидаги, хусусан кредитларга давлат кафолатини бериш талаблари қайта кўриб чиқилади. Унинг айтишича, шунингдек, Европа Иттифоқининг Туркиянинг ЕИга киришига тайёргарлик масаласида кўрсатадиган ёрдамлари ҳам қайта кўриб чиқилиши керак. Маълумки, бу каби масалаларни ҳал қилишда Германия ЕИда салмоқли кучга эга.
Бундан ташқари, Германия ТИВ Туркияга бормоқчи бўлган ГФР фуқоролари хавфсизлиги борасидаги тавсияларни ҳам кескинлаштиради. “Туркия билан муносабатларни аввалгидек ривожлантриб бўлмайди”,- деди Габриэль. Унинг бу каби муносабати яқинда Истамбулда Германия фуқороси Петер Штойдтнер ва яна беш нафар хуқуқ ҳимоячисининг ҳибсга олинганидан кейин пайдо бўлди. Маълумки Туркия расмийлари ҳибсга олинганларни терроризмни қўллаб-қувватлашда айбламоқда.
Туркия президенти Ражаб Эрдўғоннинг матбуот котиби Ибрагим Калин баёнот бериб “Германия ТИВ баёноти бу мамлакатда яқинлашаётган сайловлар билан боғлиқ бўлиб ички аудиторияга мўлжалланган”лигини айтди.
